मलाकी 4
4
परमेशरेरी महान दिहाड़ी
1“हेरा, तै भखते भेट्ठरी ज़ेरि दिहाड़ी#4:1 ज़ेरि दिहाड़ी न्यायेरी दिहाड़ी। एइतीए, ज़ैखन सब अभिमानी ते सब बुरे लोक अन्नेरो भूंस बनेले; ते तैस एजने बाले दिहाड़े मां तैना एरे भस्म भोइ गाले कि न तैन केरू ज़ील बच़ेलू ते न तैन केरि शाख, सेना केरो यहोवा एन ज़ोते।#2 थिस. 1:8. 2पन तुश्शे लेई ज़ै मेरे नंव्वेरो डर मनतो भोए, धार्मिकतारो दिहाड़ो निस्सेलो, ते तैसेरी किरणा केरे ज़िरिये सेइं तुसां बेझ़ोई गाले; ते तुसां निस्सतां पालोरे बछ़ड़ेरे ज़ेरे उछ़ड़ेले ते छालां मारेले। 3तैखन तुसां दुष्ट लोकन ढ्लन्च़ेले, मतलब मेरे तैस ठहरेवरे दिहाड़े तैना तुश्शे पव्वन हैठ मांज़न बेनि गाले, सेना केरो यहोवा एन ज़ोते।
4“मेरो दास मूसेरो कानून मतलब ज़ैना विधि ते नियम मीं सैरी इस्राएली लोकां केरे लेई तैस होरेब पहाड़े#4:4 होरेब पहाड़े दूइयोवं नवं सीनै पहाड़। पुड़ दित्तोरे थिये, तैना याद रखा।
5“हेरा, यहोवारे तैस बड़े ते भयानक दिहाड़ेरे एजनेरे पेइले, अवं तुसन कां एलिय्याह नबी भेज़ेलो।#मत. 11:14;मत. 17:11;मरक. 9:12;लूक. 1:17. 6ते तै अम्मा बाजी केरो मन तैन केरे मट्ठां केरे पासे बदलेलो, ते मट्ठां केरो मन तैन केरे अम्मा बाजी केरे पासे बदलेलो। एरू न भोए कि अवं एइतां धरती नाश केरि।”
നിലവിൽ തിരഞ്ഞെടുത്തിരിക്കുന്നു:
मलाकी 4: BHDNT
ഹൈലൈറ്റ് ചെയ്യുക
പങ്ക് വെക്കു
താരതമ്യം
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.