Mak 12
12
Itẹ rẹ Urhe rẹ Vain Kugbe Ihwo rẹ yara otọ na
(Matiu 21.33-46; Luk 20.9-19)
1Ọ de mu itẹ họ ekpe kẹ ayen. Ohwo ọvo da kọn ogba ri vain, o da gba ogba yariẹ, ọ da tọn ọgọdọ re de miẹ wain, ọ da bọn ohẹrhẹ phihọ ọ da vwẹ ogba ri vain na vwọ kẹ eghwẹrẹ yọnre, o de kpo orho ọfa. 2Ọke rẹ ororo ri vain vwo te re o de ji odibo ọvo bru eghwẹrẹ na, na reyọ emamọ ri vain na rhe vwẹ obọ re eghwẹrẹ na. 3Ayen de muo, ayen de hwe ayen de siobọ no kpo ababọ. 4Ọ da rhoma ji odibo ọfa bru ayen ra, ayen da woma vwẹ uyovwi ayen de siobọ no kpo ababọ kugbe omavovwẹ. 5O ki rhe ji ọfa; ayen de hwe ọyena ghwu kugbe efa buebu; a fa evo, e hwe evo ghwu. 6Ọ ji vwo ọvo ro chekọ, ọmọ rọye ro je; ukuko rọye o de jo bru ayen, ta nẹ, Ayen mu ọghọ kẹ ọmọ mẹ na. 7Ẹkẹvuọvo eghwẹrẹ na da ta kẹ omoma rẹ ayen, nẹ, Ọna hẹ owanrau na; a yanrhe, re e hwe re uku na dia ọ rẹ avwanre. 8Ayen de muo, ayen de hwe ghwu ayen de muo nẹ evun rẹ ogba, ri vain na. 9Vwẹ ọtiọye na kidie ọ ro vwo ogba ri vain na che ru? kọ cha rhe o mi rhi hwe eghwẹrẹ na, ọ Me reyọ ogba ri vain na vwo kẹ ihwo efa. 10Ovwan ji se ọbe ọfuanfon nana-a; Oragha kpekpe rẹ edovwo uwevwi sẹnre rhe dia ọ ro vwo uyovwi vwẹ ubienyẹ; 11Ọnana obo rẹ Ọrovwohwo ruru, ọ da dia igbunu vwẹ ẹro rẹ avwanre?
12Ayen ke guọnọ muẹ ẹkẹvuọvo oshọ re otu na de mu ayen, kidie ayen rori nẹ o kpe itẹ na kẹ ayen; ayen da yan jovwo yanran.
Enanọ kpahe Osa rẹ Uyovwi Ẹhwa
(Matiu 22.15-22; Luk 20.20-26)
13Ayen de ji ẹvo vwẹ Farisi kugbe otu rẹ Herọd bro ra, rere ayen vwọ mrẹ asan vwẹ ota rọye muo. 14Ayen da rhe rhe ta kẹ, Oyono, avwanre riẹnre nẹ wọwẹ ohwo rẹ uyota, wọ kerhọn rẹ ohwo-o; kidie wo nẹ ikparo rẹ ohwo ọvuọvo-o, ẹkẹvuọvo wo nabọ yono idjerhe rẹ Ọghẹnẹ na; O fori re a jẹ arhọghọ kẹ Siza, gbenẹ a jẹ-ẹ? 15Avwanre hwa gbenẹ a hwa-a? Ẹkẹvuọvo rọ vwọ riẹn omeru rẹ ayen, ọ da kpahe kẹ ayen, Die ovwan vwọ davwe ovwẹ nẹ, Reyọ igho rhe, re mi no. 16Ayen da reyọ rhe. Ọ da ta kẹ ayen, Ono vwo uhoho nana kugbe isiesi nana? Ayen da ta kẹ, E rẹ Siza. 17Jesu da ta kẹ ayen, A vwẹ emu rẹ Siza kẹ Siza, re a vwẹ emu rẹ Ọghẹnẹ. Ọ de gbe ayen unu gangan.
Enanọ kpahe Evrẹnushi
(Matiu 22.23-33; Luk 20.27-40)
18Otu rẹ Sadusi, re tare nẹ evrẹnnshi herọ-ọ na; da nọ enanọ. 19Oyono, Mosis siri kẹ avwanre nẹ, Oniọvo rẹ ohwo de ghwu jẹ aye rọye vwo, yo vwo ọmọ-ọ, oniọvo rọye gba reyọ aye rọye vwọ rọvwọ, re o vwiẹ ọmọ kẹ oniọvo rọye na. 20Iniọvo ighwrẹ herọ, ọ rẹsosuọ da reyọ aye, o de ghwu o vwiẹ ọmọ-ọ; 21Ọrivẹ da reyọ, o ghwuru, o ji vwiẹ ọmọ-ọ; Ọrerha je vwẹ eriyin. 22Ọrighwrẹ je rọvwọ o ji vwo ọmọọ. Ukuko rọye aye na de rhi ghwu. 23Vwẹ evrẹnughwu na aye rẹ ono kọye ọ cha dia vwẹ ohri rẹ ayen? Kidie ayen ighwrẹ rọvwerọ gba.
24Jesu da ta kẹ ayen, ọ dia fiki rẹ ọnana ovwan vwo ghwru na-a nẹ ovwan riẹn ẹbe ọfuanfon na-a, nẹ ovwan je riẹn ogangan rẹ Ọghẹnẹ-ẹ? 25Kidie ayen de che vrẹn nẹ ughwu na, ayen gbe rọvwọ-ọ a je vwẹ ayen kpo orọvwe-e; ẹkẹvuọvo ayen ke họhọ emakashe re hẹ obo odjuvwu. 26Vwọ kpahe irivwi ri che vrenushi ovwan ji se vwẹ ẹbe ri Mosis, asan re shi kpahe Aghwa na, obo rẹ Ọghẹnẹ ta kẹ Mẹvwẹ ọghẹnẹ rẹ Ebraham, kugbe Ọghẹnẹ rẹ Aizik kugbe Ọghẹnẹ ri Jekọp? 27Ọ dia Ọghẹnẹ rẹ ihwo ighweghwu-u ẹkẹvuọvo o rẹ ihwo ekpokpọ: vwẹ ọtiọye na ovwan ghwruru gangan.
Urhi Rode na
(Matiu 22.34-40; Luk 10.25-28)
28Ọvo vwẹ isiẹbe na da rhe o de nyo rẹ ayen vwọ nọ ohwohwo, rọ vwọ riẹn nẹ ọ riẹn kpahe kẹ ayen, ọ da nọ, ọ rhọ ọ rẹsosuọ vwẹ irhi na? 29Jesu da kpahe, Ọ rẹsosuọ na, Nyo, Izrẹl; Ọrovwohwo Ọghẹnẹ rẹ avwanre na, Ọrovwohwo ọvuọvo; 30Wọ me vwẹ udu wẹn ejobi guọnọ Ọrovwohwo Ọghẹnẹ vwẹ ẹnwẹn wẹn ejobi, kugbe iroro wẹn ejobi ji kugbe ogangan wẹn ejobi. 31Ọrivẹ kẹ ọna, wọ mẹ guọnọ ọrivẹ wẹn kirobo wọ guọnọ oma wẹn. O gbi vwo Urhi ọfa rọ rhonọ enana-a. 32Osiọbe na da ta kẹ, wọ riẹn ta, Oyono, uyota wọ tare nẹ ọye ọvo; nẹ ọfa gbe herọ-ọ ẹkẹvuọvo ọye ọvo; 33nẹ wọ me vwẹ udu wẹn ejobi, kugbe ẹruọ wẹn ejobi, kugbe ogangan wẹn ejobi, wọ je guọnọ ọrivẹ wẹn kerẹ omaobọ wẹn, ọyena wan izobo ra torhẹre kugbe i re Zeri. 34Ọke ri Jesu vwọ mrẹ nẹ ọ vwẹ aghwanre kpahe ota na, Ọ da ta kẹ, Wo gbi sheri kẹ uvie rẹ Ọghẹnẹ-ẹ. Nẹ ọke yena ra ohwo ọvuọvo gbe sa nọ enanọ ọfa-a.
Enanọ kpahe Ọmọ ri Devid
(Matiu 22.41-46; Luk 20.41-44)
35Ọke ri Jesu vwo yono vwẹ uwevwi rẹ ẹga ọ da ta, Die isiẹbe na vwọ ta nẹ Kristi ọmọ ri Devid vwọ? 36Erhi Ọfuanfon na yono ekpuyovwi ri Devid ta nẹ,
Ọrovwohwo ta kẹ Ọrovwovwe,
Tidia vwẹ obọrhe mẹ,
Bẹsiẹ Me vwọ vwẹ ivwighrẹ
wẹn hwa otọ kẹ wẹ chiyi.
37Ekpuyovwi ri Devid sere Ọrovwohwo; kemavọ ọ rha vwọ dia ọmọ rọye? Ihwo buebu da vwẹ aghọghọ kerhọn rọye.
Jesu harhe Isiẹbe na
(Matiu 23.1-36; Luk 11.37-54; 20.45-47)
38Vwẹ uyono rọye ọ da ta, Ovwan kẹnoma kẹ isiẹbe na, re guọnọ iwun igrogro kuẹhọ, kugbe uyere rẹ afieki. 39vẹ egbara ri kpenu vwẹ evun rẹ sinagọg, kugbe asan ri kpenu vwẹ udoemu; 40otu re ghwọrọ uwevwi rẹ eyauku, re vwẹ omeru nẹ ẹrhovwo ogrogro, enana cha re abe rode na.
Ẹkpẹvwẹ rẹ Ayeuku na
(Luk 21.1-4)
41O de tidia hirhe opharo ku asan re de mie arhọghọ, ọ da mrẹ obo rẹ otu na phiẹ igho phihọ asan re de mie arhọghọ na; ayen otu ri feri de phihọ buebu. 42Ayuku ọvo ogbere o da yan rhe, o de phi anini ivẹ phihọ. 43Jesu de se idibo rọye bro rhe ọ da ta kẹ ayen, uyota me ta kẹ ovwan, Ayeuku nana rẹ ogbere na phihọ bunọ ayen ejobi ri phihọ asan re de mie arhọghọ na; 44kidie ayen ejobi phihọ tiobo rẹ ayen vwo bu te; ẹkẹvuọvo ayeuku nana vwẹ evun rẹ obẹnvwẹ rọye o de phi obo ro vwori ejobi phihọ, ọye ọvo obo ro vwori vwẹ akpọ na.
നിലവിൽ തിരഞ്ഞെടുത്തിരിക്കുന്നു:
Mak 12: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.
Mak 12
12
Itẹ rẹ Urhe rẹ Vain Kugbe Ihwo rẹ yara otọ na
(Matiu 21.33-46; Luk 20.9-19)
1Ọ de mu itẹ họ ekpe kẹ ayen. Ohwo ọvo da kọn ogba ri vain, o da gba ogba yariẹ, ọ da tọn ọgọdọ re de miẹ wain, ọ da bọn ohẹrhẹ phihọ ọ da vwẹ ogba ri vain na vwọ kẹ eghwẹrẹ yọnre, o de kpo orho ọfa. 2Ọke rẹ ororo ri vain vwo te re o de ji odibo ọvo bru eghwẹrẹ na, na reyọ emamọ ri vain na rhe vwẹ obọ re eghwẹrẹ na. 3Ayen de muo, ayen de hwe ayen de siobọ no kpo ababọ. 4Ọ da rhoma ji odibo ọfa bru ayen ra, ayen da woma vwẹ uyovwi ayen de siobọ no kpo ababọ kugbe omavovwẹ. 5O ki rhe ji ọfa; ayen de hwe ọyena ghwu kugbe efa buebu; a fa evo, e hwe evo ghwu. 6Ọ ji vwo ọvo ro chekọ, ọmọ rọye ro je; ukuko rọye o de jo bru ayen, ta nẹ, Ayen mu ọghọ kẹ ọmọ mẹ na. 7Ẹkẹvuọvo eghwẹrẹ na da ta kẹ omoma rẹ ayen, nẹ, Ọna hẹ owanrau na; a yanrhe, re e hwe re uku na dia ọ rẹ avwanre. 8Ayen de muo, ayen de hwe ghwu ayen de muo nẹ evun rẹ ogba, ri vain na. 9Vwẹ ọtiọye na kidie ọ ro vwo ogba ri vain na che ru? kọ cha rhe o mi rhi hwe eghwẹrẹ na, ọ Me reyọ ogba ri vain na vwo kẹ ihwo efa. 10Ovwan ji se ọbe ọfuanfon nana-a; Oragha kpekpe rẹ edovwo uwevwi sẹnre rhe dia ọ ro vwo uyovwi vwẹ ubienyẹ; 11Ọnana obo rẹ Ọrovwohwo ruru, ọ da dia igbunu vwẹ ẹro rẹ avwanre?
12Ayen ke guọnọ muẹ ẹkẹvuọvo oshọ re otu na de mu ayen, kidie ayen rori nẹ o kpe itẹ na kẹ ayen; ayen da yan jovwo yanran.
Enanọ kpahe Osa rẹ Uyovwi Ẹhwa
(Matiu 22.15-22; Luk 20.20-26)
13Ayen de ji ẹvo vwẹ Farisi kugbe otu rẹ Herọd bro ra, rere ayen vwọ mrẹ asan vwẹ ota rọye muo. 14Ayen da rhe rhe ta kẹ, Oyono, avwanre riẹnre nẹ wọwẹ ohwo rẹ uyota, wọ kerhọn rẹ ohwo-o; kidie wo nẹ ikparo rẹ ohwo ọvuọvo-o, ẹkẹvuọvo wo nabọ yono idjerhe rẹ Ọghẹnẹ na; O fori re a jẹ arhọghọ kẹ Siza, gbenẹ a jẹ-ẹ? 15Avwanre hwa gbenẹ a hwa-a? Ẹkẹvuọvo rọ vwọ riẹn omeru rẹ ayen, ọ da kpahe kẹ ayen, Die ovwan vwọ davwe ovwẹ nẹ, Reyọ igho rhe, re mi no. 16Ayen da reyọ rhe. Ọ da ta kẹ ayen, Ono vwo uhoho nana kugbe isiesi nana? Ayen da ta kẹ, E rẹ Siza. 17Jesu da ta kẹ ayen, A vwẹ emu rẹ Siza kẹ Siza, re a vwẹ emu rẹ Ọghẹnẹ. Ọ de gbe ayen unu gangan.
Enanọ kpahe Evrẹnushi
(Matiu 22.23-33; Luk 20.27-40)
18Otu rẹ Sadusi, re tare nẹ evrẹnnshi herọ-ọ na; da nọ enanọ. 19Oyono, Mosis siri kẹ avwanre nẹ, Oniọvo rẹ ohwo de ghwu jẹ aye rọye vwo, yo vwo ọmọ-ọ, oniọvo rọye gba reyọ aye rọye vwọ rọvwọ, re o vwiẹ ọmọ kẹ oniọvo rọye na. 20Iniọvo ighwrẹ herọ, ọ rẹsosuọ da reyọ aye, o de ghwu o vwiẹ ọmọ-ọ; 21Ọrivẹ da reyọ, o ghwuru, o ji vwiẹ ọmọ-ọ; Ọrerha je vwẹ eriyin. 22Ọrighwrẹ je rọvwọ o ji vwo ọmọọ. Ukuko rọye aye na de rhi ghwu. 23Vwẹ evrẹnughwu na aye rẹ ono kọye ọ cha dia vwẹ ohri rẹ ayen? Kidie ayen ighwrẹ rọvwerọ gba.
24Jesu da ta kẹ ayen, ọ dia fiki rẹ ọnana ovwan vwo ghwru na-a nẹ ovwan riẹn ẹbe ọfuanfon na-a, nẹ ovwan je riẹn ogangan rẹ Ọghẹnẹ-ẹ? 25Kidie ayen de che vrẹn nẹ ughwu na, ayen gbe rọvwọ-ọ a je vwẹ ayen kpo orọvwe-e; ẹkẹvuọvo ayen ke họhọ emakashe re hẹ obo odjuvwu. 26Vwọ kpahe irivwi ri che vrenushi ovwan ji se vwẹ ẹbe ri Mosis, asan re shi kpahe Aghwa na, obo rẹ Ọghẹnẹ ta kẹ Mẹvwẹ ọghẹnẹ rẹ Ebraham, kugbe Ọghẹnẹ rẹ Aizik kugbe Ọghẹnẹ ri Jekọp? 27Ọ dia Ọghẹnẹ rẹ ihwo ighweghwu-u ẹkẹvuọvo o rẹ ihwo ekpokpọ: vwẹ ọtiọye na ovwan ghwruru gangan.
Urhi Rode na
(Matiu 22.34-40; Luk 10.25-28)
28Ọvo vwẹ isiẹbe na da rhe o de nyo rẹ ayen vwọ nọ ohwohwo, rọ vwọ riẹn nẹ ọ riẹn kpahe kẹ ayen, ọ da nọ, ọ rhọ ọ rẹsosuọ vwẹ irhi na? 29Jesu da kpahe, Ọ rẹsosuọ na, Nyo, Izrẹl; Ọrovwohwo Ọghẹnẹ rẹ avwanre na, Ọrovwohwo ọvuọvo; 30Wọ me vwẹ udu wẹn ejobi guọnọ Ọrovwohwo Ọghẹnẹ vwẹ ẹnwẹn wẹn ejobi, kugbe iroro wẹn ejobi ji kugbe ogangan wẹn ejobi. 31Ọrivẹ kẹ ọna, wọ mẹ guọnọ ọrivẹ wẹn kirobo wọ guọnọ oma wẹn. O gbi vwo Urhi ọfa rọ rhonọ enana-a. 32Osiọbe na da ta kẹ, wọ riẹn ta, Oyono, uyota wọ tare nẹ ọye ọvo; nẹ ọfa gbe herọ-ọ ẹkẹvuọvo ọye ọvo; 33nẹ wọ me vwẹ udu wẹn ejobi, kugbe ẹruọ wẹn ejobi, kugbe ogangan wẹn ejobi, wọ je guọnọ ọrivẹ wẹn kerẹ omaobọ wẹn, ọyena wan izobo ra torhẹre kugbe i re Zeri. 34Ọke ri Jesu vwọ mrẹ nẹ ọ vwẹ aghwanre kpahe ota na, Ọ da ta kẹ, Wo gbi sheri kẹ uvie rẹ Ọghẹnẹ-ẹ. Nẹ ọke yena ra ohwo ọvuọvo gbe sa nọ enanọ ọfa-a.
Enanọ kpahe Ọmọ ri Devid
(Matiu 22.41-46; Luk 20.41-44)
35Ọke ri Jesu vwo yono vwẹ uwevwi rẹ ẹga ọ da ta, Die isiẹbe na vwọ ta nẹ Kristi ọmọ ri Devid vwọ? 36Erhi Ọfuanfon na yono ekpuyovwi ri Devid ta nẹ,
Ọrovwohwo ta kẹ Ọrovwovwe,
Tidia vwẹ obọrhe mẹ,
Bẹsiẹ Me vwọ vwẹ ivwighrẹ
wẹn hwa otọ kẹ wẹ chiyi.
37Ekpuyovwi ri Devid sere Ọrovwohwo; kemavọ ọ rha vwọ dia ọmọ rọye? Ihwo buebu da vwẹ aghọghọ kerhọn rọye.
Jesu harhe Isiẹbe na
(Matiu 23.1-36; Luk 11.37-54; 20.45-47)
38Vwẹ uyono rọye ọ da ta, Ovwan kẹnoma kẹ isiẹbe na, re guọnọ iwun igrogro kuẹhọ, kugbe uyere rẹ afieki. 39vẹ egbara ri kpenu vwẹ evun rẹ sinagọg, kugbe asan ri kpenu vwẹ udoemu; 40otu re ghwọrọ uwevwi rẹ eyauku, re vwẹ omeru nẹ ẹrhovwo ogrogro, enana cha re abe rode na.
Ẹkpẹvwẹ rẹ Ayeuku na
(Luk 21.1-4)
41O de tidia hirhe opharo ku asan re de mie arhọghọ, ọ da mrẹ obo rẹ otu na phiẹ igho phihọ asan re de mie arhọghọ na; ayen otu ri feri de phihọ buebu. 42Ayuku ọvo ogbere o da yan rhe, o de phi anini ivẹ phihọ. 43Jesu de se idibo rọye bro rhe ọ da ta kẹ ayen, uyota me ta kẹ ovwan, Ayeuku nana rẹ ogbere na phihọ bunọ ayen ejobi ri phihọ asan re de mie arhọghọ na; 44kidie ayen ejobi phihọ tiobo rẹ ayen vwo bu te; ẹkẹvuọvo ayeuku nana vwẹ evun rẹ obẹnvwẹ rọye o de phi obo ro vwori ejobi phihọ, ọye ọvo obo ro vwori vwẹ akpọ na.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.