Devidi-Anume 87
87
Jeruselemu Tokini Nume
1KỊNỊNYANAḄỌ ḅe ori opu ama mẹ kẹ fịafịa tụndụ mẹ ọgọnọ namam.
2Ò Jeruselemu mẹ ḅẹlẹma
Izirẹlị ḅẹ jen ama goyegoye nẹngịm.
3Tamụnọ opu ama, ị́ ḅụụ ò ḍukoarị
ḅụụ-buama-aị ma pokii:
4“Àrị Ijiputi na Babịlonịya na kẹ
sụa ḅa arị ị̀ ḅịḅị pokiarị asịẹ ma gotẹ arị sakị;
Jeruselemu mẹ angarị
apụ ma ogboku à Filisiteni na, Taya na, Sudanị na ḅẹ apụ
kẹ sụa kịẹn ḅa.”
5Zayọnị gbolomaye ḅụ ịn ḅẹẹ ḅa
mịnẹ sịẹ-sịẹ mamgba anị ḅẹ apụ sọ ḅa,
tẹ Kụrọ mamgba Nyanaḅọ ḅe anị mịẹ kụrọma ḅa.
6KỊNỊNYANAḄỌ ḅe tomikiri ḅẹ atomi
mamgba kẹ ḍiri kẹ ḅa tẹ
inimgba kẹ Jeruselemu
ḅẹ apụ ḅụ sụa ḅa.
7Ịn sẹkịarị pịkị nume-suarị,
“Zayọnị ḅụ mie wamịna aboma mamgba sime tẹ saakị paka-ḅoarị.”
(C) The Bible Society of Nigeria