1 Bụo ạKorint 5

Ipesi mesoor ogbo awe ạsiosi phọ

1 # Dut 22.30 Mọkaraghi rọkaaph ghan mọ ipesi dị ạbuo aruru bịn kőpesi ghan mesoor sịphe ogbo phọ anyina. Mụḅeni ni ịmi mọ oniin ọnyo anyina rạtolan ghan esi rꞌạnir ọde ọdi. 2Ịyaar obagaam inyina ílho. Imeelom ghụn oboom ọto kụ eroph ogbeph nyọon aaḅaghian bọ ịphen phọ. 3-4Ghạlamo ịduon mị ịkelan bọ inyina, uwaloor phọ ạmi odianaan ni rꞌanyina, kụ esi aḍien phọ ạJizos Ọmoogh-we phọ mị masoph ni ọoruen apume nyọon aaḅaghian bọ ịphen phọ, mụdi mị rꞌanyina kụ ịrol li egina esi. Mem lọ nyina meekpomoghan kụ uwaloor phọ ạmi odi aani sịphe rꞌịikpo phọ ạJizos Ọmoogh-we phọ ayira, 5nyina kẹḅogh oye phọ ọphon ẹngo mọ aSetan aphiemi ruzu-ạnyu phọ ọdi, ọbo uwaloor phọ ọdi ạmoogh pẹleeny, ḍio phọ Ọmoogh-we phọ katu bọ.

6 # Gal 5.9 Ị́kpe dị nyina kebaga. Nyina elegheri ni ọḅem mọ ọphon ḍụghum mọ, “Ọony ẹnum ayist kụ raḍighi ghan bọ ịdi ạbred phọ katu.” 7#Ẹḍua 12.5Imitiom ogbaany ayist phọ eroph, ọbo nyina ẹserere yogh ẹman kụ egbi ọghigh omoom ạbred dị yist ụ́logh, ịdipho mị alegheri bọ ni mọ nyina mẹsar ri igbaany ịkaraph phọ ẹbile yogh. Mụmeeghenaan iyira Kraist phọ aḍighi bọ mọony oyool-ọga ẹyaal ọphel otene phọ. 8#Ẹḍua 13.7; Dut 16.3Itu ghan nụun olhe ẹyaal phọ. Kúliom ogbaany ayist ịghughian rꞌịkaraph phọ, oliom ghan omoom ạbred igey dị iguegue ụ́ḅaram, nyọpo yist ụ́logh bọ!

9Ḍịnya phọ mị ạge bọ, mị ịḅeni inyina mọ kẹ́ḅoph oghuugh rꞌạbuo ipesi. 10Mị ụ́kaaph ukolom bụo aruru phọ ropesi bọ ipesi phọ, ọmoogh bọ ekpooko ikpoki phọ romiighi bọ, ḅịle rọoḅereghi bọ ịkaaghineen ạrumugh phọ. Nyina eghel bụen phọ, pọ nyina kẹ́moogh ẹkul ọrol aani sịen aḅirini phọ. 11Mị ụge ghụn ọḅeni anyina mọ kẹ́ḅoph oghuugh rꞌọlo apu aghola mọ ọno ọnyo asiya kụ ạḅaram ipesi rꞌekpooko ikpoki rꞌọoḅereghi ịkaaghineen ạrumugh, rꞌọsu-ọnhu, rꞌịpughol, rꞌimi, ílian ghan nyọdi eḍien.

12 # Dut 13.5; 17.7 Mịna kakol bọ eeghe kụ asoph erugh apume bụphe rꞌayira ụ́moogh bọ mụḅoph phọ? Ẹkpe ghụn dị nyina kesophonaan ọoruen bụo ogbo phọ anyina. 13Ẹnaan kụ kesophonaan ọoruen bụeri phọ. Ịdipho ạḍinya iigbia phọ ẹḅem bọ mọ, “Iporogh oḍighinom ịkaraph phọ emitiom sịphe ogbo phọ anyina.”

നിലവിൽ തിരഞ്ഞെടുത്തിരിക്കുന്നു:

1 Bụo ạKorint 5: ẠḌI

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Abuan Language Development and Literacy Society

Ayama-Abua, Rivers State, Nigeria

Published by

NBTT

Nigeria Bible Translation Trust

No. 7 Old Airport Road

P.O. Box 790, Jos Plateau State, Nigeria

ISBN: 978-978-966-354-5

In cooperation with

MIDI BIBLE

Ch. de Praz-Roussy 4b, 1032 Romanel-sur-Lausanne, Switzerland

The New Testament in Abuan was originally published

in 1978 by The Bible Society of Nigeria with © UBS

Ạḍinya Iigbia നെക്കുറിച്ച് കൂടുതലറിയുക