लैव्यव्यवस्था 12
12
जाप्पै के शुद्धिकरण के नियम
1फेर यहोवा नै मूसा तै कह्या, 2“इस्राएलियाँ तै कह: जो औरत गर्भवती हो अर उसकै छोरा हो, तो वा सात दिन ताहीं अशुद्ध रहवैगी; जिस तरियां वा मासिक धर्म कै बखत अशुद्ध रहया करदी। 3अर आठवें दिन छोरे का खतना करया जावै। 4फेर वा औरत अपणे शुद्ध करण आळे रूधिर म्ह तैंतीस दिन रहवै; अर जिब ताहीं उसकै शुद्ध हो जाण के दिन पूरे ना हों जिब तक वा ना तो किसे पवित्र चीज नै छुवै, अर ना पवित्र स्थान म्ह दाखल होवै। 5अर जै उसकै छोरी पैदा हो, तो उस ताहीं मासिक धर्म की जिसी अशुद्धता चौदहा दिन की लाग्गै; अर फेर छियासठ दिन ताहीं अपणे शुद्ध करण आळे रूधिर म्ह रहवै।”
6“जिब उसकै शुद्ध हो जाण के दिन पूरे हों, फेर चाहे उसकै बेट्टा होया हो चाहे बेट्टी, वा होमबलि कै खात्तर एक साल का भेड़ का बच्चा, अर पापबलि कै खात्तर कबूतरी का एक बच्चा या पिंडुकी मिलापआळे तम्बू के दरबाजे पै याजक कै धोरै ल्यावै। 7फेर याजक उसनै यहोवा कै स्याम्ही भेंट चढ़ाकै उसकै खात्तर प्रायश्चित करै; अर वा अपणे रूधिर कै बहण की अशुद्धता तै छूट कै शुद्ध ठहरैगी। जिस औरत कै छोरा या छोरी पैदा हो उसकै खात्तर योए नियम-कायदे सै। 8अर जै उसकै धोरै भेड़ या बकरी देण की पूंजी ना हो, तो दो पिंडुकी या कबूतरी के दो बच्चे, एक तो होमबलि अर दूसरा पापबलि कै खात्तर दे; अर याजक उसकै खात्तर प्रायश्चित करै, फेर वो शुद्ध ठहरैगी।”
നിലവിൽ തിരഞ്ഞെടുത്തിരിക്കുന്നു:
लैव्यव्यवस्था 12: BGC
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.