Mak 5
5
Erhi rẹ Idẹbono rẹ Ohwo ri Gerasm re Sivwiri
(Matiu 8.28-34; Luk 8.26-39)
1Ayen da rhe esamuo rẹ abadi na, re te orho ri Gẹrasene. 2Ọke ro vwo nẹ evun rẹ okọ na rhe, ohwo ro vwo erhi ro jẹfuọn rọ dia evun rẹ ishi da rhe vwa, 3Ọ rọ dia ohri rẹ ishi na; ohwo rọ sa vwẹ ọjọnrọn gba hẹrọ-ọ; 4Kidie kẹsiẹ kẹsiẹ a vwọ vwẹ igoni vẹ ẹjọnrọn kanrọ, o mi vwirhi igoni na, ọ me sanvwe ẹjọnrọn na ibribro o vwo ohwo ọvuọvo ro se muo gba-a. 5Kọke kọke, te ason te uvo, ọ vwọ dia enu rẹ igbenu ride, kugbe evun rẹ ishi, o mi kperi, ọ mẹ vwẹ ẹlalọ bru oma. 6Ọke rọ vwọ mrẹ Jesu vwẹ ogboko, ọ da djẹ ra ga; 7ro vwo kperi urhuru gangan, ọ da ta, Die wọ vwẹ ovwẹ ru Jesu, Ọmọ rẹ Ọghẹnẹ ro me Kpenu? Me vwẹ Ọghẹnẹ rẹ wẹ, wọ lagha ovwẹ-ẹ. 8Kidiẹ ọ ta kẹ, Wan nẹ oma re ohwo na, wẹ erhi ro jẹfuọn. 9Jesu da nọ, Odẹ wẹn rhọ? Ọ da kpahe, Odẹ mẹ Lijọn: kidie avwanre pha buebu. 10Ọ da rẹ gangan nẹ ọ djẹ ayen nẹ evun rẹ orho na-a. 11Asakiephana otuisi ẹvo herọ ria vwẹ vwẹ orhoma rẹ ugbenu na. 12Ayen da rẹ, Djẹ avwanre ro evun rẹ isi na rere avwanre ro evun rẹ ayen. 13Ọ da rhọvwe kẹ ayen. Irhi ri jẹfnọn na de no, ra ro evun rẹ otuisi na; otuisi ri bu te uriori ivẹ da djẹ nene ọghwrọrọ na ra ro evun rẹ abadi ayen de re divwi ghwu vwẹ evun rẹ abadi na. 14Ihwo re ghẹrẹ ayen da djẹ ra ta vwẹ obo orere na kugbe orho na. Ihwo da rhe mrẹ obo ri ruru na. 15Ayen de bru Jesu rhe, ayen da mrẹ ohwo ro vwo irhi rẹ idẹbono na kugbe Lijọn na ro tidia, o ku ewun phihọ ẹro rọye te otọ oshọ de mu ayen. 16Ayen ihwo re mrẹ emu na da ta kẹ ayen obo rẹ phia kẹ ọ ro vwo irhi rẹ idẹbono na, kugbe isi na. 17Ayen de muhọ ẹrẹ nẹ o nẹ ubrotọ rayen. 18Rọ vwọ ruẹ evun rẹ okọ na, ọ ro vwo irhi rẹ idẹbono na da rẹ ne ọye nene dia. 19Ẹkẹvuọvo ọ da sen, ọ da ta kẹ, Kpo uwevwi wẹn bru igbeyan wẹn, ra ta kẹ ayen emu rode rẹ Ọrovwohwo ru kẹ wẹ na, vẹ obo ro ni arodọvwẹ wẹ. 20Ọ da yanran, o de re gbe ikun ride ri Jesu ru kẹ vwẹ obi Dikapolis, i de gbe ihwo ejobi unu.
Ọmọtẹ ri Jairọs kugbe aye rọ vwẹ obọ te Ewun ri Jesu
(Matiu 9.19-26; Luk 8.40-56)
21Ọke ri Jesu vwọ rhoma vwẹ okọ samu kpọ abọ rivẹ, otu buebu de si koko riariẹ yọ hẹ orhoma rẹ abadi na. 22Eriyin ọvo vwẹ isun ri sinagọg na de bro rhe odẹ rọye Jairọs, rọ vwọ mrẹ, o de she diguẹ vwẹ otọ rẹ awọ rọye, 23Ọ da rẹ gangan, nẹ, Ọmotẹ mẹ rẹ otete herọ muegbe rẹ ughwu. mẹ rẹ wẹ, re wọ yanrhe re ghwẹ obo kpahọ, re wo sivwo, rọ rhọ. 24O de nene ra.
Otu buebu de nene ayen ki keke. 25Aye ọvo rọ diare ẹgbukpe ihwivẹ re, 26rọ re oja buebu vwẹ abọ rẹ cho, ọ da ghwọrọ emu ro vwori ejobi yẹ oma rọye kpori-i, ẹkẹvuọvo kẹsiẹyẹ ọ kẹ rhoma miovwi phihọ. 27ro vwo nyo usi ri Jesu, ọ da yan rhe obuko rẹ otu na, ọ da vwẹ obọ te ewun rọye. 28Kidie ọ tare nẹ, Mẹ da sa vwẹ obọ te ewun rọye oma mẹ na kpo. 29Siẹvuọvo na afe ro hwẹ na da ghwa ka; ọ da riẹn vwẹ oma rọye nẹ, esivwi ọye nẹ emiavwe rọye re. 30Jesu ghwa vwọ riẹn nẹ ogangan nẹ ọye oma yanran, o de knoma rhẹriẹ vwẹ evun rẹ otu na ta nẹ, Ono vwẹ obọ te iwun mẹ? 31Idibo rọye da ta kẹ nẹ. Wọ mrẹ otu ri keke uwe na, mavọ wọ vwọ ta nẹ, Ono vwẹ obọ te vwe? 32O de ni yariẹ sẹ ọ sa mrẹ ohwo ro ru emu na. 33Ẹkẹvuọvo aye na, vwọ riẹn obo re ru kẹ, ọ da rhe ọ phariẹ vẹ oshọ, rhi diguẹ vwẹ obaro rọye ọ da ta uyota na ejobi kẹ. 34Ọ da ta kẹ, Ọmọtẹ esegbuyota wẹn sivwi uwe, yanran vwẹ ufuoma, e sivwi uwe nẹ emiavwe wẹn re.
35Ọke rọ jẹ vwọ ta ota na, ihwo ẹvo de nẹ uwevwi rẹ osun ri sinagọg na rhe, Ọmọtẹ wẹn ghwu nure kidie wo rhe vwo kpokpo Oyono ọfa? 36Kọye ri Jesu vwo nyo ota ra tare na, ọ da ta kẹ osun ri sinagọg na, Wọ djẹ oshọ-ọ, takpi segbnyota. 37Ọ rhọvwe nẹ ohwo ọvuọvo nene ọye-e, jokpa ri Pita, kugbe Jems vẹ Jọn rẹ oniọvo ri Jems. 38Ayen da rhe uwevwi rẹ osun ri sinagọg na. ọ da mrẹ edo, vẹ otu re viẹ kpere urhuru rẹ oviẹ gangan. 39Ọke rọ vwọ ro uwevwi, ọ da ta kẹ ayen Die ovwan vwo do, vwọ viẹ? Ọmọtẹ na ghwuru-u, ẹkẹvuọvo ọ vwerhẹ. 40Ayen da hwẹ te oviẹ. Ẹkẹvuọvo rọ vwọ djẹ ayen ejobi ro uphẹphẹ, ọ da reyọ ọsẹ kugbe oni re ọmọtẹ na, kugbe otu re vẹ ọye gba herọ, ọ da ro asan rẹ ọmọtẹ na epha. 41Ọ da yọnrọn ọmọtẹ na obọ, ọ da ta kẹ Talita kumi; otọ rọye, Ọmọtẹ, me ta kẹ owẹ, vrẹn. 42Ọmọtẹ na de ghwe vrẹn, ọ da yan; kidie ọmọtẹ na ọmọ rẹ ẹgbukpe ihwivẹ. O de gbe ayen unu gangan. 43O de jiji kẹ ayen, ovwan jẹ ohwo ọvuọvo riẹn ọnana-a. ọ da ta nẹ ayen vwẹ emu kẹ ọmọtẹ na rere ọ re.
നിലവിൽ തിരഞ്ഞെടുത്തിരിക്കുന്നു:
Mak 5: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.
