Ka Lɛvi 22
22
c. Zeme ta wəshi nyi dzeghekɛ melɛ mbeli le hɛ
1Ma ke Mahwətə sha Moyize: 2«Ma pa na sha yɛ Aron le ŋwalea ŋkɛ: Zemema wəshi gəmə nyi ve ɗa ka Israyɛl tekeleke yɛ, yagha yɛ kakelemte zləvə te sləa ɗa ma. 'Ya ya kaMahwətə. 3Ma pa na sha hɛ: Keshi keshi, ma yayata wəndə nya wale wale mbe hwelefe ta ŋayɛ nya kehendave nda geva ke wəshi nyi keveyi geva tekeleke nyi veyi ɗa nyi ka Israyɛl tekeleke ne, kateŋkamte geva wəndəa shɛ kwa kema ta ɗa. 'Ya ya kaMahwətə. 4Ma yayata wəndə nya mbe hwelefe ta Aron nya keseve derena keɗema gezhɛkɛni ne, katezeme wəshi gəmə nyi keveyi geva tekeleke ŋkɛ pa te və nya teyaɓemte geva ŋkɛ wɛŋe we. Tsagha shɛ wəndə nya kekwaɗakɛ wəndə nya kezhɛrete ghəa ŋkɛ wale wale laka kwaɗe wəsə nya kekwaɗakɛ wəndə kemte mte, wəndə nya se kameya kahwɛ yite, 5wəndə nya kekwaɗakɛ wəsə nya kentsehe geva dzate te hɛɗi keɗema wəndə nya kezhɛre ŋkwa wale wale, ya tsema tsema nza ta wəsə nya wale walea shɛ. 6Ma wəndə nya kekwaɗakɛ wəshi nyi kala nyi ne, wale wale nza ŋkɛ pa va tɛhwɛɗi. Nda ŋkɛ kapɛmte geva ta ŋkɛ wɛŋe nda tezeme wəshi gəmə nyi keveyi geva tekeleke ŋkɛ. 7Ma pəkwəma ta veci ne, wɛŋe ŋkɛ. Tagha gɛ, wərə ŋkɛ kazeme wəshi gəmə nyi keveyi geva tekeleke, kwa nza ŋkɛ ne, wəsə kezeme ta ŋkɛ hɛ. 8Katezeme wəsə keseɗa nya kemtenyɛ keɗema nya peslekɛ wəshi nyi hwa gamba nde dzeghe Shala we. Katezhɛre ŋkɛ nde wale wale. 'Ya ya kaMahwətə.
9Katemene wəshi nyi gezave nda 'ya ke hɛ hɛ. Ma tsagha ne, katenza hɛ kaka fete tewəmbəreke wəsə kezeme we. Ma kekelemte zləvə hɛ te wəsə kezemea shɛ hɛ ne, katempə hɛ. 'Ya ya kaMahwətə nya keve hɛ tekeleke.
10Wəndə gəmə shɛ katezeme wəsə nya keveyi geva tekeleke we. Ya mentiɓə keɗema nde mene nda slene te cɛdɛ ke nde dzeghe Shala ne, hweŋkwa ve kezha zeme we. 11Ama kepave mava nde dzeghe Shala te cɛdɛ ne, wərə wəndəa shɛ kazeme wəsə kezemea shɛ, tsagha nde mene slene nya keya ki ghɛa shɛ. 12Ma kewəmeve wəndə gəmə wəzha ta nde dzeghe Shala ne, hweŋkwa ve kezha zeme wəsə nya kelemte mbeli kənəa wəshi gəmə nyi keveyi geva tekeleke we. 13Ama wəzha ta nde dzeghe Shala nya kawede keɗema nya kenehemte geva le za nta, kaɗema wəzege ve nda senyɛ nde kanza ki ghɛa yitenyɛ kala nya se nde, nda tewəmeve za nde ne, wərə nde kazeme wəsə kezeme ta yitenyɛ. Ma keɗema ŋkɛ kala nya ne, wəndə gəmə shɛ kazeme wəsə kezeme nya keveyi geva tekeleke we.
14Ma kezehwe wəndə kaɗema ŋkɛ keɗepe ne, kateŋki nda səkəməa wəsəa shɛ ŋkɛ ke nde dzeghe Shala ba'a katemtsehe kwa mcɛfe ta bela ta wəsəa shɛ ŋkɛ yite.
15Katekelemte zləvə ka dzeghe Shala te wəshi gəmə nyi keveyi geva tekeleke nyi fəke nda ka Israyɛl ke Mahwətə we. 16Ma kezehwe hɛ le hweŋkwa nya keɗema kehi ne, fete nya ke'yɛwe kelemte geva te wənə yave hɛ kwa ghəa nci, kwa nza ŋkɛ ne, 'ya ya kaMahwətə nya keve hɛ tekeleke.»
Tsema tsema nta wəshi keseɗa kedzeghe melɛ mbeli
17Ma ke Mahwətə sha Moyize: 18«Ma pa na sha Aron, ŋwalea ŋkɛ ba'a pɛtɛa ka Israyɛl: Ma yayata nde Israyɛl keɗema nde se se nya hwa hɛ nya keɗe kadzeghe ɗa melɛ kwa tere tere, 'ya Mahwətə, tewəmbəreke meɗe mɛ nya menete ŋkɛ keɗema le ɗe ta ŋkɛ, 19ma keɗe ŋkɛ kakemave zlaɓa ta ɗa ne, pa keseke ŋeza wəsə keseɗa nya ɗema beze te, shave hwa sla, timɛti keɗema kwi. 20Hweŋkwa shɛ ve kezha kele wəsə keseɗa nya nza beze te kase we, kateyɛ wəsəa shɛ 'ya we. 21Ma keɗe yayata wəndə kadzeghe ɗa melɛ kejikə ghə kezha yipə meɗe mɛa ŋkɛ keɗema le ɗe ta ŋkɛ ne, kateyɛ sla, təmə keɗema kwea shɛ 'ya, ɗema ta beze kaɗema te wəsə keseɗa shɛ. 22Kele nda ma wəsə keseɗa nya kaghwələ, nya keɓele ɓelea seɗa, nya kesla sla seɗa, nya shewə va mareda keɗema tetəhwə yɛ kase ke Mahwətə ma. Dzeghe nda ma melɛ kwa tere tere yɛ le wəsə keseɗa nya kala nyagha te reghwetɛ ke Mahwətə ma. 23Ma kenza kwete seɗa ta sla, təmə keɗema kwe kebiyanyɛ keɗema kebaslɛnyɛ ne, wərə yɛ kadzeghekɛ melɛ nya gəmə gəmə le, ama kateyɛ wəsə keseɗa shɛ 'ya kaŋa melɛ keyipə meɗe mɛ we. 24Kele nda ma wəsə keseɗa nya ketare tare, nya kempə mpəa sepele, nya ketsewe tsewe keɗema kesla sla sepele yɛ kase ke Mahwətə ma. Menema yɛ tsagha te hɛɗia ŋayɛ ma. 25Pama wəshi keseɗa nyi kala nyi yɛ va nde se se kezha dzeghe nda melɛ le hɛ ke Shala ta ŋayɛ ma. Ma tsewe nya tsewemte hɛ nya mbeli ne, kabeze nde te hɛ. Tsagha gɛ ne, kateyɛ hɛ 'ya va gheyɛ we.»
26Ma ke Mahwətə sha Moyize zhɛkwa: 27«Ma keyake geva leve ta sla, zhɛgwəa təmə keɗema zhɛgwəa kwe ne, katesərə mbeli yitea meghekɛ kashikwə zake. Ma se te kwa deghese ta hɛ ne, kateyɛ hɛ 'ya kedzeghekɛ ɗa melɛ kwa tere tere mbeli le hɛ, 'ya Mahwətə. 28Ama slama ghə yɛ te meghekɛa sla, meghekɛa təmə keɗema meghekɛa kwe te veci nya kwetɛŋe le wəzege ta ŋkɛ ma.
29Ma kenza yɛ kadzeghe ɗa melɛ ketsa nda hana 'ya Mahwətə ne, dzeghekɛ mə kala nya kehi kezha yɛhwe ŋayɛ 'ya: 30te vecia shɛnyɛ tezeme slia shɛ yɛ, tenema ŋkɛ yɛ kahendɛ ma. 'Ya ya kaMahwətə.
31Hawe mə va ghena nyi gezete 'ya megela ba'a mene mə slene le hɛ. 'Ya ya kaMahwətə. 32Kelemtema zləvə yɛ te 'ya, yitea nza sləa ɗa tekeleke hwa ka Israyɛl ma. 'Ya ya kaMahwətə nya keve ŋayɛ kambeli nyi tekeleke 33nya kefəakame ŋayɛ same kwa Ɛzhipte kezha nza kaShala ta ŋayɛ. 'Ya ya kaMahwətə.»
നിലവിൽ തിരഞ്ഞെടുത്തിരിക്കുന്നു:
Ka Lɛvi 22: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Ka Lɛvi 22
22
c. Zeme ta wəshi nyi dzeghekɛ melɛ mbeli le hɛ
1Ma ke Mahwətə sha Moyize: 2«Ma pa na sha yɛ Aron le ŋwalea ŋkɛ: Zemema wəshi gəmə nyi ve ɗa ka Israyɛl tekeleke yɛ, yagha yɛ kakelemte zləvə te sləa ɗa ma. 'Ya ya kaMahwətə. 3Ma pa na sha hɛ: Keshi keshi, ma yayata wəndə nya wale wale mbe hwelefe ta ŋayɛ nya kehendave nda geva ke wəshi nyi keveyi geva tekeleke nyi veyi ɗa nyi ka Israyɛl tekeleke ne, kateŋkamte geva wəndəa shɛ kwa kema ta ɗa. 'Ya ya kaMahwətə. 4Ma yayata wəndə nya mbe hwelefe ta Aron nya keseve derena keɗema gezhɛkɛni ne, katezeme wəshi gəmə nyi keveyi geva tekeleke ŋkɛ pa te və nya teyaɓemte geva ŋkɛ wɛŋe we. Tsagha shɛ wəndə nya kekwaɗakɛ wəndə nya kezhɛrete ghəa ŋkɛ wale wale laka kwaɗe wəsə nya kekwaɗakɛ wəndə kemte mte, wəndə nya se kameya kahwɛ yite, 5wəndə nya kekwaɗakɛ wəsə nya kentsehe geva dzate te hɛɗi keɗema wəndə nya kezhɛre ŋkwa wale wale, ya tsema tsema nza ta wəsə nya wale walea shɛ. 6Ma wəndə nya kekwaɗakɛ wəshi nyi kala nyi ne, wale wale nza ŋkɛ pa va tɛhwɛɗi. Nda ŋkɛ kapɛmte geva ta ŋkɛ wɛŋe nda tezeme wəshi gəmə nyi keveyi geva tekeleke ŋkɛ. 7Ma pəkwəma ta veci ne, wɛŋe ŋkɛ. Tagha gɛ, wərə ŋkɛ kazeme wəshi gəmə nyi keveyi geva tekeleke, kwa nza ŋkɛ ne, wəsə kezeme ta ŋkɛ hɛ. 8Katezeme wəsə keseɗa nya kemtenyɛ keɗema nya peslekɛ wəshi nyi hwa gamba nde dzeghe Shala we. Katezhɛre ŋkɛ nde wale wale. 'Ya ya kaMahwətə.
9Katemene wəshi nyi gezave nda 'ya ke hɛ hɛ. Ma tsagha ne, katenza hɛ kaka fete tewəmbəreke wəsə kezeme we. Ma kekelemte zləvə hɛ te wəsə kezemea shɛ hɛ ne, katempə hɛ. 'Ya ya kaMahwətə nya keve hɛ tekeleke.
10Wəndə gəmə shɛ katezeme wəsə nya keveyi geva tekeleke we. Ya mentiɓə keɗema nde mene nda slene te cɛdɛ ke nde dzeghe Shala ne, hweŋkwa ve kezha zeme we. 11Ama kepave mava nde dzeghe Shala te cɛdɛ ne, wərə wəndəa shɛ kazeme wəsə kezemea shɛ, tsagha nde mene slene nya keya ki ghɛa shɛ. 12Ma kewəmeve wəndə gəmə wəzha ta nde dzeghe Shala ne, hweŋkwa ve kezha zeme wəsə nya kelemte mbeli kənəa wəshi gəmə nyi keveyi geva tekeleke we. 13Ama wəzha ta nde dzeghe Shala nya kawede keɗema nya kenehemte geva le za nta, kaɗema wəzege ve nda senyɛ nde kanza ki ghɛa yitenyɛ kala nya se nde, nda tewəmeve za nde ne, wərə nde kazeme wəsə kezeme ta yitenyɛ. Ma keɗema ŋkɛ kala nya ne, wəndə gəmə shɛ kazeme wəsə kezeme nya keveyi geva tekeleke we.
14Ma kezehwe wəndə kaɗema ŋkɛ keɗepe ne, kateŋki nda səkəməa wəsəa shɛ ŋkɛ ke nde dzeghe Shala ba'a katemtsehe kwa mcɛfe ta bela ta wəsəa shɛ ŋkɛ yite.
15Katekelemte zləvə ka dzeghe Shala te wəshi gəmə nyi keveyi geva tekeleke nyi fəke nda ka Israyɛl ke Mahwətə we. 16Ma kezehwe hɛ le hweŋkwa nya keɗema kehi ne, fete nya ke'yɛwe kelemte geva te wənə yave hɛ kwa ghəa nci, kwa nza ŋkɛ ne, 'ya ya kaMahwətə nya keve hɛ tekeleke.»
Tsema tsema nta wəshi keseɗa kedzeghe melɛ mbeli
17Ma ke Mahwətə sha Moyize: 18«Ma pa na sha Aron, ŋwalea ŋkɛ ba'a pɛtɛa ka Israyɛl: Ma yayata nde Israyɛl keɗema nde se se nya hwa hɛ nya keɗe kadzeghe ɗa melɛ kwa tere tere, 'ya Mahwətə, tewəmbəreke meɗe mɛ nya menete ŋkɛ keɗema le ɗe ta ŋkɛ, 19ma keɗe ŋkɛ kakemave zlaɓa ta ɗa ne, pa keseke ŋeza wəsə keseɗa nya ɗema beze te, shave hwa sla, timɛti keɗema kwi. 20Hweŋkwa shɛ ve kezha kele wəsə keseɗa nya nza beze te kase we, kateyɛ wəsəa shɛ 'ya we. 21Ma keɗe yayata wəndə kadzeghe ɗa melɛ kejikə ghə kezha yipə meɗe mɛa ŋkɛ keɗema le ɗe ta ŋkɛ ne, kateyɛ sla, təmə keɗema kwea shɛ 'ya, ɗema ta beze kaɗema te wəsə keseɗa shɛ. 22Kele nda ma wəsə keseɗa nya kaghwələ, nya keɓele ɓelea seɗa, nya kesla sla seɗa, nya shewə va mareda keɗema tetəhwə yɛ kase ke Mahwətə ma. Dzeghe nda ma melɛ kwa tere tere yɛ le wəsə keseɗa nya kala nyagha te reghwetɛ ke Mahwətə ma. 23Ma kenza kwete seɗa ta sla, təmə keɗema kwe kebiyanyɛ keɗema kebaslɛnyɛ ne, wərə yɛ kadzeghekɛ melɛ nya gəmə gəmə le, ama kateyɛ wəsə keseɗa shɛ 'ya kaŋa melɛ keyipə meɗe mɛ we. 24Kele nda ma wəsə keseɗa nya ketare tare, nya kempə mpəa sepele, nya ketsewe tsewe keɗema kesla sla sepele yɛ kase ke Mahwətə ma. Menema yɛ tsagha te hɛɗia ŋayɛ ma. 25Pama wəshi keseɗa nyi kala nyi yɛ va nde se se kezha dzeghe nda melɛ le hɛ ke Shala ta ŋayɛ ma. Ma tsewe nya tsewemte hɛ nya mbeli ne, kabeze nde te hɛ. Tsagha gɛ ne, kateyɛ hɛ 'ya va gheyɛ we.»
26Ma ke Mahwətə sha Moyize zhɛkwa: 27«Ma keyake geva leve ta sla, zhɛgwəa təmə keɗema zhɛgwəa kwe ne, katesərə mbeli yitea meghekɛ kashikwə zake. Ma se te kwa deghese ta hɛ ne, kateyɛ hɛ 'ya kedzeghekɛ ɗa melɛ kwa tere tere mbeli le hɛ, 'ya Mahwətə. 28Ama slama ghə yɛ te meghekɛa sla, meghekɛa təmə keɗema meghekɛa kwe te veci nya kwetɛŋe le wəzege ta ŋkɛ ma.
29Ma kenza yɛ kadzeghe ɗa melɛ ketsa nda hana 'ya Mahwətə ne, dzeghekɛ mə kala nya kehi kezha yɛhwe ŋayɛ 'ya: 30te vecia shɛnyɛ tezeme slia shɛ yɛ, tenema ŋkɛ yɛ kahendɛ ma. 'Ya ya kaMahwətə.
31Hawe mə va ghena nyi gezete 'ya megela ba'a mene mə slene le hɛ. 'Ya ya kaMahwətə. 32Kelemtema zləvə yɛ te 'ya, yitea nza sləa ɗa tekeleke hwa ka Israyɛl ma. 'Ya ya kaMahwətə nya keve ŋayɛ kambeli nyi tekeleke 33nya kefəakame ŋayɛ same kwa Ɛzhipte kezha nza kaShala ta ŋayɛ. 'Ya ya kaMahwətə.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.