ᓇᒼᐸᕒᐢ 10
10
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁ ᐃᑌᐧᐟ, 2ᐅᓯᐦᑖ ᓂᓱ ᐱᐱᑲᐧᓇ ᐊᐧᐱᐢᑭᓱᓂᔮᐤ ᐅᐦᒋ; ᐁ ᒧᐦᒋ ᐊᔨᑕᑕᐊᐧᐟ ᑭ ᑲ ᐃᓯ ᐅᓯᐦᑖᐣ; ᑭᑕ ᐋᐸᒋᐦᑖᔭᐣ ᐁ ᓇᑐᒪᒋᐠ ᑳ ᒫᒪᐁᐧᔭᑎᒋᐠ, ᒥᓇ ᑭᑕ ᓯᐯᐧᐱᒋᒋᐠ ᑲᐯᓯᐃᐧᓂᕽ ᐅᐦᒋ. 3ᐃᐢᐱ ᒫᑲ ᐳᑖᑕᑳᐧᐃᐧ, ᑲᐦᑭᔭᐤ ᑳ ᒫᒪᐁᐧᔭᑎᒋᐠ ᑭᑕ ᒫᐊᐧᒋᐦᐃᑐᐊᐧᐠ ᐃᑕ ᐁ ᐊᔮᔭᐣ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ. 4ᑭᐢᐱᐣ ᒫᑲ ᐱᑯ ᐯᔭᐠ ᐳᑖᑕᑳᐧᐃᐧ, ᐁᑲᐧ ᐅᑭᒫᐊᐧᐠ ᐊᓂᑭ ᐁ ᑲᑭᐦᒋᒥᑖᐦᑐᒥᑕᓇᐁᐧᒋᐠ ᐃᐢᕒᐁᐃᓬ ᑭᑕ ᒫᐊᐧᒋᐦᐃᑐᐊᐧᐠ ᐃᑕ ᐁ ᐊᔮᔭᐣ. 5ᑭᐢᐱᐣ ᒫᑲ ᑯᐢᑯᒥᐁᐧᐃᐧᐣ ᐳᑖᑕᒣᑯ, ᐊᓂᑭ ᑳ ᑲᐯᓯᒋᐠ ᐋᐧᐸᓄᑖᕽ ᐃᑌᑯ ᑭᑕ ᓯᐯᐧᐱᒋᐊᐧᐠ. 6ᐃᐢᐱ ᒫᑲ ᑭᐦᑖᐧᒼ ᑯᐢᑯᒥᐁᐧᐃᐧᐣ ᐳᑖᑕᒣᑯ, ᐊᓂᑭ ᓴᐊᐧᓄᑖᕽ ᐃᑌᐦᑫ ᑳ ᑲᐯᓯᒋᐠ ᑭᑕ ᓯᐯᐧᐱᒋᐊᐧᐠ; ᑯᐢᑯᒥᐁᐧᐃᐧᐣ ᑭᑕ ᑭᑐᑖᐊᐧᐠ ᑭᑕ ᓯᐯᐧᐱᒋᔨᐟ. 7ᐋᐧ ᒫᐊᐧᒋᐦᐃᑐᑖᐧᐃᐧ ᑳ ᒫᒪᐁᐧᔭᑎᒋᐠ, ᑭ ᑲ ᐳᑖᑌᓈᐋᐧᐤ ᒫᑲ ᓇᒪᐃᐧᔭ ᑯᐢᑯᒥᐁᐧᐃᐧᐣ ᑭ ᑲ ᑭᑐᑖᓈᐋᐧᐤ. 8ᐁᑯᓯ ᐅᑯᓯᓴ ᐁᕒᐊᐣ, ᐊᔭᒥᐁᐃᐧᔨᓂᐊᐧᐠ, ᑭᑕ ᐳᑖᑕᒪᐧᐠ ᐱᐱᑲᐧᓇ; ᐁᑯᓯ ᐁᐊᐧᑯ ᑭ ᑲ ᐅᐟ ᐃᓯᐦᒋᑫᐃᐧᓂᓈᐋᐧᐤ ᑳᑭᑫ ᐃᔨᑯᕽ ᑫ ᐋᔮᓂᐢᑫ ᐱᒫᑎᓯᔦᐠ. 9ᑭᐢᐱᐣ ᒫᑲ ᓇᑐᐸᔨᐢᑕᐊᐧᔦᑳᐧᐁᐧ ᑭᐟ ᐊᐢᑭᐋᐧᕽ ᑭ ᓄᑎᓈᑲᓂᐋᐧᐊᐧᐠ ᐁ ᑯᑕᑭᐦᐃᑯᔦᑯᐠ, ᐁᑲᐧ ᑯᐢᑯᒥᐁᐧᐃᐧᐣ ᑭ ᑲ ᑭᑐᑖᓈᐋᐧᐤ ᐱᐱᑲᐧᓇ ᐅᐦᒋ; ᑭ ᑲ ᑭᐢᑭᓯᑐᑖᑲᐃᐧᓈᐋᐧᐤ ᒫᑲ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑭ ᑲ ᒥᑖᑫᐧᓇᒫᑲᐃᐧᓈᐋᐧᐤ ᒫᑲ ᑭ ᓄᑎᓈᑲᓂᐋᐧᐊᐧᐠ. 10ᒥᓇ ᒫᑲ ᐊᓂᒪ ᐁ ᑭᓯᑳᐠ ᒥᔭᐋᐧᑕᒣᑯ, ᒥᓇ ᑭ ᑭᐦᒋᑭᓯᑳᒥᐋᐧᐊᐧ, ᒥᓇ ᐁ ᒫᑕᑭᒥᐦᒋᐠ ᑭ ᐱᓯᒧᒥᐋᐧᐊᐧᐠ, ᑭ ᑲ ᐳᑖᑌᓈᐋᐧᐤ ᑭ ᐱᐱᑲᐧᓂᐋᐧᐊᐧ ᒣᑳᐧᐨ ᑭ ᒪᒍᐢᑌᐦᐊᒫᑫᐃᐧᓂᐋᐧᐊᐧ, ᒥᓇ ᒣᑳᐧᐨ ᐁ ᐸᑭᑎᓇᒣᐠ ᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓂᐋᐧᐊᐧ; ᑭᑕ ᐅᐦᒋ ᑭᐢᑭᓯᑐᑖᑲᐃᐧᔦᐠ ᐅᐦᑎᐢᑲᐤ ᑭ ᑭᓭᒪᓂᑐᒥᐋᐧᐤ; ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐧᐤ.
11ᑭ ᐊᔨᑭᐣ ᒫᑲ ᐁ ᐊᑎ ᓂᓱ ᐊᐢᑭᐊᐧᕽ; ᐁ ᐊᑎ ᓂᓱ ᐱᓯᒧᐋᐧᕽ, ᓂᓯᑕᓇᐤ ᐁ ᐃᑕᑭᒥᐦᐟ ᐁᐊᐧᑯ ᐱᓯᒼ, ᐊᓂᒪ ᐊᐧᐢᑯ ᑭ ᐅᑎᓂᑳᑌᐤ ᑭᐢᑫᔨᑕᒧᐦᐃᐁᐧᐃᐧᓂ ᒥᑭᐋᐧᐱᕽ ᐅᐦᒋ. 12ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᓴᐃᓇᐩ ᐱᑲᐧᑕᐢᑭᕽ ᑭ ᐅᐦᒋ ᓯᐯᐧᐱᒋᐊᐧᐠ; ᐊᓂᒪ ᒫᑲ ᐊᐧᐢᑯ ᑭ ᑭᐱᒋᒪᑲᐣ ᐯᕒᐋᐣ ᐱᑲᐧᑕᐢᑭᕽ. 13ᐁᑯᓯ ᓂᐢᑕᒼ ᑭ ᓯᐯᐧᐱᒋᐊᐧᐠ ᐁ ᐃᑕᐢᑌᔨᐠ ᐅᐟ ᐃᑕᓱᐁᐧᐃᐧᐣ ᑳ ᑎᐯᔨᐦᒋᑫᐟ ᒧᓯᓴ ᐅᐦᒋ.
14ᓂᑳᐣ ᒫᑲ ᑭ ᓯᐯᐧᑌᒪᑲᐣ ᑭᐢᑭᐁᐧᐅᐣ ᐅ ᑲᐯᓯᐃᐧᓂᐋᐧᕽ ᒍᑕ ᐅᐟ ᐊᐋᐧᓯᒥᓴ ᐁ ᐊᑎ ᒪᒥᓀᔭᑎᒋᐠ; ᐊᓇ ᒫᑲ ᑳ ᑎᐯᔨᒫᐟ ᐁ ᒫᒪᐁᐧᔭᑎᒋᐠ ᐁᐊᐧᑯ ᓀᓴᐣ ᐅᑯᓯᓴ ᐊᒥᓇᑖᑊ. 15ᐁᑯᓯ ᐊᓇ ᑳ ᑎᐯᔨᒫᐟ ᐁ ᐱᐢᑭᑐᑌᐃᐧᓯᔨᐟ ᐃᓵᑲᕒ ᐅᐟ ᐊᐋᐧᓯᒥᓴ ᐁᐊᐧᑯ ᓀᐦᑕᓀᓬ ᐅᑯᓯᓴ ᓱᐋᕒ. 16ᐁᑯᓯ ᐊᓇ ᑳ ᑎᐯᔨᒫᐟ ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᓭᑊᔪᓬᐊᐣ ᐁᐊᐧᑯ ᐃᓬᐃᔮᑊ ᐅᑯᓯᓴ ᐦᐃᓬᐊᐣ. 17ᒥᑭᐋᐧᑊ ᒫᑲ ᑭ ᓂᑎᓂᑳᑌᐤ; ᐁᑯᓯ ᐅᑯᓯᓴ ᑲᕒᓴᐣ ᒥᓇ ᐅᑯᓯᓴ ᒣᕒᐊᕒᐊᐩ ᑳ ᐱᒥᐃᐧᑖᒋᐠ ᒥᑭᐋᐧᑊ ᑭ ᓯᐯᐧᑌᐊᐧᐠ.
18ᐁᑲᐧ ᒫᑲ ᑭ ᓯᐯᐧᑌᒪᑲᐣ ᑭᐢᑭᐁᐧᐅᐣ ᐅ ᑲᐯᓯᐃᐧᓂᕽ ᕒᐅᐱᐣ ᐁ ᐊᑎ ᒪᒥᓀᔭᑎᒋᐠ; ᐊᓇ ᒫᑲ ᑳ ᑎᐯᔨᒫᐟ ᐁ ᒫᒪᐁᐧᔭᑎᔨᐟ ᐁᐊᐧᑯ ᐃᓬᐊᐃᓴᕒ ᐅᑯᓯᓴ ᓯᑎᔭᕒ. 19ᐊᓇ ᒫᑲ ᑳ ᑎᐯᔨᒫᐟ ᐁ ᒫᒪᐁᐧᔭᑎᔨᐟ ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᓯᒥᔭᐣ ᐁᐊᐧᑯ ᓭᓬᔪᒫᔨᓬ ᐅᑯᓯᓴ ᓱᕒᐃᓵᑕᐩ. 20ᐊᓇ ᒫᑲ ᑳ ᑎᐯᔨᒫᐟ ᐁ ᒫᒪᐁᐧᔭᑎᔨᐟ ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᑳᐟ ᐁᐊᐧᑯ ᐃᓬᐋᔭᓵᑊ ᐅᑯᓯᓴ ᑐᐃᓬ. 21ᐊᓂᑭ ᒫᑲ ᑳᐦᐋᑕᐃᑕᐠ ᑭ ᓯᐯᐧᑌᐊᐧᐠ ᐁ ᐱᒥᐃᐧᑖᒋᐠ ᑲᓈᒋᑲᒥᑯᕽ ᑳ ᐊᔮᔨᐠ; ᐁᑯᓯ ᐊᓂᐦᐃ ᑯᑕᑲ ᑭ ᐃᐢᐱᒋ ᐅᔭᐢᑭᑖᔨᐊᐧ ᒥᑭᐊᐧᑊ ᒪᐧᔦᐢ ᑕᑯᓯᐦᑭᐠ.
22ᐁᑲᐧ ᒫᑲ ᑭ ᓯᐯᐧᑌᒪᑲᐣ ᑭᐢᑭᐁᐧᐅᐣ ᐅ ᑲᐯᓯᐃᐧᓂᕽ ᐅᐟ ᐊᐋᐧᓯᒥᓴ ᐃᐸᕒᐁᐃᒼ ᐁ ᐊᑎ ᒪᒥᓀᑎᒋᐠ; ᐊᓇ ᒫᑲ ᑳ ᑎᐯᔨᒫᐟ ᐁ ᒫᒪᐁᐧᔭᑎᔨᐟ ᐁᐊᐧᑯ ᐃᓬᐊᐃᓴᒪ ᐅᑯᓯᓴ ᐊᒪᐃᐦᐊᐟ. 23ᐊᓇ ᒫᑲ ᑳ ᑎᐯᔨᒫᐟ ᐁ ᒫᒪᐁᐧᔭᑎᔨᐟ ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᒪᓈᓯ ᐁᐊᐧᑯ ᑲᒣᓬᐃᔭᓬ ᐅᑯᓯᓴ ᐱᑖᓴᕒ. 24ᐊᓇ ᒫᑲ ᑳ ᑎᐯᔨᒫᐟ ᐁ ᒫᒪᐁᐧᔭᑎᔨᐟ ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᐯᐣᒋᒪᐣ ᐁᐊᐧᑯ ᐊᐸᐩᑖᐣ ᐅᑯᓯᓴ ᑭᑎᔭᓇᐩ.
25ᐁᑯᓯ ᑭᐢᑭᐁᐧᐅᐣ ᐅ ᑲᐯᓯᐃᐧᓂᕽ ᐅᐟ ᐊᐋᐧᓯᒥᓴ ᑖᐣ, ᐊᓂᒪ ᒫᐊᐧᐨ ᐅᑖᕽ ᑲᐯᓯᐃᐧᐣ, ᑭ ᓯᐯᐧᑌᒪᑲᐣ ᐁ ᐊᑎ ᒪᒥᓀᔭᑎᒋᐠ; ᐊᓇ ᒫᑲ ᑳ ᑎᐯᔨᒫᐟ ᐁ ᒫᒪᐁᐧᔭᑎᒋᐠ ᐁᐊᐧᑯ ᐋᐦᐋᔨᓴᕒ ᐅᑯᓯᓴ ᐋᒥᓵᑌᐊᐩ. 26ᐊᓇ ᒫᑲ ᑳ ᑎᐯᔨᒫᐟ ᐁ ᒫᒪᐁᐧᔭᑎᔨᐟ ᐁ ᐱᐢᑭᑐᑌᐃᐧᓯᐟ ᐅᐟ ᐊᐋᐧᓯᒥᓴ ᐋᓴᕒ ᐁᐊᐧᑯ ᐹᑳᔨᓬ ᐅᐟ ᐊᐋᐧᓯᒥᓴ ᐋᑲᕒᐊᐣ. 27ᐊᓇ ᒫᑲ ᑳ ᑎᐯᔨᒫᐟ ᐁ ᒫᒪᐁᐧᔭᑎᔨᐟ ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᓈᑊᑕᓬᐊᐩ ᐁᐊᐧᑯ ᐊᐦᐊᐃᕒᐊ ᐅᑯᓯᓴ ᐃᓈᐣ. 28ᐁᑯᓯ ᐅᒪ ᑳ ᐃᓯ ᐱᒥᐱᒋᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᐊᑎ ᒪᒥᓀᔭᑎᒋᐠ; ᐁᑯᓯ ᑭ ᐊᑎ ᓯᐯᐧᑌᐊᐧᐠ.
29ᒧᓯᐢ ᒫᑲ ᑭ ᐃᑌᐤ ᐦᐋᐹᐸ, ᐅᑯᓯᓴ ᕒᐅᐃᓬ ᐊᓇ ᒥᑎᔭᓇᐃᐟ, ᒧᓯᐢ ᐅᓯᓴ, ᓂᐟ ᐃᑐᐦᑌᐦᐅᓈᐣ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᐟ, ᑭ ᑲ ᒥᔨᑎᓈᐋᐧᐤ; ᐯ ᐃᐧᒉᐃᐧᓈᐣ ᐁᑯᓯ ᑭ ᑲ ᒥᔪᑐᑖᑎᓈᐣ ᒋᑫᒫ ᑳ ᑎᐯᔨᐦᒋᑫᐟ ᑭ ᒥᔪᐃᑌᐧᐤ ᐃᐢᕒᐁᐃᓬᐊ ᐅᐦᒋ. 30ᑭ ᐃᑎᐠ ᒫᑲ, ᓇᒪᐃᐧᔭ ᓂ ᑲ ᑭ ᐃᑐᐦᑖᐣ; ᒫᑲ ᓂ ᑲ ᑭᐋᐧᐣ ᓂᔭ ᓂᐟ ᐊᐢᑭᕽ, ᒥᓇ ᐃᑕ ᐁ ᐊᔮᒋᐠ ᑎᐱᔭᐤ ᓂ ᐋᐧᑯᒫᑲᓇᐠ. 31ᑭ ᐃᑌᐤ ᒫᑲ, ᐁᑳᐃᐧᔭ ᓇᑲᓯᓈᐣ, ᑭ ᐸᑯᓭᔨᒥᑎᐣ; ᒋᑫᒫ ᐁ ᑭᐢᑫᔨᑕᒪᐣ ᑭᑕ ᐃᓯ ᑲᐯᓯᔮᕽ ᐱᑲᐧᑕᐢᑭᕽ, ᐁᑯᓯ ᑖᐱᐢᑯᐨ ᐁ ᐅᐢᑭᓯᑯᔮᕽ ᑭ ᑲ ᐃᑖᐸᒋᐃᑎᓈᐣ. 32ᑭᑕ ᐃᐦᑭᐣ ᒫᑲ, ᑭᐢᐱᐣ ᑭ ᐃᐧᒉᐃᐧᓈᐣ, ᑖᐯᐧ ᑭᑕ ᐃᐦᑭᐣ, ᐱᑳᐧᓂᒪ ᒥᔪ ᑫᑲᐧᐩ ᑳ ᑎᐯᔨᐦᒋᑫᐟ ᑫ ᐃᑐᑖᑯᔮᕽ ᐁᑯᓯ ᒣᐧᐦᒋ ᑫ ᑐᑖᑖᕽ.
33ᑭ ᓯᐯᐧᑌᐊᐧᐠ ᒫᑲ ᐅ ᐊᐧᒋᒥᔨᕽ ᑳ ᑎᐯᔨᐦᒋᑫᔨᐟ ᐅᐦᒋ ᓂᐢᑐ ᑭᓯᑳᐤ ᐁ ᐱᒧᐦᑌᐅᒋᐠ; ᐁᑯᓯ ᐊᓂᒪ ᑳ ᑎᐯᔨᐦᒋᑫᐟ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑭ ᓂᑳᓄᑖᑲᐧᐠ ᓂᐢᑐ ᑭᓯᑳᐤ ᐁ ᐱᒧᐦᑌᐅᒋᐠ, ᐁ ᓇᑐᓇᒧᒪᑲᕽ ᐃᑕ ᑭᑕ ᐊᔦᐧᐱᒋᐠ. 34ᐅ ᐊᐧᐢᑯ ᒫᑲ ᑳ ᑎᐯᔨᐦᒋᑫᐟ ᑭ ᐊᑯᑌᐤ ᐃᐢᐱᒥᕽ ᐃᑕ ᐁ ᐊᔮᒋᐠ, ᓭᐯᐧᑌᑖᐧᐃᐧ ᑲᐯᓯᐃᐧᓂᕽ ᐅᐦᒋ.
35 #
ᓂᑲᒧᓇ 68:1
ᑭ ᐊᔨᑭᐣ ᒫᑲ ᐃᐢᐱ ᑭᐢᑭᓇᐋᐧᒋᐅᐃᐧᓂᐊᐧᐟ ᐁ ᓯᐯᐧᑌᒪᑲᕽ, ᒧᓯᐢ ᑭ ᐃᑌᐧᐤ, ᐸᓯᑯ ᑌᐯᔨᐦᒋᑫᔭᐣ, ᑭᔮᒼ ᑭ ᓄᑎᓈᑲᓇᐠ ᑭᑕ ᐱᐊᐧᒧᑳᑖᐊᐧᐠ; ᒥᓇ ᑭᔮᒼ ᐊᓂᑭ ᑳ ᐸᑳᐧᑎᐢᑭᐠ ᑭ ᑲ ᑕᐸᓯᐦᐃᑲᐧᐠ. 36ᐃᐢᐱ ᒫᑲ ᑫᐱᒋᒪᑲᐦᑭ, ᑭ ᐃᑌᐧᐤ, ᑭᐁᐧᑐᑕᐃᐧᐠ ᑌᐯᔨᐦᒋᑫᔭᐣ, ᒥᑖᑕᐦᑖᐧᐤ ᑭᐦᒋᒥᑖᐦᑐᒥᑕᓇᐤ ᐁ ᑭᐦᒋᒥᑖᐦᑐᒥᑕᓇᐁᐧᒋᐠ ᐃᐢᕒᐁᐃᓬ.
നിലവിൽ തിരഞ്ഞെടുത്തിരിക്കുന്നു:
ᓇᒼᐸᕒᐢ 10: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.