Ka Rome 1
1
Njiŋwe ŋkwa
1Se va Pol nya kande mene slene ta Yɛsə Kriste nya kehekakɛ geva kezha nza kande ghwene ta ŋkɛ ba'a nya ntave Shala kezha zlape Ghena kwatenca nya ganyɛ ta ŋkɛ.
2Ghena kwatenca nya ganyɛa shɛ yameɗeyi ŋkɛ vəashi mbe Ghena ta Shala laka ka mɛ ŋkwa ta ŋkɛ. 3Te Wəzege ta ŋkɛ gezete geva ghena shɛ, kawəndə ŋelɛ yake geva ŋkɛ shave hwa hwelefe ta David. 4Nahe Shala keveyi ŋkɛ laka Sefəa ŋkɛ kaWəzege ta ŋkɛ le berete laka same ta ŋkɛ kwa kwele, gheŋkɛ Yɛsə Kriste Nde sleke ɓəmə. 5Laka gheŋkɛ kemave zlaɓa ta Shala 'ya yitea nza kande ghwene ta ŋkɛ, yitea heka pɛtɛa hwelefefi kase kayɛ ŋkɛ ba'a kahawe ve. 6Hwa mbelia shɛhɛ yɛ perə, gheyɛ nyi hekakɛ Yɛsə Kriste.
7Ke gheyɛ nyi ɗe Shala nyi mbe Rome, gheyɛ nyi hekakɛ ŋkɛ pɛtɛ kezha nza kambelia Shala rafe ŋayɛ palepa 'ya. Pa Shala Yiteyɛ ɓəmə ba'a Nde sleke ŋkwa Yɛsə Kriste ndeke ŋayɛ zlaɓa ba'a kwelɛŋe.
Yɛ Pol le ka Kriste nyi mbe Rome
8Ma kaba ne, hana 'ya sha Shala laka Yɛsə Kriste kezha gheyɛ pɛtɛ. Kwa nza ŋkɛ pɛtɛ mbeli kageze ghena ta yɛ ta ŋayɛ te hɛɗi lema. 9Nahe Shala keɗepe kaganda yageze 'ya, gheŋkɛ yatsahe 'ya kwa wənəa ɗa laka zlape Ghena kwatenca nya ganyɛ ta Wəzege ta ŋkɛ. Nahe ŋkɛ keɗepe keveci keveci hekɛme ŋayɛ 'ya mbe səkwə ghə ta ɗa. 10Ka'yɛwe 'ya va Shala kezha ndeke ɗa hweŋkwa ŋkɛ kalə sha gheyɛ keɗe ŋkɛ. 11Kwa nza ŋkɛ kwele kwele ɗe 'ya kabegeme le gheyɛ, kezha ndeke ŋayɛ kwete wəsə gəməa Sefəa Shala nya ketemtsehe ŋayɛ berete. 12Ɓiyitsa ne, kaɗe 'ya kalə sha gheyɛ kezha kemave hwepe ghə gheɓəmə kanya kwetɛŋe, 'ya laka yɛ ta ŋayɛ, gheyɛ laka yɛ ta ɗa.
13Ka kesaka ma, kaɗe 'ya kaɗepe yɛ ghala veci zəzəte 'ya kalə sha gheyɛ. Ama pa tsetsenya kaɗema 'ya kekemave hweŋkwa. Kaɗe 'ya kezha kemave zhɛme ta ŋkɛ slene ta ɗa va gheyɛ kala nya kemave ŋkɛ va kweci hwelefefi. 14Kwa nza ŋkɛ nahe slene ta ɗa kenza kezha lə sha mbeli kentsehwele ntsehwele ba'a nyi kentsehwelema, sha nyi keɗepe wəsə ba'a nyi keɗepema. 15Vatse ɗe 'ya kakele ŋayɛ Ghena kwatenca nya ganyɛa shɛ kadzeme, gheyɛ nyi mbe Rome perə.
Berete ta Ghena kwatenca nya ganyɛ
16Kwa nza ŋkɛ kazhɛ ɗa hawe va Ghena kwatenca nya ganyɛ we, gheŋkɛ ya kaberete ta Shala kezha mbele yayata wəndə nya keyɛte: ka Zhəwif kaba, zhɛne, kweci hwelefefi. 17Kwa nza ŋkɛ ne, ma ke Ghena kwatenca nya ganyɛ ncɛte: Kave mbeli Shala tiɗiɗi kwa kema ta ŋkɛ vəa ŋkwa nya yɛ ŋkɛ hɛ, nahe yɛa shɛ kenza wərə. Kaganda ne, ma ke Ghena ta Shala gezete: «Nahe wəndə nya keyɛte Shala kenza tiɗiɗi, tsagha gɛ, katekemave mpi ŋkɛ.»
Ka jaɗafa mbeli pɛtɛ
18Kaganda ne, nahe hwepe wənəa Shala kencɛte geva sawa pelɛ ghweme va yayata jaɗafa ba'a yayata wəsə kwa ndiremi nya mene mbeli. Wəshi nyi ndiremi ndiremi nyi mene hɛ ka fɛa kaganda kemene geva. 19Kaganda ne, nahe wəsə nya nza wəndə kaɗepe Shala te kenza dazhɛ dazhɛ, Shala le ghəa ŋkɛ nde ncɛte nda ŋkɛ ke hɛ. 20Kwa nza ŋkɛ ghala pate ghweme ba'a hɛɗi Shala ne, nahe nza ta ŋkɛ nya ɗema mbeli kanakɛ ba'a berete ta ŋkɛ kencɛte geva mbe slene ta ŋkɛ. Nahe ghena keɗema shɛ va mbeli kwa kema ta Shala tsagha gɛ. 21Nahe hɛ keɗepe Shala, ama katsahe ŋkɛ hɛ ba'a katsa nda hana hɛ kala nya hi mbeli kamene nda we. Ama nahe zəzə ta nci kebezenji ba'a nahe mehele ta nci keveyi geva mbe ŋkwesle. 22Kaka ntsehwele ntsehwele ve ghenci hɛ, ama kaka gezhia kɛfi hɛ. 23Nahe hɛ keɗema hawe va zləvəa Shala nya keɗema kamte kezha hawe va yɛ pa ta wəndə ŋelɛ nya kemte, ŋa yɛ 'yɛ, ŋa wəshi keseɗa ba'a wəshi nyi kentsehe geva dzate te hɛɗi.
24Vatse sərəakɛ hɛ Shala kamene wəshi nyi wale wale, kala nya ɗe wənəa nci, yitea mene wəshi hawe hɛ kwelɛ ghəa nci. 25Nahe hɛ kewəfəyite Shala nya kaganda yitea zele kweci shala, ntake hɛ kahawe va wəshi nyi pate Shala te ŋkwa Shala nya kepate pɛtɛa wəshi, nya hi mbeli katsahe ŋkɛ kaghala ghala. Amɛn.
26Vatse sərəakɛ hɛ Shala kamene wəshi hawe: nahe mia nci kesərəakɛ zhilia nci kezha vale ghəa nci, wəsə nya kehitema geva kamene. 27Tsagha shɛ ne, kawəfə ɓelahe zhili le mi, kampə hɛ va mawe yitea ghəa nci. Ntake yɛ za le za kavale ghəa nci, nahe ŋkɛ kenza kahawe, vatse kemave zhɛme nya kese mbe dzeghwa kwa ndiremia nci hɛ.
28Ma kala nya ɗema hɛ kaɗe kaɗepe Shala ne, nahe Shala kesərəakɛ hɛ kazele zəzə ta nci nyi kebeze beze. Tsagha ne, deke wəshi nyi hima mbeli kamene yamene hɛ. 29Nahe hɛ kenza mpɛafe va wəsə nya kehitema geva, wəsə kwa ndiremi, dzeghwama ntsə, 'yaghwa mehele, sla ntsə, mpə ŋkwa, veraslə, mbəɗəkwə, mene wəshi hawe, beze sləa mbeli, 30ŋwashɛ ŋwashɛ, nza kande ghema ta Shala, ŋkele ntsə, kele ghə, fege, ve nda ghə ke wəsə kwa ndiremi, hawema va mbeli nyi keyake hɛ, 31dewə mehele, tseramema yɛ meɗe mɛa nci, ntɛaŋentɛa ghə ba'a va zhɛma heli. 32Ya ghenci ɗepe meha ghwə ta Shala megela ne, nahe mte kehi va mbeli nyi kemene kala nya. Kafɛa hɛ yitea mene wəshia shɛhɛ we, zhɛne ne, kayɛ nda ŋa mbeli nyi kemene hɛ hɛ.
നിലവിൽ തിരഞ്ഞെടുത്തിരിക്കുന്നു:
Ka Rome 1: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Ka Rome 1
1
Njiŋwe ŋkwa
1Se va Pol nya kande mene slene ta Yɛsə Kriste nya kehekakɛ geva kezha nza kande ghwene ta ŋkɛ ba'a nya ntave Shala kezha zlape Ghena kwatenca nya ganyɛ ta ŋkɛ.
2Ghena kwatenca nya ganyɛa shɛ yameɗeyi ŋkɛ vəashi mbe Ghena ta Shala laka ka mɛ ŋkwa ta ŋkɛ. 3Te Wəzege ta ŋkɛ gezete geva ghena shɛ, kawəndə ŋelɛ yake geva ŋkɛ shave hwa hwelefe ta David. 4Nahe Shala keveyi ŋkɛ laka Sefəa ŋkɛ kaWəzege ta ŋkɛ le berete laka same ta ŋkɛ kwa kwele, gheŋkɛ Yɛsə Kriste Nde sleke ɓəmə. 5Laka gheŋkɛ kemave zlaɓa ta Shala 'ya yitea nza kande ghwene ta ŋkɛ, yitea heka pɛtɛa hwelefefi kase kayɛ ŋkɛ ba'a kahawe ve. 6Hwa mbelia shɛhɛ yɛ perə, gheyɛ nyi hekakɛ Yɛsə Kriste.
7Ke gheyɛ nyi ɗe Shala nyi mbe Rome, gheyɛ nyi hekakɛ ŋkɛ pɛtɛ kezha nza kambelia Shala rafe ŋayɛ palepa 'ya. Pa Shala Yiteyɛ ɓəmə ba'a Nde sleke ŋkwa Yɛsə Kriste ndeke ŋayɛ zlaɓa ba'a kwelɛŋe.
Yɛ Pol le ka Kriste nyi mbe Rome
8Ma kaba ne, hana 'ya sha Shala laka Yɛsə Kriste kezha gheyɛ pɛtɛ. Kwa nza ŋkɛ pɛtɛ mbeli kageze ghena ta yɛ ta ŋayɛ te hɛɗi lema. 9Nahe Shala keɗepe kaganda yageze 'ya, gheŋkɛ yatsahe 'ya kwa wənəa ɗa laka zlape Ghena kwatenca nya ganyɛ ta Wəzege ta ŋkɛ. Nahe ŋkɛ keɗepe keveci keveci hekɛme ŋayɛ 'ya mbe səkwə ghə ta ɗa. 10Ka'yɛwe 'ya va Shala kezha ndeke ɗa hweŋkwa ŋkɛ kalə sha gheyɛ keɗe ŋkɛ. 11Kwa nza ŋkɛ kwele kwele ɗe 'ya kabegeme le gheyɛ, kezha ndeke ŋayɛ kwete wəsə gəməa Sefəa Shala nya ketemtsehe ŋayɛ berete. 12Ɓiyitsa ne, kaɗe 'ya kalə sha gheyɛ kezha kemave hwepe ghə gheɓəmə kanya kwetɛŋe, 'ya laka yɛ ta ŋayɛ, gheyɛ laka yɛ ta ɗa.
13Ka kesaka ma, kaɗe 'ya kaɗepe yɛ ghala veci zəzəte 'ya kalə sha gheyɛ. Ama pa tsetsenya kaɗema 'ya kekemave hweŋkwa. Kaɗe 'ya kezha kemave zhɛme ta ŋkɛ slene ta ɗa va gheyɛ kala nya kemave ŋkɛ va kweci hwelefefi. 14Kwa nza ŋkɛ nahe slene ta ɗa kenza kezha lə sha mbeli kentsehwele ntsehwele ba'a nyi kentsehwelema, sha nyi keɗepe wəsə ba'a nyi keɗepema. 15Vatse ɗe 'ya kakele ŋayɛ Ghena kwatenca nya ganyɛa shɛ kadzeme, gheyɛ nyi mbe Rome perə.
Berete ta Ghena kwatenca nya ganyɛ
16Kwa nza ŋkɛ kazhɛ ɗa hawe va Ghena kwatenca nya ganyɛ we, gheŋkɛ ya kaberete ta Shala kezha mbele yayata wəndə nya keyɛte: ka Zhəwif kaba, zhɛne, kweci hwelefefi. 17Kwa nza ŋkɛ ne, ma ke Ghena kwatenca nya ganyɛ ncɛte: Kave mbeli Shala tiɗiɗi kwa kema ta ŋkɛ vəa ŋkwa nya yɛ ŋkɛ hɛ, nahe yɛa shɛ kenza wərə. Kaganda ne, ma ke Ghena ta Shala gezete: «Nahe wəndə nya keyɛte Shala kenza tiɗiɗi, tsagha gɛ, katekemave mpi ŋkɛ.»
Ka jaɗafa mbeli pɛtɛ
18Kaganda ne, nahe hwepe wənəa Shala kencɛte geva sawa pelɛ ghweme va yayata jaɗafa ba'a yayata wəsə kwa ndiremi nya mene mbeli. Wəshi nyi ndiremi ndiremi nyi mene hɛ ka fɛa kaganda kemene geva. 19Kaganda ne, nahe wəsə nya nza wəndə kaɗepe Shala te kenza dazhɛ dazhɛ, Shala le ghəa ŋkɛ nde ncɛte nda ŋkɛ ke hɛ. 20Kwa nza ŋkɛ ghala pate ghweme ba'a hɛɗi Shala ne, nahe nza ta ŋkɛ nya ɗema mbeli kanakɛ ba'a berete ta ŋkɛ kencɛte geva mbe slene ta ŋkɛ. Nahe ghena keɗema shɛ va mbeli kwa kema ta Shala tsagha gɛ. 21Nahe hɛ keɗepe Shala, ama katsahe ŋkɛ hɛ ba'a katsa nda hana hɛ kala nya hi mbeli kamene nda we. Ama nahe zəzə ta nci kebezenji ba'a nahe mehele ta nci keveyi geva mbe ŋkwesle. 22Kaka ntsehwele ntsehwele ve ghenci hɛ, ama kaka gezhia kɛfi hɛ. 23Nahe hɛ keɗema hawe va zləvəa Shala nya keɗema kamte kezha hawe va yɛ pa ta wəndə ŋelɛ nya kemte, ŋa yɛ 'yɛ, ŋa wəshi keseɗa ba'a wəshi nyi kentsehe geva dzate te hɛɗi.
24Vatse sərəakɛ hɛ Shala kamene wəshi nyi wale wale, kala nya ɗe wənəa nci, yitea mene wəshi hawe hɛ kwelɛ ghəa nci. 25Nahe hɛ kewəfəyite Shala nya kaganda yitea zele kweci shala, ntake hɛ kahawe va wəshi nyi pate Shala te ŋkwa Shala nya kepate pɛtɛa wəshi, nya hi mbeli katsahe ŋkɛ kaghala ghala. Amɛn.
26Vatse sərəakɛ hɛ Shala kamene wəshi hawe: nahe mia nci kesərəakɛ zhilia nci kezha vale ghəa nci, wəsə nya kehitema geva kamene. 27Tsagha shɛ ne, kawəfə ɓelahe zhili le mi, kampə hɛ va mawe yitea ghəa nci. Ntake yɛ za le za kavale ghəa nci, nahe ŋkɛ kenza kahawe, vatse kemave zhɛme nya kese mbe dzeghwa kwa ndiremia nci hɛ.
28Ma kala nya ɗema hɛ kaɗe kaɗepe Shala ne, nahe Shala kesərəakɛ hɛ kazele zəzə ta nci nyi kebeze beze. Tsagha ne, deke wəshi nyi hima mbeli kamene yamene hɛ. 29Nahe hɛ kenza mpɛafe va wəsə nya kehitema geva, wəsə kwa ndiremi, dzeghwama ntsə, 'yaghwa mehele, sla ntsə, mpə ŋkwa, veraslə, mbəɗəkwə, mene wəshi hawe, beze sləa mbeli, 30ŋwashɛ ŋwashɛ, nza kande ghema ta Shala, ŋkele ntsə, kele ghə, fege, ve nda ghə ke wəsə kwa ndiremi, hawema va mbeli nyi keyake hɛ, 31dewə mehele, tseramema yɛ meɗe mɛa nci, ntɛaŋentɛa ghə ba'a va zhɛma heli. 32Ya ghenci ɗepe meha ghwə ta Shala megela ne, nahe mte kehi va mbeli nyi kemene kala nya. Kafɛa hɛ yitea mene wəshia shɛhɛ we, zhɛne ne, kayɛ nda ŋa mbeli nyi kemene hɛ hɛ.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.