Ka Lɛvi 21
21
Ghena nyi kegezete geva te ghəa ka dzeghe Shala
a. Tsema tsema hi ka dzeghe Shala kanza
1Ma ke Mahwətə sha Moyize: «Ma pa na sha ka dzeghe Shala nyi kaŋwale tezhilia Aron: Mahalegə ŋkɛ sha nde dzeghe Shala kazhɛre ghəa ŋkɛ wale wale laka hende nda geva ke wəndə kemte mtea menənyɛ, 2nda ŋkɛ kanza kamenənyɛ nya dekwede, geze ta ŋkɛ: meghekɛ, yitenyɛ, wəzege ta ŋkɛ, wəzha ta ŋkɛ, wəza meghekɛ 3keɗema wəzha ta meghekɛ nya keɗema yitea za. Mba nde te dzeve ta mbeli nyi ki ghɛa nci, va nya ɗema nde kenaka kadzeki ghɛa kwete wəndə. 4Ma hwa mbeli nyi kwa yita ta ŋkɛ ne, nde dzeghe Shala ya kawəndə nya te ghə. Kashɛ ŋkɛ zhɛre ghəa ŋkɛ wale wale, yagha ŋkɛ kakelemte zləvə te ghəa ŋkɛ we.
5Ma kemte wəndə va hɛ ne, katetsehe ghə kwele ka dzeghe Shala we, kateŋsə balɛaha hɛ ba'a katepeperawe geva hɛ we. 6Katenza hɛ kambeli nyi keveyi geva tekeleke kezha 'ya ba'a katekele zləvə hɛ te sləa ɗa we. Ma kwa nza ŋkɛ hɛ ka dzeghe ɗa melɛ nya kawəsə kezeme ta ɗa, 'ya Shala Mahwətə ta nci ne, katenza hɛ kambeli nyi keveyi geva tekeleke.
7Hweŋkwa va hɛ kezha kele male nya kemene mefətekwə keɗema nya kelemte geva zləvə te we. Katekele male nya ŋkamte za nta hɛ we. Kwa nza ŋkɛ ne, wəndə nya keveyi geva tekeleke kezha slene ta ɗa nde dzeghe Shala. 8Yayata nde Israyɛl katehawe va nza ta ka dzeghe Shala tekeleke. Kwa nza ŋkɛ ne, ghenci ka ve ɗa wəshi kezeme nyi fə ɗa yɛ, 'ya Shala ta ŋayɛ. Kambeli nyi keveyi geva tekeleke nza hɛ sha gheyɛ, kwa nza ŋkɛ ma 'ya Mahwətə ne, nahe 'ya keveyi geva tekeleke, 'ya nya keveyi ka Israyɛl tekeleke.
9Ma kekelemte zləvə wəzha ta nde dzeghe Shala te ghəa nta laka mene mefətekwə ne, yitenyɛ yakelemte zləvə nde te: kateteremte geva nde le ghwə le mpi.
10Wəndə kwelea ka dzeghe Shala ya kawəndə kwelea ka dzeghe Shala. Nahe ŋkɛ keveyi geva tekeleke laka n'yi keve ŋkwa tekeleke te veci nya dzembe slene ŋkɛ. Lekwesa nyi keveyi geva tekeleke yaseɗe ŋkɛ perə. Vatse gɛ ne, hweŋkwa shɛ ve kezha sərə shintia ghəa ŋkɛ kwəshivərəŋə ba'a kaŋkwahe lekwesa ta ŋkɛ kemte wəndəa ŋkɛ we. 11Wəndə kemte mte shɛ katehende nda geva ŋkɛ we. Katezhɛre ghəa ŋkɛ ŋkɛ wale wale, ya yitenyɛ keɗema meghekɛ nde mte we. 12Kateshave ŋkɛ mbe ŋkwa nya keveyi geva tekeleke, yagha ŋkɛ kakelemte zləvə te ŋkwa nya keveyi nda geva tekeleke ke Shala ta ŋkɛ we. Kwa nza ŋkɛ ne, nahe ŋkɛ keveyi geva tekeleke kezha slene ta ɗa laka n'yi keve ŋkwa tekeleke. 'Ya ya kaMahwətə.
13Ma wəndə kwelea ka dzeghe Shala ne, deke degheli nya keɗepema za yawəme ŋkɛ kamale. 14Katewəme male wede, ya male nya kenehemte geva le za nta, ya male nya kekelemte zləvə te ghəa nta laka mene mefətekwə ŋkɛ we. Deke degheli nya ki ghɛa ka dzeghe Shala yawəme ŋkɛ. 15Ma tsagha gɛ ne, katekelemte zləvə ŋkɛ te hwelefe ta ŋkɛ we, kwa nza ŋkɛ ne, 'ya ya kaMahwətə nya keveyi ŋkɛ tekeleke.»
b. Beze nyi kefɛa ŋkwa kenza kande dzeghe Shala
16Ma ke Mahwətə sha Moyize: 17«Ma pa na sha Aron: Ma mbe hwelefe ta ŋa, keshi keshi ne, wəndə nya nza beze te geva ta ŋkɛ shɛ katehende geva kase kezha ve nda wəsə kezeme ke Shala ta ŋkɛ we. 18Wəndə nya nza beze te geva ta ŋkɛ shɛ katehende nda geva ke reghwetɛ we: ya gheŋkɛ nza kaghwələ, kagweleba, kawəndə nya nza beze kwa kema ta ŋkɛ keɗema nya nza kwete dzeve keɗema seɗa ta ŋkɛ biya ma ke kwete, 19wəndə nya keɓele ɓele mbe seɗa keɗema mbe dzeve, 20wəndə nya zhɛ nda jɛwə keɗema wəndə nya keghwele ghwele, wəndə nya nza jarewa te ntsə ve, wəndə nya zhɛ nda mezeke keɗema lame lame, keɗema ne, wəndə nya ketsewe tsewe. 21Wəndə nya nza beze te shɛ mbe hwelefe ta ŋa katehende nda geva ke reghwetɛ kezha ve ɗa wəsə kezeme we. Ma va beze nya te geva ta ŋkɛ ne, katehende geva ŋkɛ kase kezha ve nda wəsə kezeme ke Shala ta ŋkɛ we. 22Wərə ŋkɛ kazeme wəshi nyi dzeghekɛ ɗa melɛ mbeli le, wəshi gəmə nyi keveyi geva deke kaŋa ɗa ba'a kweci wəshi gəmə. 23Ama va beze nya te geva ta ŋkɛ ne, katehende nda geva ŋkɛ ke mayafe nya mɛa ŋkwa nya keveyi geva tekeleke, ya ke reghwetɛ, yagha ŋkɛ kakelemte zləvə te ŋkwa nya keveyi ɗa geva tekeleke ba'a te wəshi nyi we. Kwa nza ŋkɛ ne, 'ya ya kaMahwətə nya keve hɛ tekeleke.»
24Pa Moyize gezete nda ghena shɛhɛ ke Aron, ke ŋwalea ŋkɛ ba'a ke pɛtɛa ka Israyɛl.
നിലവിൽ തിരഞ്ഞെടുത്തിരിക്കുന്നു:
Ka Lɛvi 21: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Ka Lɛvi 21
21
Ghena nyi kegezete geva te ghəa ka dzeghe Shala
a. Tsema tsema hi ka dzeghe Shala kanza
1Ma ke Mahwətə sha Moyize: «Ma pa na sha ka dzeghe Shala nyi kaŋwale tezhilia Aron: Mahalegə ŋkɛ sha nde dzeghe Shala kazhɛre ghəa ŋkɛ wale wale laka hende nda geva ke wəndə kemte mtea menənyɛ, 2nda ŋkɛ kanza kamenənyɛ nya dekwede, geze ta ŋkɛ: meghekɛ, yitenyɛ, wəzege ta ŋkɛ, wəzha ta ŋkɛ, wəza meghekɛ 3keɗema wəzha ta meghekɛ nya keɗema yitea za. Mba nde te dzeve ta mbeli nyi ki ghɛa nci, va nya ɗema nde kenaka kadzeki ghɛa kwete wəndə. 4Ma hwa mbeli nyi kwa yita ta ŋkɛ ne, nde dzeghe Shala ya kawəndə nya te ghə. Kashɛ ŋkɛ zhɛre ghəa ŋkɛ wale wale, yagha ŋkɛ kakelemte zləvə te ghəa ŋkɛ we.
5Ma kemte wəndə va hɛ ne, katetsehe ghə kwele ka dzeghe Shala we, kateŋsə balɛaha hɛ ba'a katepeperawe geva hɛ we. 6Katenza hɛ kambeli nyi keveyi geva tekeleke kezha 'ya ba'a katekele zləvə hɛ te sləa ɗa we. Ma kwa nza ŋkɛ hɛ ka dzeghe ɗa melɛ nya kawəsə kezeme ta ɗa, 'ya Shala Mahwətə ta nci ne, katenza hɛ kambeli nyi keveyi geva tekeleke.
7Hweŋkwa va hɛ kezha kele male nya kemene mefətekwə keɗema nya kelemte geva zləvə te we. Katekele male nya ŋkamte za nta hɛ we. Kwa nza ŋkɛ ne, wəndə nya keveyi geva tekeleke kezha slene ta ɗa nde dzeghe Shala. 8Yayata nde Israyɛl katehawe va nza ta ka dzeghe Shala tekeleke. Kwa nza ŋkɛ ne, ghenci ka ve ɗa wəshi kezeme nyi fə ɗa yɛ, 'ya Shala ta ŋayɛ. Kambeli nyi keveyi geva tekeleke nza hɛ sha gheyɛ, kwa nza ŋkɛ ma 'ya Mahwətə ne, nahe 'ya keveyi geva tekeleke, 'ya nya keveyi ka Israyɛl tekeleke.
9Ma kekelemte zləvə wəzha ta nde dzeghe Shala te ghəa nta laka mene mefətekwə ne, yitenyɛ yakelemte zləvə nde te: kateteremte geva nde le ghwə le mpi.
10Wəndə kwelea ka dzeghe Shala ya kawəndə kwelea ka dzeghe Shala. Nahe ŋkɛ keveyi geva tekeleke laka n'yi keve ŋkwa tekeleke te veci nya dzembe slene ŋkɛ. Lekwesa nyi keveyi geva tekeleke yaseɗe ŋkɛ perə. Vatse gɛ ne, hweŋkwa shɛ ve kezha sərə shintia ghəa ŋkɛ kwəshivərəŋə ba'a kaŋkwahe lekwesa ta ŋkɛ kemte wəndəa ŋkɛ we. 11Wəndə kemte mte shɛ katehende nda geva ŋkɛ we. Katezhɛre ghəa ŋkɛ ŋkɛ wale wale, ya yitenyɛ keɗema meghekɛ nde mte we. 12Kateshave ŋkɛ mbe ŋkwa nya keveyi geva tekeleke, yagha ŋkɛ kakelemte zləvə te ŋkwa nya keveyi nda geva tekeleke ke Shala ta ŋkɛ we. Kwa nza ŋkɛ ne, nahe ŋkɛ keveyi geva tekeleke kezha slene ta ɗa laka n'yi keve ŋkwa tekeleke. 'Ya ya kaMahwətə.
13Ma wəndə kwelea ka dzeghe Shala ne, deke degheli nya keɗepema za yawəme ŋkɛ kamale. 14Katewəme male wede, ya male nya kenehemte geva le za nta, ya male nya kekelemte zləvə te ghəa nta laka mene mefətekwə ŋkɛ we. Deke degheli nya ki ghɛa ka dzeghe Shala yawəme ŋkɛ. 15Ma tsagha gɛ ne, katekelemte zləvə ŋkɛ te hwelefe ta ŋkɛ we, kwa nza ŋkɛ ne, 'ya ya kaMahwətə nya keveyi ŋkɛ tekeleke.»
b. Beze nyi kefɛa ŋkwa kenza kande dzeghe Shala
16Ma ke Mahwətə sha Moyize: 17«Ma pa na sha Aron: Ma mbe hwelefe ta ŋa, keshi keshi ne, wəndə nya nza beze te geva ta ŋkɛ shɛ katehende geva kase kezha ve nda wəsə kezeme ke Shala ta ŋkɛ we. 18Wəndə nya nza beze te geva ta ŋkɛ shɛ katehende nda geva ke reghwetɛ we: ya gheŋkɛ nza kaghwələ, kagweleba, kawəndə nya nza beze kwa kema ta ŋkɛ keɗema nya nza kwete dzeve keɗema seɗa ta ŋkɛ biya ma ke kwete, 19wəndə nya keɓele ɓele mbe seɗa keɗema mbe dzeve, 20wəndə nya zhɛ nda jɛwə keɗema wəndə nya keghwele ghwele, wəndə nya nza jarewa te ntsə ve, wəndə nya zhɛ nda mezeke keɗema lame lame, keɗema ne, wəndə nya ketsewe tsewe. 21Wəndə nya nza beze te shɛ mbe hwelefe ta ŋa katehende nda geva ke reghwetɛ kezha ve ɗa wəsə kezeme we. Ma va beze nya te geva ta ŋkɛ ne, katehende geva ŋkɛ kase kezha ve nda wəsə kezeme ke Shala ta ŋkɛ we. 22Wərə ŋkɛ kazeme wəshi nyi dzeghekɛ ɗa melɛ mbeli le, wəshi gəmə nyi keveyi geva deke kaŋa ɗa ba'a kweci wəshi gəmə. 23Ama va beze nya te geva ta ŋkɛ ne, katehende nda geva ŋkɛ ke mayafe nya mɛa ŋkwa nya keveyi geva tekeleke, ya ke reghwetɛ, yagha ŋkɛ kakelemte zləvə te ŋkwa nya keveyi ɗa geva tekeleke ba'a te wəshi nyi we. Kwa nza ŋkɛ ne, 'ya ya kaMahwətə nya keve hɛ tekeleke.»
24Pa Moyize gezete nda ghena shɛhɛ ke Aron, ke ŋwalea ŋkɛ ba'a ke pɛtɛa ka Israyɛl.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.