Devidi-Anume 91
91
Tamụnọ Anie Wa Gbaịn-arị ḅọ
1Ḅẹḅọ-ḅẹḅọ tẹ ye mḅọ lama gotẹ KỊNỊNYANAḄỌ ḅẹ ḍọkụma-muarị ḅọ mẹ,
ḅẹḅọ-ḅẹḅọ tẹ Kụrọ mamgba Nyanaḅọ ḅe gbaịn wararị ḅọ mẹ,
2inetẹ ọ̀ ḅẹ ḅa,
“Ị́yẹrị ị̀ gbaịn tẹ ị̀ ḅọrọmarịḅọ.
Ị́yẹrị ị̀ Tamụnọ; arị ị́ kẹ ḅiokpọmarị.”
3Tọrụ ẹrị-a si-aị ḅụ ori ì koko
kpaịnma ḅa pịkị kịnị-ḅaaḅa obi ma ḅụ sọ.
4Ori amịna apamba kẹ ị́ gbaịn ḅa;
ori í ḍikiḍikiarị ogbo ị́ la ḅẹ ye ofori;
ḅioḅẹngbọ kẹ ọ̀ ḅụụ ḅụ gbana na-iḅim mẹ ị́ gbaịn tẹ ị́ ḅọrọma ḅa.
5Ị́ gbọrụ siye sọ gotẹ ḅalafa na-iḅi-a
ḍin ḅụ anịanịa bẹkẹ owu kẹ
ị́ paka ḅẹ aị eneḅaka ḅụ,
6anịanịa kanakana ḅio kịnị la-la obi,
anịanịa eneḅaka ḅụ kịnị-ḅaaḅa si-aị.
7Ẹbịsịya kịnị maa ẹndẹ oyia asi finji ị́ akaka fịị sara ḅa,
kịnị apuku sọnọ ẹndẹ finji sọ ị́ ikelema-koro ḅụ fịị ḅa,
kụma ị́ la ḅẹ ye ofori.
8Ị́ tọrụngbọ kẹ ẹrị ḅa Tamụnọ kẹ si-sịḅịḅio-sụapụ ma fomu-fomu ḅara.
9Ị́ KỊNỊNYANAḄỌ ḅe kẹ ị́ ḍụaḅọ sọma tẹ,
Gele Tẹịnḅọ ḅe anie ị́ gbaịn-arị ḅọ,
10anie ḅụ gbọrụ siye sọ ị́ ḅụ paka ḅịa
kụrọ, kụrọ amịẹaị sọ ị́ sime-yọ kpeki ḅịa.
11 #
Mat 4.6; Luk 4.10 Tamụnọ ị́ kẹ ori enjẹlị apụ ḅara sụa
tẹ í muarị anga, muarị anga ini ị́ gbaịn ḅa.
12 #
Mat 4.6; Luk 4.11 Ini ịna aḅara kẹ ị́ ọlọ saakị-gelema ḅa
tẹ ḍụkụ tẹ ị́ aḅụọ ḍụḅarị bịan tẹ kọsị ḅịa.
13 #
Luk 10.19
Ị́ nambulo amẹẹ na, ododo amẹẹ na nanga kiri pịrị ḅa,
owi lamarị ọkụkụ ma na si ododo amẹẹ na sọ.
14Tamụnọ ḍukoarị, “Àrị ị̀ ḅẹlẹmarịapụ ma ḅọrọma
tẹ yẹrị KỊNỊNYANAḄỌ ḅe nimi apụ ma gbaịn ḅa.
15Ịn ḅarasụa gotẹ ị̀ sịn sakị àrị ịna ḅịḅị ọkị ḅa,
ịn ḅụụ-fụka ḅio sọ sakị, àrị ini na sime ḅa.
Àrị ịn pụkọ-pakamaḅo tẹ ịn kẹ kụn nyana kiri ḅụ wẹrị ḅa.
16À nangwọ ḍumo kẹ ịn pịrị ḅẹ;
arị ịn ḅọrọma ḅa.”
(C) The Bible Society of Nigeria