Zekaraya 4
4
Ogburhukpẹ na Kugbe Urhe rẹ Oliv
1Amakashe ro nene uvwe ta ota na da rhoma rhe, ọ da rhọvwọ ovwẹ kerẹ ohwo ra rhọvwọ nẹ ovwerhe rọye rhe. 2O da ta kẹ vwẹ, Die wọ mrẹre? Me da ta, nighere, Me mrẹ ogburhukpẹ ọvo vẹ udjokpo vwẹ enu rọye, kugbe irhukpẹ ighwrẹ re he enu rọye, irhukpẹ ighwrẹ re hẹ enu rọye na ọvuọvo vwo inu ighwrẹ. 3Irhe rẹ oliv ivẹ dia kẹrẹ, ọvo hẹ obọrhe rẹ udjokpo na ọrivẹ hẹ obọhwẹre rọye. 4Me da ta kẹ amakashe ro nene uvwe ta ota na, Enana kidie vwo, ọrovwovwe? 5Etiyin amakashe ro nene uvwe ta ota na da kpahe kẹ vwẹ, Wọ riẹn obo re enana epha-a? Me da ta, Ẹjo, ọrovwovwe. 6Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ. 7Die wọ epha, E ugbenu rode na? Wo che hirhe phihọ asan ro she-aton vwẹ obaro rẹ Zerubabẹl, kọ cha vwẹ oragha rọ hẹ obenu na vwẹ ohri rẹ edo nẹ Ẹserọphẹ; ẹserọphẹ kẹ. 8Ota rẹ Ọrovwohwo da rhoma bru uvwe rhe, ta nẹ, 9Abọ rẹ Zẹrubabẹl ri mu uchivwo rẹ uwevwi nana vi; abọ rọye ji che ruo gba. Etiyin ku wọ cha riẹn nẹ Ọrovwohwo rẹ otuofovwi ri ji uvwe bru we rhe. 10Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ. 11Etiyin Me da ta kẹ, Irhe rẹ oliv ivẹ nana re hẹ obọrhe vẹ obọhwẹre rẹ ogburhukpẹ na ke rha vwi die vwọ? 12Obọ rivẹ Me da ta kẹ, Eghọn rẹ oliv ivẹ nana die vwo? re kẹre iphrophro rẹ oro ivẹ na rẹ evwri na de suẹ cha na? 13Ọ da ta kẹ vwẹ, Wọ riẹn obo rẹ enana rayen epha-a? Me da ta, Ẹjo, ọrovwovwe. 14Etiyin ọ da ta, Enana ivẹ na ra vwẹ ori ghworo ri mudia kẹre Ọrovwohwo rẹ akpọ soso na.
നിലവിൽ തിരഞ്ഞെടുത്തിരിക്കുന്നു:
Zekaraya 4: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.