Matiu 24
24
Jesu ta Ota kpahe Eguọghọ rẹ uwevwi rẹ ẹga na
(Mak 13.1-2; Luk 21.5-6)
1Jesu de vrẹn nẹ evun rẹ uwevwi rẹ ẹga na, kọ yanran vwẹ evun rẹ idjerhe; idibo rọye de bro rhe re vwẹ uwevwi rẹ ẹga na vwọ nẹ. 2Ẹkẹvuọvo ọ da kpahe ọ da ta kẹ ayen nẹ, Ovwan mrẹ ekuakua nana? uyota me ta kẹ ovwan, Oragha ọvuọvo che mudia vwẹ enu rẹ ohwohwo, re je kporo she-e.
Ẹtuọhọ rẹ Ọja na
(Mak 13.3-13; Luk 21.7-19)
3Ọke ro vwo tidia vwẹ enu rẹ ugbenu rẹ Oliv, idibo rọye da bẹbẹ bro rhe nẹ, ta kẹ avwanre, ọkevọ emu nana cha vwọ phia? eyẹ kọrhọ re cha dia oka rẹ ẹcha rẹ ọmọ rẹ ohwo, kugbe oba rẹ akpọ na? 4Jesu da kpahe ọ da ta kẹ ayen nẹ, Wa jomaotọ rere ohwo vwo jẹ ovwan esuo ghwro. 5Kidie ihwo buebu cha rhe vwẹ odẹ mẹ nẹ, Mẹvwẹ hẹ Kristi na; o mi rhi sun ihwo buebu ghwru. 6We che nyo umri rẹ ofovwi kugbe edo rẹ ofovwi. We jẹn udu bru ovwa-an, kidie enana ejobi cha wan vrẹn; ẹkẹvuọvo je oba na ji te-e. 7Kidie ẹgborho cha vwọ so ẹgborho, uvie cha vwọ so uvie, owẹvwe che fi, otọ che kpogho vwẹ asan buebu. 8Ẹkẹvuọvo enana ejobi ke cha dia ẹtuọhọ rẹ oja. 9Ka cha vwẹ okpetu so ovwan ke hwe ovwan; ivun rẹ ovwan ko che miovwo ẹgborho ejobi fiki rẹ odẹ mẹ. 10Ihwo buebu ki che she, ohwohwo ko che mu ohwohwo; ivun che di mu ihwo miovwẹ. 11Emraro rẹ efian buebu cha rhe, ayen mi rhi sun ihwo buebu ghwru. 12Fiki rẹ imwemwu buebu re cha rhe akpọ na, ẹguọnọ rẹ ihwo buebu ki che djiro. 13Ẹkẹvuọvo ihwo ri se chirako te oba, kẹ eye re cha rhọ. 14Ka cha ta ota rẹ iyẹnrẹ esiri na wan akpọ na ejobi, rere ọ vwọ dia iseri kẹ ẹgborho na ejobi; tavwe rẹ oba na ki rhi te.
Ukpokpogho Rode na
(Mak 13.14-23; Luk 21.20-24)
15Ọke rẹ ovwan da rhe mrẹ ukpokpogho rẹ ẹgua, ra tare vwẹ ọbe ri Daniẹl ọmraro na, ro mudia vwẹ asan ọfuanfon na (e jẹn ohwo ro se riẹn otọ rọye), 16E gbe jẹn ihwo ri Judia djẹ kpo enu rẹ igbenu. 17E jẹn ohwo rọ hẹ enu rẹ uwevwi wotọ cha reyọ emu ọvuọvo nẹ uwevwi na-a. 18E jẹn ohwo rọ hẹ obo aghwa cha reyọ ewun rọye-e. 19Ẹkẹvuọvo o miovwi kẹ eya vẹ evun kugbe e re vwẹ ivie kẹ emọ vwẹ ẹdẹ yena. 20Gba nẹ ẹrhovwo rere ọke rẹ ugbonẹ wẹn vwo je shehọ ọke rẹ ohwahwa, eyẹ ẹdidjala. 21Ọke yena ukpokpogho rode kọ cha phia, ra je mrẹ oghẹre rọye dẹvo-o, eyẹ ọfa ro rho te oghẹre ọtiọna gbe sa phia bẹdẹ-ẹ. 22Jokpa nẹ ke ru ẹdẹ na krẹ, o se vwo ohwo ọvuọvo rọ cha rhọ-ọ; ẹkẹvuọvo vwi fiki rẹ ihwo ra sanọre na, ke ru ẹdẹ na krẹ. 23Ọke yena ọ da dianẹ ohwo ta kẹ wẹ nẹ, No, Kristi hẹ etinẹ eyẹ ọ hẹ etiyin; wo segbuyota. 24Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen. 25Nighere me ta kẹ ovwan jovwo tavwe rẹ ọke na ki rhi te. 26Ọ da dianẹ ayen ta kẹ ovwan nẹ, Nighe, ọ hẹ evun rẹ aghwa; wọ ra-a, Nighe, ọ hẹ evun rẹ uvun, wo segbuyota-a. 27Kidie kirobo rẹ enu nyavwaro vwẹ obaro ọnre rẹ ihwo rẹ obuko ọnre da vwọ mrẹ orẹ na, ọtiọye ẹcha rẹ ọmọ rẹ ohwo cha dia. 28Asan rẹ irivwi epha etiyin ekala de koko.
Echa rẹ Ọmọ rẹ Ohwo
(Mak 13.24-27; Luk 21.25-28)
29Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho; 30Kẹsiẹye oka rẹ ẹcha rẹ ọmọ rẹ ohwo ke cha phia vwẹ obo odjuvwu, uvie rẹ akpọ na ejobi ki che muomahọ, kẹ ayen cha mrẹ ọmọ rẹ ohwo rọ cha vwẹ ikoro rẹ obo odjuvwu vẹ urinrin rode. 31Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.
Uyono rẹ Urhe rẹ Owe na
(Mak 13.28-31; Luk 21.29-33)
32Ovwan gba karohọ itẹ rẹ owe na; ọke rọ da ghwẹ ẹbe phihọ, rẹ eghọn rọye da hẹ ọboba, gba ghwa riẹn nẹ evwru rhire. 33Eriyin ọ dia, ọke rẹ ovwan da mrẹ emu nana ejobi re cha phia, wa gba ghwa riẹn nẹ ọke na te nure, nighe o te anurhoro nure. 34Uyota me ta kẹ ovwan, uvwiẹ nana ejobi cha sa wan tavwe, re imu nana ke rhe phia-a. 35Odjuvwu vẹ akpọ cha wan, ẹkẹvuọvo ota mẹ se she fia-a.
Ohwo Ovuọvo Riẹn Ẹdẹ na ẹyẹ Ọke na-a
(Mak 13.32-37; Luk 17.26-30, 34-36)
36Ẹkẹvuọvo ọke na eyẹ ẹdẹ na ohwo ọvuọvo sa riẹ-ẹn, emakashe rẹ obo odjuvwu sa riẹ-ẹn, ekpuyovwi rẹ Ọmọ rẹ ohwo je sa riẹn dede-e, jokpa rẹ Ọsẹ na ọvo. 37Kirobo rọ epha vwẹ ọke ri Noa, eriyin ẹcha rẹ Ọmọ rẹ ohwo je cha dia. 38Obo rọ epha tavwe rẹ oghwe na ki rhi ku eriyin ọ je dia; ayen rọ ria ayen rọ da, ayen rọvwọ eya ayen ji vwo bregọ, rhiri rhi te ọke ri Noa rhe vwọ ro okọ na. 39Ayen gbe riẹn ọke rẹ oghwe na rhi vwo ku-u, ayen de divwi ghwu vwẹ evun rẹ oghwe na; eriyin ẹcha rẹ Ọmọ rẹ ohwo na cha dia. 40Ọke yena eshare ivẹ che ru iruo vwẹ evun rẹ udju, a me reyọ ọvo e mi gbobọnyẹ ọvo. 41Eya ivẹ che wuye vwẹ asan ọvo, a cha reyọ ọvo re de jẹ ọvo vwo. 42Gba rhẹrẹ; kidie wọ cha riẹn ẹdẹ rẹ Ọrovwohwo cha vwọ rhe-e. 43Ẹkẹvuọvo gba riẹn onana nẹ, ohwo ro vwo uwevwi da riẹn ọke rẹ iji cha vwọ rhe, kọ rhẹrẹ hrọke, ọ gbe sa fọ nẹ iji tọn uwevwi rọye fi-i. 44Fiki rẹ eriyin na we muegbe: kidie ọke wo roro phihọ-ọ, ọye Ọmọ rẹ ohwo cha vwọ rhe.
Odibo rẹ Esiri eyẹ Ọ ro Miomiovwi
(Luk 12.41-48)
45Ono hẹ omamọ rẹ odibo esiri na, rẹ ẹsiẹ rẹ ọrovworo da rhe o de vwo mu olori rẹ uwevwi rọye, rọ da vwẹ emu kẹ ayen re vwẹ ọke yena? 46Ebruba kẹ odibo yena ra vware vwẹ ẹdia ọtiọye. 47Uyota me ta kẹ wẹ, kọ dia olori vwẹ enu rẹ emu ro vwori ejobi. 48Ẹkẹvuọvo odibo na da rha ta vwẹ udu rọye nẹ, Ọrovwovwe cha fobọ rhe-e. 49O mie hwe idibo ri chekọ, o mia ria, ọ mia da, idi mie muo; 50Ọrovworo cha rhe kpregede, vwẹ ọke ro roro phihọ-ọ, ọ me rhe ruọ ọrhan, 51kọ nyavwọ ibribro, ke muo phihọ uwodi, kẹ etiyin o de beroma ọ da reako.
നിലവിൽ തിരഞ്ഞെടുത്തിരിക്കുന്നു:
Matiu 24: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.
Matiu 24
24
Jesu ta Ota kpahe Eguọghọ rẹ uwevwi rẹ ẹga na
(Mak 13.1-2; Luk 21.5-6)
1Jesu de vrẹn nẹ evun rẹ uwevwi rẹ ẹga na, kọ yanran vwẹ evun rẹ idjerhe; idibo rọye de bro rhe re vwẹ uwevwi rẹ ẹga na vwọ nẹ. 2Ẹkẹvuọvo ọ da kpahe ọ da ta kẹ ayen nẹ, Ovwan mrẹ ekuakua nana? uyota me ta kẹ ovwan, Oragha ọvuọvo che mudia vwẹ enu rẹ ohwohwo, re je kporo she-e.
Ẹtuọhọ rẹ Ọja na
(Mak 13.3-13; Luk 21.7-19)
3Ọke ro vwo tidia vwẹ enu rẹ ugbenu rẹ Oliv, idibo rọye da bẹbẹ bro rhe nẹ, ta kẹ avwanre, ọkevọ emu nana cha vwọ phia? eyẹ kọrhọ re cha dia oka rẹ ẹcha rẹ ọmọ rẹ ohwo, kugbe oba rẹ akpọ na? 4Jesu da kpahe ọ da ta kẹ ayen nẹ, Wa jomaotọ rere ohwo vwo jẹ ovwan esuo ghwro. 5Kidie ihwo buebu cha rhe vwẹ odẹ mẹ nẹ, Mẹvwẹ hẹ Kristi na; o mi rhi sun ihwo buebu ghwru. 6We che nyo umri rẹ ofovwi kugbe edo rẹ ofovwi. We jẹn udu bru ovwa-an, kidie enana ejobi cha wan vrẹn; ẹkẹvuọvo je oba na ji te-e. 7Kidie ẹgborho cha vwọ so ẹgborho, uvie cha vwọ so uvie, owẹvwe che fi, otọ che kpogho vwẹ asan buebu. 8Ẹkẹvuọvo enana ejobi ke cha dia ẹtuọhọ rẹ oja. 9Ka cha vwẹ okpetu so ovwan ke hwe ovwan; ivun rẹ ovwan ko che miovwo ẹgborho ejobi fiki rẹ odẹ mẹ. 10Ihwo buebu ki che she, ohwohwo ko che mu ohwohwo; ivun che di mu ihwo miovwẹ. 11Emraro rẹ efian buebu cha rhe, ayen mi rhi sun ihwo buebu ghwru. 12Fiki rẹ imwemwu buebu re cha rhe akpọ na, ẹguọnọ rẹ ihwo buebu ki che djiro. 13Ẹkẹvuọvo ihwo ri se chirako te oba, kẹ eye re cha rhọ. 14Ka cha ta ota rẹ iyẹnrẹ esiri na wan akpọ na ejobi, rere ọ vwọ dia iseri kẹ ẹgborho na ejobi; tavwe rẹ oba na ki rhi te.
Ukpokpogho Rode na
(Mak 13.14-23; Luk 21.20-24)
15Ọke rẹ ovwan da rhe mrẹ ukpokpogho rẹ ẹgua, ra tare vwẹ ọbe ri Daniẹl ọmraro na, ro mudia vwẹ asan ọfuanfon na (e jẹn ohwo ro se riẹn otọ rọye), 16E gbe jẹn ihwo ri Judia djẹ kpo enu rẹ igbenu. 17E jẹn ohwo rọ hẹ enu rẹ uwevwi wotọ cha reyọ emu ọvuọvo nẹ uwevwi na-a. 18E jẹn ohwo rọ hẹ obo aghwa cha reyọ ewun rọye-e. 19Ẹkẹvuọvo o miovwi kẹ eya vẹ evun kugbe e re vwẹ ivie kẹ emọ vwẹ ẹdẹ yena. 20Gba nẹ ẹrhovwo rere ọke rẹ ugbonẹ wẹn vwo je shehọ ọke rẹ ohwahwa, eyẹ ẹdidjala. 21Ọke yena ukpokpogho rode kọ cha phia, ra je mrẹ oghẹre rọye dẹvo-o, eyẹ ọfa ro rho te oghẹre ọtiọna gbe sa phia bẹdẹ-ẹ. 22Jokpa nẹ ke ru ẹdẹ na krẹ, o se vwo ohwo ọvuọvo rọ cha rhọ-ọ; ẹkẹvuọvo vwi fiki rẹ ihwo ra sanọre na, ke ru ẹdẹ na krẹ. 23Ọke yena ọ da dianẹ ohwo ta kẹ wẹ nẹ, No, Kristi hẹ etinẹ eyẹ ọ hẹ etiyin; wo segbuyota. 24Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen. 25Nighere me ta kẹ ovwan jovwo tavwe rẹ ọke na ki rhi te. 26Ọ da dianẹ ayen ta kẹ ovwan nẹ, Nighe, ọ hẹ evun rẹ aghwa; wọ ra-a, Nighe, ọ hẹ evun rẹ uvun, wo segbuyota-a. 27Kidie kirobo rẹ enu nyavwaro vwẹ obaro ọnre rẹ ihwo rẹ obuko ọnre da vwọ mrẹ orẹ na, ọtiọye ẹcha rẹ ọmọ rẹ ohwo cha dia. 28Asan rẹ irivwi epha etiyin ekala de koko.
Echa rẹ Ọmọ rẹ Ohwo
(Mak 13.24-27; Luk 21.25-28)
29Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho; 30Kẹsiẹye oka rẹ ẹcha rẹ ọmọ rẹ ohwo ke cha phia vwẹ obo odjuvwu, uvie rẹ akpọ na ejobi ki che muomahọ, kẹ ayen cha mrẹ ọmọ rẹ ohwo rọ cha vwẹ ikoro rẹ obo odjuvwu vẹ urinrin rode. 31Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.
Uyono rẹ Urhe rẹ Owe na
(Mak 13.28-31; Luk 21.29-33)
32Ovwan gba karohọ itẹ rẹ owe na; ọke rọ da ghwẹ ẹbe phihọ, rẹ eghọn rọye da hẹ ọboba, gba ghwa riẹn nẹ evwru rhire. 33Eriyin ọ dia, ọke rẹ ovwan da mrẹ emu nana ejobi re cha phia, wa gba ghwa riẹn nẹ ọke na te nure, nighe o te anurhoro nure. 34Uyota me ta kẹ ovwan, uvwiẹ nana ejobi cha sa wan tavwe, re imu nana ke rhe phia-a. 35Odjuvwu vẹ akpọ cha wan, ẹkẹvuọvo ota mẹ se she fia-a.
Ohwo Ovuọvo Riẹn Ẹdẹ na ẹyẹ Ọke na-a
(Mak 13.32-37; Luk 17.26-30, 34-36)
36Ẹkẹvuọvo ọke na eyẹ ẹdẹ na ohwo ọvuọvo sa riẹ-ẹn, emakashe rẹ obo odjuvwu sa riẹ-ẹn, ekpuyovwi rẹ Ọmọ rẹ ohwo je sa riẹn dede-e, jokpa rẹ Ọsẹ na ọvo. 37Kirobo rọ epha vwẹ ọke ri Noa, eriyin ẹcha rẹ Ọmọ rẹ ohwo je cha dia. 38Obo rọ epha tavwe rẹ oghwe na ki rhi ku eriyin ọ je dia; ayen rọ ria ayen rọ da, ayen rọvwọ eya ayen ji vwo bregọ, rhiri rhi te ọke ri Noa rhe vwọ ro okọ na. 39Ayen gbe riẹn ọke rẹ oghwe na rhi vwo ku-u, ayen de divwi ghwu vwẹ evun rẹ oghwe na; eriyin ẹcha rẹ Ọmọ rẹ ohwo na cha dia. 40Ọke yena eshare ivẹ che ru iruo vwẹ evun rẹ udju, a me reyọ ọvo e mi gbobọnyẹ ọvo. 41Eya ivẹ che wuye vwẹ asan ọvo, a cha reyọ ọvo re de jẹ ọvo vwo. 42Gba rhẹrẹ; kidie wọ cha riẹn ẹdẹ rẹ Ọrovwohwo cha vwọ rhe-e. 43Ẹkẹvuọvo gba riẹn onana nẹ, ohwo ro vwo uwevwi da riẹn ọke rẹ iji cha vwọ rhe, kọ rhẹrẹ hrọke, ọ gbe sa fọ nẹ iji tọn uwevwi rọye fi-i. 44Fiki rẹ eriyin na we muegbe: kidie ọke wo roro phihọ-ọ, ọye Ọmọ rẹ ohwo cha vwọ rhe.
Odibo rẹ Esiri eyẹ Ọ ro Miomiovwi
(Luk 12.41-48)
45Ono hẹ omamọ rẹ odibo esiri na, rẹ ẹsiẹ rẹ ọrovworo da rhe o de vwo mu olori rẹ uwevwi rọye, rọ da vwẹ emu kẹ ayen re vwẹ ọke yena? 46Ebruba kẹ odibo yena ra vware vwẹ ẹdia ọtiọye. 47Uyota me ta kẹ wẹ, kọ dia olori vwẹ enu rẹ emu ro vwori ejobi. 48Ẹkẹvuọvo odibo na da rha ta vwẹ udu rọye nẹ, Ọrovwovwe cha fobọ rhe-e. 49O mie hwe idibo ri chekọ, o mia ria, ọ mia da, idi mie muo; 50Ọrovworo cha rhe kpregede, vwẹ ọke ro roro phihọ-ọ, ọ me rhe ruọ ọrhan, 51kọ nyavwọ ibribro, ke muo phihọ uwodi, kẹ etiyin o de beroma ọ da reako.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.