Matiu 25
25
Itẹ rẹ Ikọpha Ihwo na
1Uvie rẹ odjuvwu kọ họhọ ikọpha ihwe, re reyọ irhukpẹ rayen, ayen da ra vwa ọpha. 2Iyori vwẹ usun rẹ ayen da dia ẹkpa, iyori ri chekọ de vwọ aghwanre. 3Otu rẹ ẹkpa na, ọke rẹ ayen vwọ reyọ urhukpẹ nu, ayen ghwa evwri choma-a; 4Ẹkẹvuọvo otu ri vwo aghwanre na da ghwa evwri choma. 5Ọpha na gbe fobọ rhe-e, ikọpha na da vwerhẹ re. 6Ẹkẹvuọvọ ro rhi vwo te uherevie ason e de kuvwie nẹ, Nighe ọpha na cha re! Wa yanrhe re a ra vwa ọpha na. 7Ikọpha na de vrẹn, aye da vwẹ irhukpẹ rhu. 8Otu rẹ ẹkpa na da ta kẹ e re ghwanre na nẹ, Wa kẹ avwanre emevwri rere avwanre ku phihọ irhukpẹ rẹ avwanre, kidie irhukpẹ rẹ avwanre furu. 9Ẹkẹvuọvo otu re ghwanre na da kpahe ta nẹ, Avwanre de ku kẹ ovwan nu, ọ ro chekọ gbi te kẹ avwanre-e. Wa yanran bru ihwo re shẹ rere wa ra dẹ. 10Ọke rẹ ayen vwọ yanran ra dẹ nu, ọpha na da rhe vwẹ obuko rayen; ikọpha ri vwo urhukpẹ na vẹ ọye da ro uwevwi rẹ orẹ na; ẹchẹ na de huhu. 11Ukoko rọye ikọpha ri chẹkọ obuko na da rhe, ayen de se nẹ, Ọrovwohwo, Ọrovwohwo rhiẹ ẹchẹ kẹ avwanre. 12Ẹkẹvuọvo ọ da kpahe ọ da ta nẹ, Uyota me ta kẹ ovwan, Me riẹn ovwa-an. 13Rhẹrẹ kidie wa riẹn ọkẹ eyẹ ẹdẹ rẹ Ọrovwohwo vwọ rhe-e,
Itẹ rẹ Igho na
(Luk 19.11-27)
14Kidie ọ họhọ ọke rẹ ọshare ọvo vwo kpo isiorho, o de se idibo rọye, ọ da vwẹ ighọ kẹ ayen. 15Ọ vwẹ ikpahọ iyori kẹ ọvo, ọ vwẹ ivẹ kẹ ọrivẹ, ọ da vwẹ ọvo kẹ ọrerha, krẹkrẹ kirobo rẹ ogangan rayen teri; o de kpo oyan. 16Ọ rẹsosuọ da vwẹ igho rọye cho eki ọ da mrẹ erere rẹ ikpahọ iyori ọfa vwẹ enu rọye. 17Ọ rivẹ da je mrẹ erere rẹ ikpahọ ivẹ efa. 18Ẹkẹvuọvo ọ rerha ra vwẹ ikpahọ ọvo kẹ na, da yanran ra tọn igho rẹ ọrovworo vwọ họ otọ. 19O rhi vwo kri re ọ ro vwo odibo na da rhe, o de rhi kere igho rọ ghwẹ kẹ ayen yọnre na. 20Ọ ra kẹ ikpahọ iyori na, da rha vwẹ ikpahọ iyori efa kpahọ rhe ọ da ta nẹ, ikpaho iyori wọ vwọ kẹ vwẹ jovwo; nighe me je mrẹ erere rẹ ikpahọ iyori efa vwẹ enu rọye, 21Ọrovworo da ta kẹ nẹ, Wo runọ odibo rẹ esiri na; wọ vwọ dia ọvwata vwẹ oma rẹ ememu nana, ku wọ dia ovie vwẹ enu rẹ emu buebu; mọ rhe ro aghọghọ rẹ ọrovwowe. 22Ọ ra kẹ ikpahọ ivẹ na da rhe ọ da ta nẹ, Ọrovwohwo ikpahọ ivẹ wọ kẹ vwẹ; nighe me mrẹ erere rẹ ikpahọ ivẹ efa vwẹ enu rọye. 23Ọrovworo da ta kẹ nẹ, Wo runọ odibo rẹ esiri, wọ vwọ dia ọvwata vwẹ emu otete nana, gba ra re ovie vwẹ enu rẹ emu buebu; mọ rhe ro aghọghọ rẹ Ọrovwowe. 24Ọ ra kẹ ikpahọ ọvo na da rhe ọ da ta nẹ, Ọrovwohwo, Me riẹnre nẹ ohwo ọgangan wo ruẹ, asan wọ kọn phihọ-ọ etiyin wo de vuẹ, asan wo phihọ-ọ etiyin wọ da reyọ; 25Oshọ ko mu vwe ke me ra tọn igho wẹn phihọ otọ; nighe igho wẹn na. 26Ẹkẹvuọvo ọrovworo da kpahe ọ da ta kẹ nẹ, Wẹ odibo ọbrabra na, wọ da riẹn nẹ asan re me kọn phihọ-ọ etiyin mi de vuẹ kugbe asan ri mi phihọ-ọ etiyin me da reyọ? 27Mane ki wo phi igho mẹ vwọ hẹ bank, rere ọke me da rhe me mrẹ erere vwọ? 28We gbe mie ikpahọ ọvo na re wa vwọ kẹ ọ ro vwo ikpahọ ihwe na. 29Kidie ohwo kohwo ro vwori ọye a kẹ, ọroye ko bu phihọ; ọ ro vwori-i, emerha ro vwori na ka karhiẹn mie. 30We mu odibo ọbrahra na phihọ uwodi; kẹ etiyin o de beroma ọ da reako.
Ẹdjọeguọ rẹ Irere na
31Ẹkẹvuọvo ọke rẹ Ọmọ rẹ ohwo da cha rhe vwẹ urinrin, vẹ emakashe rọye, kọ che tidia vwẹ ekete rẹ urinrin rọye. 32Ka cha ghwẹ ẹgborho rẹ akpọ na ejobi koko obaro rọye; ko hẹriẹ ayen ohwohwo nohwo kerẹsiẹ rẹ osuigodẹ a da hẹriẹ igode nẹ usun rẹ ẹvwe. 33Kọ ghwẹ igodẹ vwọ hẹ obọrhe, ẹkẹvuọvo ọ me rha ghwẹ ẹvwe vwọ hẹ obọhwẹre. 34Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe. 35Kidie owẹvwe hwe vwe wọ da kẹ vwẹ emu re; urhuru rẹ ame hwe vwe wọ da kẹ vwẹ ame da; me vwọ hẹ ọrhorha wo de se vwe te uwevwi; 36Me banphihọ wọ da vwẹ amwa rhuo vwe; me vwọ hovwa ọga wo de rhi yenre uvwe; me vwọ hẹ uwodi wọ da rhe mrẹ vwẹ. 37Evwata na kẹ kpahe kẹ nẹ, Ọrovwohwo, ọkevọ me vwọ mrẹ wẹ rẹ owẹvwe hwe we me da kẹ wẹ emu re? rẹ urhuru rẹ ame hwe we me da kẹ wẹ ame da? 38Ọkevọ wọ vwọ hẹ ọrhorha mi de se we ro uwevwi? wọ vwọ banphihọ mi de rhuo we? 39Ọkevọ me vwọ mrẹ wẹ vwẹ ọga eyẹ vwẹ uwodi mi de bru uwe rhe? 40Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ. 41Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye. 42Kidie owẹvwe hwe vwe wa kẹ vwẹ emu re-e; urhuru rẹ ame hwe vwe wa kẹ vwẹ ame da-a; 43ọrhorha mi ruẹ we se vwe te uwevwi-i, me banphihọ wa vwẹ amwa rhuo vwe-e; me mwa ọga, e mu vwe vwọ hẹ uwodi we te asan mie epha-a. 44Ayen ke kpahe ta nẹ, Ọrovwohwo, ọkevọ me vwọ mrẹ wẹ rẹ owevwe hwe, eyẹ rẹ urhuru rẹ ame hwe, eyẹ ọrhorha, eyẹ rẹ ọ banphihọ, eyẹ rẹ ọ mua ọga eyẹ rọ hẹ uwodi ri mi ru emu ọvuọvo kẹ wẹ-ẹ? 45Kọ ta kẹ ayen nẹ, Uyota me ta kẹ ovwan, kirobo we ruro kẹ ohwo ọvo vwẹ usun rẹ imoni mẹ na-a, we ruro kẹ vwẹ-ẹ. 46Ihwo nana ki kpo ehwe ri bẹdẹ ẹkẹvuọvo otu rẹ evwata ki kpo arhọ ri bẹdẹ.
നിലവിൽ തിരഞ്ഞെടുത്തിരിക്കുന്നു:
Matiu 25: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.
Matiu 25
25
Itẹ rẹ Ikọpha Ihwo na
1Uvie rẹ odjuvwu kọ họhọ ikọpha ihwe, re reyọ irhukpẹ rayen, ayen da ra vwa ọpha. 2Iyori vwẹ usun rẹ ayen da dia ẹkpa, iyori ri chekọ de vwọ aghwanre. 3Otu rẹ ẹkpa na, ọke rẹ ayen vwọ reyọ urhukpẹ nu, ayen ghwa evwri choma-a; 4Ẹkẹvuọvo otu ri vwo aghwanre na da ghwa evwri choma. 5Ọpha na gbe fobọ rhe-e, ikọpha na da vwerhẹ re. 6Ẹkẹvuọvọ ro rhi vwo te uherevie ason e de kuvwie nẹ, Nighe ọpha na cha re! Wa yanrhe re a ra vwa ọpha na. 7Ikọpha na de vrẹn, aye da vwẹ irhukpẹ rhu. 8Otu rẹ ẹkpa na da ta kẹ e re ghwanre na nẹ, Wa kẹ avwanre emevwri rere avwanre ku phihọ irhukpẹ rẹ avwanre, kidie irhukpẹ rẹ avwanre furu. 9Ẹkẹvuọvo otu re ghwanre na da kpahe ta nẹ, Avwanre de ku kẹ ovwan nu, ọ ro chekọ gbi te kẹ avwanre-e. Wa yanran bru ihwo re shẹ rere wa ra dẹ. 10Ọke rẹ ayen vwọ yanran ra dẹ nu, ọpha na da rhe vwẹ obuko rayen; ikọpha ri vwo urhukpẹ na vẹ ọye da ro uwevwi rẹ orẹ na; ẹchẹ na de huhu. 11Ukoko rọye ikọpha ri chẹkọ obuko na da rhe, ayen de se nẹ, Ọrovwohwo, Ọrovwohwo rhiẹ ẹchẹ kẹ avwanre. 12Ẹkẹvuọvo ọ da kpahe ọ da ta nẹ, Uyota me ta kẹ ovwan, Me riẹn ovwa-an. 13Rhẹrẹ kidie wa riẹn ọkẹ eyẹ ẹdẹ rẹ Ọrovwohwo vwọ rhe-e,
Itẹ rẹ Igho na
(Luk 19.11-27)
14Kidie ọ họhọ ọke rẹ ọshare ọvo vwo kpo isiorho, o de se idibo rọye, ọ da vwẹ ighọ kẹ ayen. 15Ọ vwẹ ikpahọ iyori kẹ ọvo, ọ vwẹ ivẹ kẹ ọrivẹ, ọ da vwẹ ọvo kẹ ọrerha, krẹkrẹ kirobo rẹ ogangan rayen teri; o de kpo oyan. 16Ọ rẹsosuọ da vwẹ igho rọye cho eki ọ da mrẹ erere rẹ ikpahọ iyori ọfa vwẹ enu rọye. 17Ọ rivẹ da je mrẹ erere rẹ ikpahọ ivẹ efa. 18Ẹkẹvuọvo ọ rerha ra vwẹ ikpahọ ọvo kẹ na, da yanran ra tọn igho rẹ ọrovworo vwọ họ otọ. 19O rhi vwo kri re ọ ro vwo odibo na da rhe, o de rhi kere igho rọ ghwẹ kẹ ayen yọnre na. 20Ọ ra kẹ ikpahọ iyori na, da rha vwẹ ikpahọ iyori efa kpahọ rhe ọ da ta nẹ, ikpaho iyori wọ vwọ kẹ vwẹ jovwo; nighe me je mrẹ erere rẹ ikpahọ iyori efa vwẹ enu rọye, 21Ọrovworo da ta kẹ nẹ, Wo runọ odibo rẹ esiri na; wọ vwọ dia ọvwata vwẹ oma rẹ ememu nana, ku wọ dia ovie vwẹ enu rẹ emu buebu; mọ rhe ro aghọghọ rẹ ọrovwowe. 22Ọ ra kẹ ikpahọ ivẹ na da rhe ọ da ta nẹ, Ọrovwohwo ikpahọ ivẹ wọ kẹ vwẹ; nighe me mrẹ erere rẹ ikpahọ ivẹ efa vwẹ enu rọye. 23Ọrovworo da ta kẹ nẹ, Wo runọ odibo rẹ esiri, wọ vwọ dia ọvwata vwẹ emu otete nana, gba ra re ovie vwẹ enu rẹ emu buebu; mọ rhe ro aghọghọ rẹ Ọrovwowe. 24Ọ ra kẹ ikpahọ ọvo na da rhe ọ da ta nẹ, Ọrovwohwo, Me riẹnre nẹ ohwo ọgangan wo ruẹ, asan wọ kọn phihọ-ọ etiyin wo de vuẹ, asan wo phihọ-ọ etiyin wọ da reyọ; 25Oshọ ko mu vwe ke me ra tọn igho wẹn phihọ otọ; nighe igho wẹn na. 26Ẹkẹvuọvo ọrovworo da kpahe ọ da ta kẹ nẹ, Wẹ odibo ọbrabra na, wọ da riẹn nẹ asan re me kọn phihọ-ọ etiyin mi de vuẹ kugbe asan ri mi phihọ-ọ etiyin me da reyọ? 27Mane ki wo phi igho mẹ vwọ hẹ bank, rere ọke me da rhe me mrẹ erere vwọ? 28We gbe mie ikpahọ ọvo na re wa vwọ kẹ ọ ro vwo ikpahọ ihwe na. 29Kidie ohwo kohwo ro vwori ọye a kẹ, ọroye ko bu phihọ; ọ ro vwori-i, emerha ro vwori na ka karhiẹn mie. 30We mu odibo ọbrahra na phihọ uwodi; kẹ etiyin o de beroma ọ da reako.
Ẹdjọeguọ rẹ Irere na
31Ẹkẹvuọvo ọke rẹ Ọmọ rẹ ohwo da cha rhe vwẹ urinrin, vẹ emakashe rọye, kọ che tidia vwẹ ekete rẹ urinrin rọye. 32Ka cha ghwẹ ẹgborho rẹ akpọ na ejobi koko obaro rọye; ko hẹriẹ ayen ohwohwo nohwo kerẹsiẹ rẹ osuigodẹ a da hẹriẹ igode nẹ usun rẹ ẹvwe. 33Kọ ghwẹ igodẹ vwọ hẹ obọrhe, ẹkẹvuọvo ọ me rha ghwẹ ẹvwe vwọ hẹ obọhwẹre. 34Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe. 35Kidie owẹvwe hwe vwe wọ da kẹ vwẹ emu re; urhuru rẹ ame hwe vwe wọ da kẹ vwẹ ame da; me vwọ hẹ ọrhorha wo de se vwe te uwevwi; 36Me banphihọ wọ da vwẹ amwa rhuo vwe; me vwọ hovwa ọga wo de rhi yenre uvwe; me vwọ hẹ uwodi wọ da rhe mrẹ vwẹ. 37Evwata na kẹ kpahe kẹ nẹ, Ọrovwohwo, ọkevọ me vwọ mrẹ wẹ rẹ owẹvwe hwe we me da kẹ wẹ emu re? rẹ urhuru rẹ ame hwe we me da kẹ wẹ ame da? 38Ọkevọ wọ vwọ hẹ ọrhorha mi de se we ro uwevwi? wọ vwọ banphihọ mi de rhuo we? 39Ọkevọ me vwọ mrẹ wẹ vwẹ ọga eyẹ vwẹ uwodi mi de bru uwe rhe? 40Ovie na kọ kpahe kọ ta kẹ ayen nẹ, Uyota me ta kẹ ovwan, kirobo ri we ruro kẹ ohwo ọvo vwẹ usun rẹ imoni mẹ na, yẹ ovwan ruro kẹ vwẹ. 41Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye. 42Kidie owẹvwe hwe vwe wa kẹ vwẹ emu re-e; urhuru rẹ ame hwe vwe wa kẹ vwẹ ame da-a; 43ọrhorha mi ruẹ we se vwe te uwevwi-i, me banphihọ wa vwẹ amwa rhuo vwe-e; me mwa ọga, e mu vwe vwọ hẹ uwodi we te asan mie epha-a. 44Ayen ke kpahe ta nẹ, Ọrovwohwo, ọkevọ me vwọ mrẹ wẹ rẹ owevwe hwe, eyẹ rẹ urhuru rẹ ame hwe, eyẹ ọrhorha, eyẹ rẹ ọ banphihọ, eyẹ rẹ ọ mua ọga eyẹ rọ hẹ uwodi ri mi ru emu ọvuọvo kẹ wẹ-ẹ? 45Kọ ta kẹ ayen nẹ, Uyota me ta kẹ ovwan, kirobo we ruro kẹ ohwo ọvo vwẹ usun rẹ imoni mẹ na-a, we ruro kẹ vwẹ-ẹ. 46Ihwo nana ki kpo ehwe ri bẹdẹ ẹkẹvuọvo otu rẹ evwata ki kpo arhọ ri bẹdẹ.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.