Mak 11
11
Udje ene kpo Jerusalẹm vẹ Aghọghọ
(Matiu 21.1-11; Luk 19.28-40; Jọn 12.12-19)
1Ọke re ayen rhi vwo sikẹre Jerusalẹm, rhi te Bẹtfagi vẹ Betani, vwẹ ugbenu rẹ Ọlivi o de ji idibo rọye ivẹ, 2Ọ da ta kẹ ayen, ovwan yanran kpo ighwre rọ hẹ obaro rẹ ovwan na; rẹ ovwan da ghwa ro ighwre na, ovwan cha mrẹ ọmọ rẹ ekẹtẹkẹtẹ re churu, rẹ ohwo ọvuọvo ji tidia dẹvo-o, a rhan, ra reyọ rhe. 3Ọ da dianẹ ohwo ọvo nọ ovwan, Die ovwan vwo ruẹ ọnana? Ovwan ta nẹ, Ọrovwori re guọnerọ, kọ ghwa vwọ rhe etinẹ. 4Ayen da yanran, ayen da mrẹ ọmọ rẹ ekẹtẹkẹtẹ na re churu phihọ uphẹphẹ rẹ urhuvwu ayen da rhan. 5Ẹvo ri mudia vwẹ etiyin da ta kẹ ayen, Die ovwan ruẹ, re ovwan vwọ rhan ọmọ rẹ ekẹtẹkẹtẹ na? 6Ayen da ta ọtiobo ri Jesu ta kẹ ayen; ayen de jẹn ayen vwọ yanran. 7Ayen da vwẹ ọmọ rẹ ekẹtẹkẹtẹ na rhe Jesu, ayen da vwẹ emwa rayen vwọ hwa enu rọye; Jesu de tidia enu rọye. 8Ayen buebu da vwẹ emwa rayen hwa idjerhe; efa da nyavwe eghọn rẹ irhe, vwọ hwa idjerhe. 9Otu re yan ka obaro, kugbe i ri nene vwẹ obuko, de kperi Hozanna; Ebruphihọ kẹ ohwo rọ cha vwẹ odẹ rẹ Ọrovwohwo. 10Ebruphihọ kẹ uvie rọ cha na, uvie ri Devid ọsẹ rẹ avwanre; Hozanna vwẹ asan ro kpenu.
11Ọ da ro Jerusalẹm, kpo evun rẹ uwevwi rẹ ẹga; ọke ro vwo ni emu na ejobi yariẹ nu, ro vwo te ovwọnvwọn re, ọ vẹ ihwivẹ na de nẹ etiyin kpo Bẹtani.
Ẹharhọ rẹ Urho rẹ Owe na
(Matiu 21.18-19)
12Ẹdẹ rivẹ, rẹ ayen vwo nẹ Bẹtani cha, owẹvwe de hwe. 13Rọ vwọ mrẹ owe ro vwo ẹbe vwẹ ogboko, ọ da rhe sọ sa mrẹ emu vwọ; ọke ro rhi vwo te, ọ gbe mrẹ emu ọvo-o; jokpa rẹ ẹbe ọvo kidie o ji te ọke rẹ iwe-e. 14Ọ da ta kẹ urhe na nẹ, nẹ ọke nana yanran ohwo gbe sa re emamọ vwẹ enu wẹn ọfa bẹdẹ-ẹ. Idibo rọye de nyo.
Ephoro rẹ Uwevwi rẹ ẹga na
(Matiu 21.12-17; Luk 19.45-48; Jọn 2.13-22)
15Ayen da rhe Jerusalẹm; ọ da ro uwevwi rẹ ẹga na, o de mu ayen ejobi re shẹ vẹ otu re dẹ vwẹ uwevwi rẹ ẹga na họ ẹdjẹ, o de gere imẹjẹ rẹ iwenigho she, kugbe egbara rẹ otu re shẹ ilekuku; 16Ọ gbe rhọvwe nẹ ohwo ọvuọvo wan uwevwi rẹ ẹga na vrẹ-ẹn. 17O de yono, ọ da ta kẹ ayen, E siro jovwo, uwevwi mẹ e se nẹ uwevwi rẹ ẹrhovwo kẹ ẹgborho na ejobi? ẹkẹvuọvo ovwan vwi ro ru uwevwi rẹ iji. 18Ilori rẹ irherẹn kugbe isiẹbe vwo nyo, ayen da guọnọ obo rẹ ayen ru hwe; kidie ayen djẹ oshọ rọye, fiki rẹ eyono rọye ro gbe ayen ejobi unu. 19Rẹ ovwọnvwọn vwo te ayen da yan nẹ orere na.
Uyono ro nẹ Oma rẹ Urhe rẹ Owe ro lori na rho
(Matiu 21.20-22)
20Rẹ ayen vwọ wan vrẹn vwẹ irhiọke na, ayen da mrẹ urhe rẹ owe na ro lori nẹ otọ re duvwu enu. 21Pita rhe vwọ karohọ ọ da ta kẹ, Rabbi, nigbe, urhe rẹ owe na re wọ harhere na o lo re. 22Jesu da kpahe ọ da ta kẹ ayen, ovwan vwo esegbuyota kpahe Ọghẹnẹ. 23Uyota Me ta kẹ ovwan kohwo kohwo rọ ta kẹ ugbenu nana, Ghwie re she phihọ urhie, ro gbi vwo evun ivẹ-ẹ, ẹkẹvuọvo o de segbuyota nẹ obo rọ tare na cha phia, kọ ghene dia ọtiọye. 24Fiki rẹ ọtiọye na Me ta kẹ ovwan, kemu kemu rẹ ovwan nọre vwẹ ẹrhovwo ovwan de segbuyota nẹ o te ovwan obọ nure ovwan ki vwo. 25Kẹsiẹ kẹsiẹ rẹ ovwan de mudia nẹ ẹrhovwo, rẹ ovwan vẹ ohwo de vwo ẹghwọ, vwo ghovwo; rere Ọsẹ rẹ ovwan rọ hẹ obo odjuvwu vwo ghovwo ogbeku rẹ ovwan.
26Ẹkẹvuọvo ovwan vwo ghovwo-o Ọsẹ rẹ ovwan rọ hẹ obo odjuvwu ji se vwo ghovwo ovwa-an.
Enanọ kpahe Ogangan ri Jesu
(Matiu 21.23-27; Luk 20.1-8)
27Ayen da rhoma rhe Jerusalẹm; rọ vwọ yan vwẹ evun rẹ uwevwi rẹ ẹga na, ilori re irherẹn, kugbe isiẹbe, kugbe ekpako na de bro rhe; 28ayen da nọ, didi ogangan wo vwo ruẹ imu nana? gbenẹ ono vwẹ ogangan nana kẹ wẹ wo vwo ruẹ imu nana? 29Jesu da ta kẹ ayen, mẹ je nọ ovwan onọ ọvo, re ovwan jẹ kpahọ kẹ vwẹ, re Me ke ta ogangan ri mi vwo ruẹ imu nana kẹ ovwan. 30Amẹ-ereyọ ri Jọn, odjuvwu o nurhe, gbenẹ obọ rẹ ihwo? A kpahọ kẹ vwẹ. 31Ayen de nene omoma rẹ ayen phro aphro, nẹ, Avwanre da ta, Odjuvwu o nurhe, kọ ta kidie jabọ ovwan gbi segbuyota-a? 32Ẹkẹvuọvo avwanre da ta obọ rẹ ihwo avwanre jẹ djẹ oshọ rẹ ihwo; kidie ihwo na ejobi riẹnre nẹ Jọn ghine ọmraro rẹ uyota. 33Ayen da kpahe ta kẹ Jesu, Avwanre riẹnre-e. Jesu da ta kẹ ayen, Ẹriyin na Me gbe je sa fan ogangan ri mi vwo ruẹ imu nana kẹ ovwa-an.
നിലവിൽ തിരഞ്ഞെടുത്തിരിക്കുന്നു:
Mak 11: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.
Mak 11
11
Udje ene kpo Jerusalẹm vẹ Aghọghọ
(Matiu 21.1-11; Luk 19.28-40; Jọn 12.12-19)
1Ọke re ayen rhi vwo sikẹre Jerusalẹm, rhi te Bẹtfagi vẹ Betani, vwẹ ugbenu rẹ Ọlivi o de ji idibo rọye ivẹ, 2Ọ da ta kẹ ayen, ovwan yanran kpo ighwre rọ hẹ obaro rẹ ovwan na; rẹ ovwan da ghwa ro ighwre na, ovwan cha mrẹ ọmọ rẹ ekẹtẹkẹtẹ re churu, rẹ ohwo ọvuọvo ji tidia dẹvo-o, a rhan, ra reyọ rhe. 3Ọ da dianẹ ohwo ọvo nọ ovwan, Die ovwan vwo ruẹ ọnana? Ovwan ta nẹ, Ọrovwori re guọnerọ, kọ ghwa vwọ rhe etinẹ. 4Ayen da yanran, ayen da mrẹ ọmọ rẹ ekẹtẹkẹtẹ na re churu phihọ uphẹphẹ rẹ urhuvwu ayen da rhan. 5Ẹvo ri mudia vwẹ etiyin da ta kẹ ayen, Die ovwan ruẹ, re ovwan vwọ rhan ọmọ rẹ ekẹtẹkẹtẹ na? 6Ayen da ta ọtiobo ri Jesu ta kẹ ayen; ayen de jẹn ayen vwọ yanran. 7Ayen da vwẹ ọmọ rẹ ekẹtẹkẹtẹ na rhe Jesu, ayen da vwẹ emwa rayen vwọ hwa enu rọye; Jesu de tidia enu rọye. 8Ayen buebu da vwẹ emwa rayen hwa idjerhe; efa da nyavwe eghọn rẹ irhe, vwọ hwa idjerhe. 9Otu re yan ka obaro, kugbe i ri nene vwẹ obuko, de kperi Hozanna; Ebruphihọ kẹ ohwo rọ cha vwẹ odẹ rẹ Ọrovwohwo. 10Ebruphihọ kẹ uvie rọ cha na, uvie ri Devid ọsẹ rẹ avwanre; Hozanna vwẹ asan ro kpenu.
11Ọ da ro Jerusalẹm, kpo evun rẹ uwevwi rẹ ẹga; ọke ro vwo ni emu na ejobi yariẹ nu, ro vwo te ovwọnvwọn re, ọ vẹ ihwivẹ na de nẹ etiyin kpo Bẹtani.
Ẹharhọ rẹ Urho rẹ Owe na
(Matiu 21.18-19)
12Ẹdẹ rivẹ, rẹ ayen vwo nẹ Bẹtani cha, owẹvwe de hwe. 13Rọ vwọ mrẹ owe ro vwo ẹbe vwẹ ogboko, ọ da rhe sọ sa mrẹ emu vwọ; ọke ro rhi vwo te, ọ gbe mrẹ emu ọvo-o; jokpa rẹ ẹbe ọvo kidie o ji te ọke rẹ iwe-e. 14Ọ da ta kẹ urhe na nẹ, nẹ ọke nana yanran ohwo gbe sa re emamọ vwẹ enu wẹn ọfa bẹdẹ-ẹ. Idibo rọye de nyo.
Ephoro rẹ Uwevwi rẹ ẹga na
(Matiu 21.12-17; Luk 19.45-48; Jọn 2.13-22)
15Ayen da rhe Jerusalẹm; ọ da ro uwevwi rẹ ẹga na, o de mu ayen ejobi re shẹ vẹ otu re dẹ vwẹ uwevwi rẹ ẹga na họ ẹdjẹ, o de gere imẹjẹ rẹ iwenigho she, kugbe egbara rẹ otu re shẹ ilekuku; 16Ọ gbe rhọvwe nẹ ohwo ọvuọvo wan uwevwi rẹ ẹga na vrẹ-ẹn. 17O de yono, ọ da ta kẹ ayen, E siro jovwo, uwevwi mẹ e se nẹ uwevwi rẹ ẹrhovwo kẹ ẹgborho na ejobi? ẹkẹvuọvo ovwan vwi ro ru uwevwi rẹ iji. 18Ilori rẹ irherẹn kugbe isiẹbe vwo nyo, ayen da guọnọ obo rẹ ayen ru hwe; kidie ayen djẹ oshọ rọye, fiki rẹ eyono rọye ro gbe ayen ejobi unu. 19Rẹ ovwọnvwọn vwo te ayen da yan nẹ orere na.
Uyono ro nẹ Oma rẹ Urhe rẹ Owe ro lori na rho
(Matiu 21.20-22)
20Rẹ ayen vwọ wan vrẹn vwẹ irhiọke na, ayen da mrẹ urhe rẹ owe na ro lori nẹ otọ re duvwu enu. 21Pita rhe vwọ karohọ ọ da ta kẹ, Rabbi, nigbe, urhe rẹ owe na re wọ harhere na o lo re. 22Jesu da kpahe ọ da ta kẹ ayen, ovwan vwo esegbuyota kpahe Ọghẹnẹ. 23Uyota Me ta kẹ ovwan kohwo kohwo rọ ta kẹ ugbenu nana, Ghwie re she phihọ urhie, ro gbi vwo evun ivẹ-ẹ, ẹkẹvuọvo o de segbuyota nẹ obo rọ tare na cha phia, kọ ghene dia ọtiọye. 24Fiki rẹ ọtiọye na Me ta kẹ ovwan, kemu kemu rẹ ovwan nọre vwẹ ẹrhovwo ovwan de segbuyota nẹ o te ovwan obọ nure ovwan ki vwo. 25Kẹsiẹ kẹsiẹ rẹ ovwan de mudia nẹ ẹrhovwo, rẹ ovwan vẹ ohwo de vwo ẹghwọ, vwo ghovwo; rere Ọsẹ rẹ ovwan rọ hẹ obo odjuvwu vwo ghovwo ogbeku rẹ ovwan.
26Ẹkẹvuọvo ovwan vwo ghovwo-o Ọsẹ rẹ ovwan rọ hẹ obo odjuvwu ji se vwo ghovwo ovwa-an.
Enanọ kpahe Ogangan ri Jesu
(Matiu 21.23-27; Luk 20.1-8)
27Ayen da rhoma rhe Jerusalẹm; rọ vwọ yan vwẹ evun rẹ uwevwi rẹ ẹga na, ilori re irherẹn, kugbe isiẹbe, kugbe ekpako na de bro rhe; 28ayen da nọ, didi ogangan wo vwo ruẹ imu nana? gbenẹ ono vwẹ ogangan nana kẹ wẹ wo vwo ruẹ imu nana? 29Jesu da ta kẹ ayen, mẹ je nọ ovwan onọ ọvo, re ovwan jẹ kpahọ kẹ vwẹ, re Me ke ta ogangan ri mi vwo ruẹ imu nana kẹ ovwan. 30Amẹ-ereyọ ri Jọn, odjuvwu o nurhe, gbenẹ obọ rẹ ihwo? A kpahọ kẹ vwẹ. 31Ayen de nene omoma rẹ ayen phro aphro, nẹ, Avwanre da ta, Odjuvwu o nurhe, kọ ta kidie jabọ ovwan gbi segbuyota-a? 32Ẹkẹvuọvo avwanre da ta obọ rẹ ihwo avwanre jẹ djẹ oshọ rẹ ihwo; kidie ihwo na ejobi riẹnre nẹ Jọn ghine ọmraro rẹ uyota. 33Ayen da kpahe ta kẹ Jesu, Avwanre riẹnre-e. Jesu da ta kẹ ayen, Ẹriyin na Me gbe je sa fan ogangan ri mi vwo ruẹ imu nana kẹ ovwa-an.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.