1 Bụo ạKorint 6
6
Oniin masoorom nyoniin erugh
1Mem lọ oniin ọnyo anyina ạpioman nyoniin, iḍighi ika kụ nyina ẹbile ghan bọ we phọ Ẹnaan kụ ẹpam ghan bọ ḍighiton phọ rẹkimom kꞌạbuo aruru kụ ọghaaph phọ? Ịduon phọ ẹnighe ni ḍụghum? 2Nyina ílegheri mọ awe phọ Ẹnaan kụ koogboonaan ịiruen aḅirini phọ ḍụghum? Ịdipho nyina kụ keegboonaan ịiruen aḅirini phọ, nyina kẹ̋man ọoḅeghion ghan ịkpirikpiri asighiton ḍụghum? 3Nyina ílegheri mọ yira kụ koogboonaan ịiruen rụukpaany phọ Ẹnaan ḍụghum? — Kụ ẹghiom ologhi ịikpalaghian awe ịsien aḅirini phọ. 4Kụ ighiil ịikpalaghian esoor, ẹkpe ni ọsighe ghan ọghiom ạbuphe ụ́man bọ ịyaar esi ạbuo ạsiosi phọ mọ ọghaaph ḍụghum? 5Ịphen phọ mị rạkaaph bọ ịlo osiphiom anyina umugholoor. Ẹrol dị rꞌoniin uwo ologhi ólho sịphe ogbo phọ anyina dị ạman osoph ọoruen ọngo ekeeny rꞌelhiom. 6Kụ oniin ghụn ạḅile rasoorom ghan nyoniin erugh ghisigh ạbuo aruru.
7Ọnyo anyina lọ amighirom asoorom nyoniin erugh bịn mạmoogh ni eekuna apum. Iḍighi inyina ịkaraph, ịnighe ghụn dị nyina kẹminoghom ghan ḍụghum? Ozirion rạraar lọ nyina ẹmoogh ọsighiogh, ịnighe ghụn dị nyina kẹkparam ghan ḍụghum? 8Kpạripe ghụn rꞌoḅoronom, kụ oniin ạḅile raḍighi ghan nyoniin ịkaraph kazirion rạraar ạanyi ọkaraghi ạbuo asiya phọ ọdi. 9Nyina ílegheri mọ abuḍighinom ịkaraph kọ́moogh aani bin ọmar phọ kꞌẸnaan? Kébia loor anyina. Ạbuo ipesi, rꞌạbuo ịiḅereghi ịkaaghineen ạrumugh, rꞌabulhiom ẹmha, rꞌạbuminian rịiniom, 10rꞌạruḅa, rꞌạbuo ekpooko ikpoki, rꞌạbupughol miim, rꞌạbuo ịkaraph ạsiagba, rꞌạbukaaghi ruutu — rꞌọnyo ạbuen dị kạmoogh aani bin ọmar phọ kꞌẸnaan ólho. 11Buniin anyina ịrol li ịdipho phọ, kụ miwoph inyina ọsighe esi ịkaraph phọ. Mitigh inyina oseenaan Ẹnaan. Ẹnaan phọ ayira mẹtuan Uwaloor phọ ọdi rꞌaḍien phọ ạJizos Kraist Ọmoogh-we phọ ẹsighenom mọ nyina awe aruukuan ni.
Ịsighe loor phọ anyina eghueniom Ẹnaan
12 #
1 Kọr 10.23
Mị kameeraam ni oye lọ ạḅem mọ, “Ịlo umirighan ịmi oḍighi ílho,” kụ oomo ạraraar kụ ị́nighenaan oye oḍighi ghan. “Ịlo umirighan ịmi oḍighi ílho,” kụ ịyaar ịmi kígho ẹmoogh. 13Mị kameeraam ni oye lọ ạḅem mọ, “Eḍien ẹlo ọkuruḅaka, kụ ọkuruḅaka phọ ọlo eḍien,” kụ Ẹnaan kepiemi ni ọkuruḅaka rꞌeḍien. Aloor oye ílhoonaan ipesi, edianaan oghueni ghan Ọmoogh-we phọ, kụ Ọmoogh-we phọ kụ rakueni ghan loor phọ oye. 14Ịdipho Ẹnaan eḅeton bọ Ọmoogh-we phọ sịphe aḍuugh phọ kụ ẹdi ọdi kạsighe ịikpo phọ ọdi uḅerionom aani iyira.
15Nyina ílegheri mọ aloor phọ anyina kụ ariisi aloor phọ aKraist? Mị ạsighe eniin esi aloor phọ aKraist kụ ạḅaranaan oliom ẹmha, ẹnighe ni ḍụghum? Tạa, ịlo ạmi ríḍigh! 16#Emi 2.24Nyina ílegheri ḍịen mọ oye lọ ạrolan esi rꞌoliom-ẹmha mạḅophoghan nyọdi? Ịdipho ọge bọ pạ ạḍinya iigbia phọ mọ, “Ịyal phọ ạbidi koḍighi iniin iphulupul.” 17Kụ ọlo ạḅophoghan Ọmoogh-we phọ, pọ uwaloor ạbidi kaḍighi nyoniin.
18Ịkporion ghan rạghaagh ipesi. Ịnon ọdo ịkaraph lọ oye raḍighi ghan rẹ́pue ghan loor phọ ọdi, kụ opesiom ipesi phọ rạpuenaan ghan loor. 19#1 Kọr 3.16; 2 Kọr 6.16Nyina ílegheri mọ aloor phọ anyina kụ otu ịiḅereghi phọ Uwaloor Iigbia phọ Ẹnaan arugh bọ? Nyina ị́moogha loor anyina — nyina ạbuo kꞌẸnaan. 20Igho ni inyina ḍiboom aḍighi. Ịsighe loor phọ anyina eghueniom Ẹnaan.
നിലവിൽ തിരഞ്ഞെടുത്തിരിക്കുന്നു:
1 Bụo ạKorint 6: ẠḌI
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
1 Bụo ạKorint 6
6
Oniin masoorom nyoniin erugh
1Mem lọ oniin ọnyo anyina ạpioman nyoniin, iḍighi ika kụ nyina ẹbile ghan bọ we phọ Ẹnaan kụ ẹpam ghan bọ ḍighiton phọ rẹkimom kꞌạbuo aruru kụ ọghaaph phọ? Ịduon phọ ẹnighe ni ḍụghum? 2Nyina ílegheri mọ awe phọ Ẹnaan kụ koogboonaan ịiruen aḅirini phọ ḍụghum? Ịdipho nyina kụ keegboonaan ịiruen aḅirini phọ, nyina kẹ̋man ọoḅeghion ghan ịkpirikpiri asighiton ḍụghum? 3Nyina ílegheri mọ yira kụ koogboonaan ịiruen rụukpaany phọ Ẹnaan ḍụghum? — Kụ ẹghiom ologhi ịikpalaghian awe ịsien aḅirini phọ. 4Kụ ighiil ịikpalaghian esoor, ẹkpe ni ọsighe ghan ọghiom ạbuphe ụ́man bọ ịyaar esi ạbuo ạsiosi phọ mọ ọghaaph ḍụghum? 5Ịphen phọ mị rạkaaph bọ ịlo osiphiom anyina umugholoor. Ẹrol dị rꞌoniin uwo ologhi ólho sịphe ogbo phọ anyina dị ạman osoph ọoruen ọngo ekeeny rꞌelhiom. 6Kụ oniin ghụn ạḅile rasoorom ghan nyoniin erugh ghisigh ạbuo aruru.
7Ọnyo anyina lọ amighirom asoorom nyoniin erugh bịn mạmoogh ni eekuna apum. Iḍighi inyina ịkaraph, ịnighe ghụn dị nyina kẹminoghom ghan ḍụghum? Ozirion rạraar lọ nyina ẹmoogh ọsighiogh, ịnighe ghụn dị nyina kẹkparam ghan ḍụghum? 8Kpạripe ghụn rꞌoḅoronom, kụ oniin ạḅile raḍighi ghan nyoniin ịkaraph kazirion rạraar ạanyi ọkaraghi ạbuo asiya phọ ọdi. 9Nyina ílegheri mọ abuḍighinom ịkaraph kọ́moogh aani bin ọmar phọ kꞌẸnaan? Kébia loor anyina. Ạbuo ipesi, rꞌạbuo ịiḅereghi ịkaaghineen ạrumugh, rꞌabulhiom ẹmha, rꞌạbuminian rịiniom, 10rꞌạruḅa, rꞌạbuo ekpooko ikpoki, rꞌạbupughol miim, rꞌạbuo ịkaraph ạsiagba, rꞌạbukaaghi ruutu — rꞌọnyo ạbuen dị kạmoogh aani bin ọmar phọ kꞌẸnaan ólho. 11Buniin anyina ịrol li ịdipho phọ, kụ miwoph inyina ọsighe esi ịkaraph phọ. Mitigh inyina oseenaan Ẹnaan. Ẹnaan phọ ayira mẹtuan Uwaloor phọ ọdi rꞌaḍien phọ ạJizos Kraist Ọmoogh-we phọ ẹsighenom mọ nyina awe aruukuan ni.
Ịsighe loor phọ anyina eghueniom Ẹnaan
12 #
1 Kọr 10.23
Mị kameeraam ni oye lọ ạḅem mọ, “Ịlo umirighan ịmi oḍighi ílho,” kụ oomo ạraraar kụ ị́nighenaan oye oḍighi ghan. “Ịlo umirighan ịmi oḍighi ílho,” kụ ịyaar ịmi kígho ẹmoogh. 13Mị kameeraam ni oye lọ ạḅem mọ, “Eḍien ẹlo ọkuruḅaka, kụ ọkuruḅaka phọ ọlo eḍien,” kụ Ẹnaan kepiemi ni ọkuruḅaka rꞌeḍien. Aloor oye ílhoonaan ipesi, edianaan oghueni ghan Ọmoogh-we phọ, kụ Ọmoogh-we phọ kụ rakueni ghan loor phọ oye. 14Ịdipho Ẹnaan eḅeton bọ Ọmoogh-we phọ sịphe aḍuugh phọ kụ ẹdi ọdi kạsighe ịikpo phọ ọdi uḅerionom aani iyira.
15Nyina ílegheri mọ aloor phọ anyina kụ ariisi aloor phọ aKraist? Mị ạsighe eniin esi aloor phọ aKraist kụ ạḅaranaan oliom ẹmha, ẹnighe ni ḍụghum? Tạa, ịlo ạmi ríḍigh! 16#Emi 2.24Nyina ílegheri ḍịen mọ oye lọ ạrolan esi rꞌoliom-ẹmha mạḅophoghan nyọdi? Ịdipho ọge bọ pạ ạḍinya iigbia phọ mọ, “Ịyal phọ ạbidi koḍighi iniin iphulupul.” 17Kụ ọlo ạḅophoghan Ọmoogh-we phọ, pọ uwaloor ạbidi kaḍighi nyoniin.
18Ịkporion ghan rạghaagh ipesi. Ịnon ọdo ịkaraph lọ oye raḍighi ghan rẹ́pue ghan loor phọ ọdi, kụ opesiom ipesi phọ rạpuenaan ghan loor. 19#1 Kọr 3.16; 2 Kọr 6.16Nyina ílegheri mọ aloor phọ anyina kụ otu ịiḅereghi phọ Uwaloor Iigbia phọ Ẹnaan arugh bọ? Nyina ị́moogha loor anyina — nyina ạbuo kꞌẸnaan. 20Igho ni inyina ḍiboom aḍighi. Ịsighe loor phọ anyina eghueniom Ẹnaan.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS