Matiu 11
11
Ikọn ri nẹ obo ri Jọn ri Baptist rhe
(Luk 7.18-35)
1Rẹ oke rhi vwo te, ri Jesu vwọ ta eta kẹ ihwivẹ na nu, ọ da yanran kpo evun rẹ irere na re yono ihwo.
2Ọke ri Jọn vwo nyo usi rẹ iruo ri Kristi vwẹ uwodi, o de ji idibo rọye ra nọ. 3Ọ da ta kẹ nẹ, Wẹ ọ ro cha na, gbinẹ ohwo ọfa? 4Jesu da kpahe kẹ ayen ọ da ta, Yanran re ovwan ra vuẹ Jọn emu rẹ ovwan mrẹre kugbe ọ rẹ ovwan nyori; 5orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere. 6Ebruba kẹ ohwo rọ mrẹ emu rẹ ogbeku vwẹ obọ mẹ-ẹ. 7Rọ ayen vwọ yanran re, Jesu ko gbe ikun kẹ ihwo re hẹ etiyin na vwọ kpahe Jọn, Die ovwan yanran kpo aghwa rẹ ni vwo? eyareya rẹ odju kpogho? 8Ẹkẹvuọvo kidie ovwan tobọ re ni vwọ? Ohwo rọ vwẹ emwa elọlọhọ rhuo? Nighe ihwo ri rhuo emwa elọlọhọ e hẹ obo egodo rẹ ovie. 9Ẹkẹvuọvo kidie ovwan tobọ re ni? emraro? E, Me ta kẹ ovwan nẹ, ọ rọ rho nẹ ọmraro. 10Ọnana hẹ ohwo na, re siro kpahe nẹ,
Nighe mi ji ikọn mẹ ka obaro kẹ wẹ,
Ọ rọ rhuẹrẹ idjerhe wẹn.
11Uyota me ta kẹ ovwan, Ihwo rẹ eya vwiẹri na, o ji vwo ọ rọ rhoro te Jọn ri Baptist na-a, ẹkẹvuọvo ọ rọ ma hanvwe vwẹ uvie rẹ odjuvwu rho nọ. 12Nẹ ọke ri Jọn rhe rhi te ọke nana ọye uvie rẹ odjuvwu vwọ hẹ ukpokpogho, ihwo ogbarogba vwọ vwẹ ẹgba reyọ. 13Kidie irhi na kugbe emraro na herọ rhi te ọke ri Jọn. 14Ovwan da sa reyọ, kẹ ọ na Ilaija rọ rhoma cha na. 15Ọ ro vwo erhọn ro vwo nyo ẹme e jo nyo. 16Ẹkẹvuọvo kidie me vwẹ orua nana dje? E họhọ imitete ri tidia vwẹ afieki, ri kudje se irivẹ rayen; 17ayen me ta nẹ, mi hworo owanre kẹ ovwan yu we se gbe eha-a, avwanre viẹre we se muomahọ-ọ; 18Kidie Jọn ri Baptist rhere, ọ re emuọvo-o, ọ da emuọvo-o, yẹ ovwan tare nẹ, o vwo idẹbono. 19Ọmọ rẹ ohwo rhere ọ da ọ ria, ovwan da ta nẹ, Nighe oruimwemwu, ọgbọre, ọgbaudi, ugbeyan rẹ imiarhọghọ kugbe iruimwemwu yẹ iruo rọye vọnre vẹ aghwanre.
Ẹkan hẹ Irere ri Kurhẹriẹ-ẹ
(Luk 10.13-15)
20Kọ harha irere ro de ru iruo ride rẹ igbunu na, fikiridie ayen se kurhẹriẹ-ẹ. 21Iraghwo korazini Iraghwo Betsaida kidie e ru iruo ride nana vwi Taya vi Sidọn, re ruru vwẹ evun rẹ ovwan na, mane ayen kurhẹriẹ rhabae, rẹ ayen de bru oma vwọ iwurhie. 22Ẹkẹvuọvo me ta kẹ ovwan nẹ, o yovwi kẹ Taya vẹ Sidọn vwẹ ẹdẹ rẹ edjọeguo vwọ nọ wẹ. 23We ri Kepanọm ro kpenu? ka cha guọghọ owẹ te otọ; kidie iruo ride re ruru vwẹ evun wẹ na, ke ru ayen vwi Taya vẹ Sidọn, yẹ ayen mudia rhi te ọke na. 24Me ta kẹ ovwan nẹ, o yovwi kẹ Sidọn vwẹ ẹdẹ ẹdjọeguo vwọ nọ wẹ.
Bru vwe rhe ri Rovwo oma
(Luk 10.21-22)
25Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba. 26Eriyin, Ọsẹ, kidie ọye obo ru wọ guọnọre. 27Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ. 28Bru vwe rhe ihwo rẹ owian kugbe oghwa bẹn, Me kẹ ovwan ufuoma. 29Mu urhekpe mẹ ghwa re wo yono uruemu mẹ; kidie me pha vworovworo fuefu vwẹ udu mẹ, kẹ wo mrẹ ufuoma vwọ kẹ erhi wẹn. 30Kidie urhekpe mẹ pha frae, oghwa mẹ ọ phapharhe.
നിലവിൽ തിരഞ്ഞെടുത്തിരിക്കുന്നു:
Matiu 11: UBV77
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Bible in Urhobo © United Bible Societies, 1977.
