Ka Rome 2
2
Meha ta ghwə ta Shala
1Ma gha nya keve nda fete ke kweci mbeli ne, katenza na kaɗema ghena va gha. Kwa nza ŋkɛ ma kwa ndeke nda fete na ke kweci mbeli ba'a kwa mene na kala hɛ ne, nahe fete kekeseve ŋa perə. 2Nahe gheɓəmə keɗepe kameha ghwə Shala le kaganda te yayata wəndə nya kemene wəshi nyi kala nyi. 3Ma zəzə na ne, pələsə tenza na va ghwə ta Shala, gha nya keve nda fete ke mbeli nyi kemene jaɗafa ba'a nya kemene kala hɛ na? 4Na, gha ɓelama ganyɛ nya wəba ta Shala, zereghe ghena ta ŋkɛ ba'a ndeɗe mehele ta ŋkɛ na? Keɗepe na nda ganyɛa Shala kakeleke ŋa kezha zhɛre nza ta ŋa wəka? 5Ama ntɛaŋe ntɛaŋe ghəa ŋa, kaɗe na kazhɛre nza ta ŋa we. Vatse mtsehe nda yaka nya wəba na ke ghəa ŋa te veci nya tenca geva hwepe wənəa Shala. Ma te vecia shɛ ne, katemeha ghwə Shala tiɗiɗi te mbeli 6ba'a kateŋki nda zhɛme ŋkɛ ke mbeli kala slene nyi menete hɛ. 7Kateve nda mpi nya kaghala ghala ŋkɛ ke mbeli nyi kehwepete ghə kamene ganyɛ ba'a kazele zləvə, kwele ba'a mpi nya keɗema kamte. 8Ama katehwepe wənə Shala kwele kwele va mbeli nyi kezhɛne nda ghə, nyi keɗema kaganda ba'a nyi kepelave nda ghəa nci ke wəsə kwa ndiremi. 9Katenza yaka ba'a yirə te mbeli nyi kemene wəsə kwa ndiremi, kezha ka Zhəwif kaba ba'a kezha kweci hwelefefi. 10Ama kateve nda zləvə, kwele ba'a kwelɛŋe Shala ke yayata wəndə nya kemene ganyɛ, ke ka Zhəwif kaba, zhɛne, ke kweci hwelefefi. 11Kwa nza ŋkɛ kanta ghala Shala kwelɛ mbeli we.
12Ma pɛtɛa mbeli nyi kemenete jaɗafa kaɗema hɛ keɗepe wəsə mahalegəa Moyize ne, katempə hɛ kaɗema keɗepe wəsə mahalegə. Ama pɛtɛa mbeli nyi keɗepe wəsə mahalegəa Shala nda menete jaɗafa hɛ ne, wəsə mahalegə nde temeha ghwə te hɛ. 13Kwa nza ŋkɛ deke mbeli nyi kefate nda ŋa wəsə mahalegə ya kawəndə nya tiɗiɗi kwa kema ta Shala we, ama mbeli nyi kemene slene le wəsə mahalegəa shɛ. 14Ma kweci hwelefefi nyi keɗepema wəsə mahalegəa Shala nda menete slene hɛ le ghəa nci le ne, kala wəsə nya nza wəsə mahalegəa shɛ mbe hɛ, ya kwela ɗepema ŋkɛ hɛ. 15Ncɛ yancɛ hɛ tsagha tsema tsema rafete geva wəsə nya ɗe wəsə mahalegə mɛa wənəa nci. Gheŋkɛ yancɛ mehele ta nci, tsagha zəzə ta nci nyi keve nda fete ke hɛ te kwete hɛ ba'a kaya hɛ te kwete hɛ. 16Nya ya kawəsə nya ketenca geva vəa ŋkwa nya temeha ghwə Shala laka Yɛsə Kriste te wəshi nyi wəfərəakɛ mbeli, kala nya gezete Ghena kwatenca nya ganyɛ.
Ka Zhəwif ba'a wəsə mahalegəa Shala
17Ama gha nya keveyi ghəa ŋa kande Zhəwif ne, na na kedɛŋate geva te wəsə mahalegəa Shala ba'a kenza fare fare te Shala ta ŋa. 18Nahe na keɗepe ɗe ta Shala, nahe wəsə mahalegəa Shala ketekete ŋa kanta wəsə ganyɛ. 19Nahe na keveyi ghəa ŋa kande ncɛ nda hweŋkwa ke ka ghwələa kɛfi, kawaŋe kezha mbeli nyi mbe ŋkwesle, 20kande teke nda wəshi ke ka dewə ntsehwele ba'a kande sleke ŋwale, va nya veyi ghə na te kemave ɗepe wəsə ganyɛ ba'a kaganda mbe wəsə mahalegə. 21Yawa, ma gha nya kande teke nda wəshi ke mbeli ne, va wa ɗema na tekave nda ke ghəa ŋa wa? Kazlape na kezha ɗema mbeli kaghərə, ama kaghərə na. 22Kafɛa ŋkwa na kevale tahe, ama kavale na tahe. Kaɗema kweci shala na, ama kazhɛre dzeve na le wəshi nyi mbe yɛ ghɛa yɛ shala shɛhɛ. 23Kanza na fare fare te wəsə mahalegə, ama kakele zləvə na te Shala laka hawema va wəsə mahalegə. 24Kwa nza ŋkɛ, ma ke Ghena ta Shala gezete: «Tewəmbəreke gheyɛ ne, kaŋele Shala kweci hwelefefi.»
25Ma kenza nde kafa wəsə mahalegəa Shala na ne, kateke ŋa slamte mɓɛta ta ŋa, ama keɗema na kahawe va wəsə mahalegə ne, kala wəsə nya slamtema mɓɛta na. 26Ma wəndə nya keslamtema mɓɛta nya kehawe va wəsə mahalegə ne, kaɗema kateve ŋkɛ kala wəndə nya keslamte mɓɛta na? 27Ma wəndə nya keslamtema mɓɛta, nda hawete nda hawe ŋkɛ ke wəsə mahalegə ne, katemeha ghwə ŋkɛ te gha, gha nya kehawema va wəsə mahalegə, ya kwela nza palepa ta wəsə mahalegə va gha ba'a ya kwela slamte mɓɛta na. 28Kaganda ne, kenza nde Zhəwif nya kaganda kawəndə nya newe mbeli te ŋwela ba'a kawəndə nya keslamte mɓɛta nahe we. 29Ama nahe nde Zhəwif nya kaganda kenza kande Zhəwif nya mbe mbe, nya keslamte mɓɛta kwa wənə. Nahe sla ta mɓɛta shɛ kese va Sefəa Shala ba'a laka wəsə mahalegə nya kerafetema geva. Deke mbeli ka tsahe wəndəa shɛ we, ama Shala.
നിലവിൽ തിരഞ്ഞെടുത്തിരിക്കുന്നു:
Ka Rome 2: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Ka Rome 2
2
Meha ta ghwə ta Shala
1Ma gha nya keve nda fete ke kweci mbeli ne, katenza na kaɗema ghena va gha. Kwa nza ŋkɛ ma kwa ndeke nda fete na ke kweci mbeli ba'a kwa mene na kala hɛ ne, nahe fete kekeseve ŋa perə. 2Nahe gheɓəmə keɗepe kameha ghwə Shala le kaganda te yayata wəndə nya kemene wəshi nyi kala nyi. 3Ma zəzə na ne, pələsə tenza na va ghwə ta Shala, gha nya keve nda fete ke mbeli nyi kemene jaɗafa ba'a nya kemene kala hɛ na? 4Na, gha ɓelama ganyɛ nya wəba ta Shala, zereghe ghena ta ŋkɛ ba'a ndeɗe mehele ta ŋkɛ na? Keɗepe na nda ganyɛa Shala kakeleke ŋa kezha zhɛre nza ta ŋa wəka? 5Ama ntɛaŋe ntɛaŋe ghəa ŋa, kaɗe na kazhɛre nza ta ŋa we. Vatse mtsehe nda yaka nya wəba na ke ghəa ŋa te veci nya tenca geva hwepe wənəa Shala. Ma te vecia shɛ ne, katemeha ghwə Shala tiɗiɗi te mbeli 6ba'a kateŋki nda zhɛme ŋkɛ ke mbeli kala slene nyi menete hɛ. 7Kateve nda mpi nya kaghala ghala ŋkɛ ke mbeli nyi kehwepete ghə kamene ganyɛ ba'a kazele zləvə, kwele ba'a mpi nya keɗema kamte. 8Ama katehwepe wənə Shala kwele kwele va mbeli nyi kezhɛne nda ghə, nyi keɗema kaganda ba'a nyi kepelave nda ghəa nci ke wəsə kwa ndiremi. 9Katenza yaka ba'a yirə te mbeli nyi kemene wəsə kwa ndiremi, kezha ka Zhəwif kaba ba'a kezha kweci hwelefefi. 10Ama kateve nda zləvə, kwele ba'a kwelɛŋe Shala ke yayata wəndə nya kemene ganyɛ, ke ka Zhəwif kaba, zhɛne, ke kweci hwelefefi. 11Kwa nza ŋkɛ kanta ghala Shala kwelɛ mbeli we.
12Ma pɛtɛa mbeli nyi kemenete jaɗafa kaɗema hɛ keɗepe wəsə mahalegəa Moyize ne, katempə hɛ kaɗema keɗepe wəsə mahalegə. Ama pɛtɛa mbeli nyi keɗepe wəsə mahalegəa Shala nda menete jaɗafa hɛ ne, wəsə mahalegə nde temeha ghwə te hɛ. 13Kwa nza ŋkɛ deke mbeli nyi kefate nda ŋa wəsə mahalegə ya kawəndə nya tiɗiɗi kwa kema ta Shala we, ama mbeli nyi kemene slene le wəsə mahalegəa shɛ. 14Ma kweci hwelefefi nyi keɗepema wəsə mahalegəa Shala nda menete slene hɛ le ghəa nci le ne, kala wəsə nya nza wəsə mahalegəa shɛ mbe hɛ, ya kwela ɗepema ŋkɛ hɛ. 15Ncɛ yancɛ hɛ tsagha tsema tsema rafete geva wəsə nya ɗe wəsə mahalegə mɛa wənəa nci. Gheŋkɛ yancɛ mehele ta nci, tsagha zəzə ta nci nyi keve nda fete ke hɛ te kwete hɛ ba'a kaya hɛ te kwete hɛ. 16Nya ya kawəsə nya ketenca geva vəa ŋkwa nya temeha ghwə Shala laka Yɛsə Kriste te wəshi nyi wəfərəakɛ mbeli, kala nya gezete Ghena kwatenca nya ganyɛ.
Ka Zhəwif ba'a wəsə mahalegəa Shala
17Ama gha nya keveyi ghəa ŋa kande Zhəwif ne, na na kedɛŋate geva te wəsə mahalegəa Shala ba'a kenza fare fare te Shala ta ŋa. 18Nahe na keɗepe ɗe ta Shala, nahe wəsə mahalegəa Shala ketekete ŋa kanta wəsə ganyɛ. 19Nahe na keveyi ghəa ŋa kande ncɛ nda hweŋkwa ke ka ghwələa kɛfi, kawaŋe kezha mbeli nyi mbe ŋkwesle, 20kande teke nda wəshi ke ka dewə ntsehwele ba'a kande sleke ŋwale, va nya veyi ghə na te kemave ɗepe wəsə ganyɛ ba'a kaganda mbe wəsə mahalegə. 21Yawa, ma gha nya kande teke nda wəshi ke mbeli ne, va wa ɗema na tekave nda ke ghəa ŋa wa? Kazlape na kezha ɗema mbeli kaghərə, ama kaghərə na. 22Kafɛa ŋkwa na kevale tahe, ama kavale na tahe. Kaɗema kweci shala na, ama kazhɛre dzeve na le wəshi nyi mbe yɛ ghɛa yɛ shala shɛhɛ. 23Kanza na fare fare te wəsə mahalegə, ama kakele zləvə na te Shala laka hawema va wəsə mahalegə. 24Kwa nza ŋkɛ, ma ke Ghena ta Shala gezete: «Tewəmbəreke gheyɛ ne, kaŋele Shala kweci hwelefefi.»
25Ma kenza nde kafa wəsə mahalegəa Shala na ne, kateke ŋa slamte mɓɛta ta ŋa, ama keɗema na kahawe va wəsə mahalegə ne, kala wəsə nya slamtema mɓɛta na. 26Ma wəndə nya keslamtema mɓɛta nya kehawe va wəsə mahalegə ne, kaɗema kateve ŋkɛ kala wəndə nya keslamte mɓɛta na? 27Ma wəndə nya keslamtema mɓɛta, nda hawete nda hawe ŋkɛ ke wəsə mahalegə ne, katemeha ghwə ŋkɛ te gha, gha nya kehawema va wəsə mahalegə, ya kwela nza palepa ta wəsə mahalegə va gha ba'a ya kwela slamte mɓɛta na. 28Kaganda ne, kenza nde Zhəwif nya kaganda kawəndə nya newe mbeli te ŋwela ba'a kawəndə nya keslamte mɓɛta nahe we. 29Ama nahe nde Zhəwif nya kaganda kenza kande Zhəwif nya mbe mbe, nya keslamte mɓɛta kwa wənə. Nahe sla ta mɓɛta shɛ kese va Sefəa Shala ba'a laka wəsə mahalegə nya kerafetema geva. Deke mbeli ka tsahe wəndəa shɛ we, ama Shala.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.