ᓬᐃᐱᑎᑲᐢ 5
5
1ᑭᐢᐱᐣ ᐊᐃᐧᔭᐠ ᒪᒋᑐᑕᑭ, ᐊᓂᒪ ᐁ ᐯᐦᑕᕽ ᑭᐦᒋ ᐃᑌᐧᐃᐧᐣ, ᐁᑯᓯ ᐃᐧᔭ ᑭᑕ ᑭ ᐋᒋᒧᐟ ᑭᐢᐱᐣ ᑳ ᐋᐧᐸᐦᑕᒧᑫᐧ ᐊᐦᐳ ᑳ ᑭᐢᑫᔨᑕᒧᑫᐧ, ᑭᐢᐱᐣ ᐁᑳ ᐃᐧᐦᑕᐦᑭ, ᑭᑕ ᓇᔭᑕᒼ ᐅ ᐊᐧᓂᑐᑕᒧᐃᐧᐣ. 2ᐊᐦᐳ ᑭᐢᐱᐣ ᐊᐃᐧᔭᐠ ᓵᒥᓇᑭ ᑫᑲᐧᐩ ᐁᑳ ᐁ ᐯᑲᓂᔨᐠ, ᐁ ᓂᐱᔨᐟ ᐁᑳ ᐁ ᐯᑭᓯᔨᐟ ᐱᓯᐢᑭᐊᐧ, ᐊᐦᐳ ᐁ ᓂᐱᔨᐟ ᐁᑳ ᐁ ᐯᑭᓯᔨᐟ ᐊᐊᐧᑳᓇ, ᐊᐦᐳ ᐁ ᓂᐱᔨᐟ ᐁᑳ ᐁ ᐯᑭᓯᔨᐟ ᑳ ᐸᐹᒥᑖᒋᒧᔨᐟ, ᐁᑳ ᒫᑲ ᑭᐢᑫᔨᑕᑭ, ᐁᑯᓯ ᒫᑲ ᐁᑳ ᐯᑭᓯᒋ, ᑭᑕ ᐊᑖᒣᔨᑖᑯᓯᐤ. 3ᐊᐦᐳ ᑭᐢᐱᐣ ᓵᒥᓇᒫᐧᒋ ᐁᑳ ᐁ ᐯᑭᓯᔨᐟ ᐊᔨᓯᔨᓂᐊᐧ, ᐱᑯ ᐃᓯ ᐁᑳ ᐁ ᐯᑭᓯᔨᐟ, ᑭᐢᐱᐣ ᒫᑲ ᐁᑳ ᑭᐢᑫᔨᑕᑭ; ᐃᐢᐱ ᑭᐢᑫᔨᑕᑭ, ᐁᑲᐧ ᑭᑕ ᐊᑖᒣᔨᑖᑯᓯᐤ. 4ᐊᐦᐳ ᑭᐢᐱᐣ ᐊᐃᐧᔭᐠ ᑳᓯᐢᐳ ᑭᐦᒋᐃᑌᐧᒋ ᑭᑕ ᒪᒋᑐᑕᕽ, ᐊᐦᐳ ᑭᑕ ᒥᔪᑐᑕᕽ, ᐱᑯ ᑫᑲᐧᐩ ᐊᔨᓯᔨᓂᐤ ᑫ ᑳᓯᐢᐳ ᐃᑌᐧᑫᐧ ᐁ ᑭᐦᒋᐃᑌᐧᐟ, ᐁᑳ ᒫᑲ ᑭᐢᑫᔨᑕᑭ; ᐃᐢᐱ ᑭᐢᑫᔨᑕᑭ, ᐁᑲᐧ ᑭᑕ ᐊᑖᒣᔨᑖᑯᓯᐤ ᓂᑯᑖᐧ ᐯᔭᐠ ᐅᐦᐃ. 5ᑭᑕ ᐃᐦᑭᐣ ᒫᑲ ᐃᐢᐱ ᐊᑖᒣᔨᑖᑯᓯᒋ ᓂᑯᑖᐧ ᐯᔭᐠ ᐅᐦᐃ, ᐁᑲᐧ ᑭᑕ ᐋᒋᒧ ᐊᓂᒪ ᐃᑕ ᐁ ᑭ ᒪᒋᑐᑕᕽ. 6ᑭᑕ ᐯ ᐸᑭᑎᓇᒪᐁᐧᐤ ᒫᑲ ᑳ ᑎᐯᔨᐦᒋᑫᔨᐟ ᐅ ᐸᑭᑎᓈᓱᐃᐧᐣ ᒪᒋᑐᑕᒧᐃᐧᐣ ᐅᐦᒋ, ᐊᓂᒪ ᐅ ᒪᒋᑐᑕᒧᐃᐧᐣ ᑳ ᑭ ᒪᒋᑐᑕᕽ, ᓄᓭᐊᔭ ᒫᔭᑎᐦᑯᓈᕽ ᐅᐦᒋ ᓂᑯᑖᐧ ᒫᔭᑎᐦᑯᓯᓴ ᐊᐦᐳ ᐋᐧᐸᑎᑲᐧ, ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ; ᐁᑯᓯ ᐊᔭᒥᐦᐁᐃᐧᔨᓂᐊᐧ ᑭᑕ ᐅᓯᐦᑕᒫᐠ ᐯᔭᑯᐃᑐᐃᐧᐣ ᐅ ᒪᒋᑐᑕᒧᐃᐧᐣ ᐅᐦᒋ. 7ᑭᐢᐱᐣ ᒫᑲ ᓇᒪᐃᐧᔭ ᑲᐢᑭᑖᐤ ᑭᑕ ᒣᑭᐟ ᒫᔭᑎᐦᑯᓯᓴ, ᐁᑲᐧ ᑭᑕ ᐯᑖᐤ ᐅ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᐊᓂᒪ ᐅᐦᒋ ᑳ ᑭ ᒪᒋᑐᑕᕽ ᓂᓱ ᑖᐱᐢᑳᑲᓂᐅᒥᐦᒥᐊᐧ ᐊᐦᐳ ᓂᓱ ᐅᒥᐦᒥᓯᓴ, ᐁ ᐸᑭᑎᓇᒪᐋᐧᐟ ᑳ ᑎᐯᔨᐦᒋᑫᔨᐟ; ᐯᔭᐠ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᐁᑯᓯ ᐊᓂᐦᐃ ᑯᑕᑲ ᒪᒍᐢᑌᐦᐊᒫᑫᐃᐧᐣ. 8ᑭᑕ ᐯ ᒥᔦᐤ ᒫᑲ ᐊᔭᒥᐦᐁᐃᐧᔨᓂᐊᐧ ᐁᑯᓯ ᐁᐊᐧᑯ ᑭᑕ ᐸᑭᑎᓀᐤ ᓂᑳᐣ ᐊᓂᐦᐃ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᐁᑯᓯ ᑭᑕ ᑭᐢᑭᑫᐧᐱᑎᐤ, ᓇᒪᐃᐧᔭ ᒫᑲ ᑭᑕ ᓂᓱᑖᐁᐤ. 9ᐁᑯᓯ ᑭᑕ ᓯᓭᐧᐯᑭᓇᒼ ᒥᐦᑯ ᐊᓂᒪ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᐅᐦᐱᒣ ᐸᑭᑎᓈᓱᐃᐧᓈᐱᐢᑯᕽ; ᐁᑯᓯ ᐁ ᐃᐢᑯᐸᔨᐠ ᒥᐦᑯ ᑭᑕ ᐅᐦᒋᑲᐃᐧᑖᐤ ᒋᑭ ᐁ ᐊᐢᐸᐢᑌᐠ ᐸᑭᑎᓈᓱᐃᐧᓈᐱᐢᐠ, ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᐁᐊᐧᑯ. 10ᐁᑯᓯ ᐊᓂᐦᐃ ᑯᑕᑲ ᑭᑕ ᐸᑭᑎᓀᐤ ᒪᒍᐢᑌᐦᐊᒫᑫᐃᐧᓂ ᐸᑭᑎᓈᓱᐃᐧᐣ, ᐁ ᐃᑕᐢᑌᐠ ᐅᔭᓱᐁᐧᐃᐧᐣ; ᐊᔭᒥᐦᐁᐃᐧᔨᓂᐊᐧ ᒫᑲ ᑭᑕ ᐅᓯᐦᑕᒫᐣ ᐯᔭᑯᐃᑐᐃᐧᐣ ᐅ ᒪᒋᑐᑕᒧᐃᐧᐣ ᐅᐦᒋ ᑳ ᑭ ᒪᒋᑐᑕᕽ, ᐁᑯᓯ ᑭᑕ ᐳᓀᔨᑕᒪᐋᐧᐤ.
11ᑭᐢᐱᐣ ᒫᑲ ᐁᑳ ᑲᐢᑭᑖᒋ ᓂᓱ ᑖᐱᐢᑳᑲᓂ ᐅᒥᐦᒥᐊᐧ ᐊᐦᐳ ᓂᓱ ᐅᒥᐦᒥᓯᓴ ᑭᑕ ᐯᓯᐋᐧᐟ ᐁᑲᐧ ᑭᑕ ᐯᑖᐤ ᐅ ᐸᑭᑎᓂᑫᐃᐧᐣ ᐊᓂᒪ ᐅᐦᒋ ᑳ ᑭ ᒪᒋᑐᑕᕽ, ᓂᐢᑐ ᑭᐦᒋᒥᓂᑳᐧᑲᐣ ᒥᓇ ᐋᐱᑕᐤ ᐁ ᒥᔪᓯᔨᐟ ᐸᐦᑫᐧᓯᑲᓇ ᐁ ᐸᑭᑎᓈᓱᐟ ᒪᒋᑐᑕᒧᐃᐧᐣ ᐅᐦᒋ; ᓇᒪ ᐃᐧᔭ ᑫᑲᐧᐩ ᐱᒥ ᑭᑕ ᐊᐢᑖᐤ ᓇᒪᐃᐧᔭ ᒥᓇ ᐃᐧᑭᒫᓯᑲᓂ ᐱᑭᐊᐧ; ᒋᑫᒫ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ. 12ᑭᑕ ᐯ ᒥᔦᐤ ᒫᑲ ᐊᔭᒥᐦᐁᐃᐧᔨᓂᐊᐧ, ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐅᑎᓀᐤ ᐯᔭᐠ ᒫᑯᓂᑲᐣ ᐃᔨᑯᕽ ᑭᑕ ᒪᓂ ᑭᐢᑭᓯᑐᑖᑯᓯᔨᐟ, ᐁᑯᓯ ᑭᑕ ᒣᐢᑖᐢᑭᓭᐧᐤ ᐸᑭᑎᓈᓱᐃᐧᓈᐱᐢᑯᕽ, ᐸᑭᑎᓈᓱᐃᐧᐣ ᐁ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ ᐃᐢᑯᑌᐤ ᐅᐦᒋ; ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ. 13ᐊᔭᒥᐦᐁᐃᐧᔨᓂᐊᐧ ᒫᑲ ᑭᑕ ᐅᓯᐦᑕᒫᐠ ᐯᔭᑯᐃᑐᐃᐧᐣ ᐅ ᒪᒋᑐᑕᒧᐃᐧᐣ ᐅᐦᒋ ᑳ ᑭ ᒪᒋᑐᑕᕽ ᓈᐣᑕᐤ ᐁᐊᐧᑯᓂᐃ, ᐁᑯᓯ ᑭᑕ ᐳᓀᔨᑕᒪᐋᐧᐤ; ᐁᑯᓯ ᑳ ᐃᐢᑯᐸᔨᔨᐟ ᐊᔭᒥᐦᐁᐃᐧᔨᓂᐤ ᑭᑕ ᐊᔮᐁᐧᐤ, ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ.
14ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 15ᑭᐢᐱᐣ ᐊᐃᐧᔭᐠ ᐊᐧᓂᑐᑕᑭ, ᐁᑳ ᒫᑲ ᐅᐦᒋᑕᐤ ᒪᒋᑐᑕᑭ, ᐊᓂᐦᐃ ᑳ ᑎᐯᔨᐦᒋᑫᐟ ᑳ ᑲᓈᒋᑕᒫᐦᐟ; ᐁᑲᐧ ᑭᑕ ᐯᑕᒪᐁᐧᐤ ᑳ ᑎᐯᔨᐦᒋᑫᔨᐟ ᐅ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᔮᐯᒫᔭᑎᑲᐧ ᐁᑳ ᐁ ᒫᐢᑭᓯᔨᐟ ᒫᔭᑎᐦᑯᓈᕽ ᐅᐦᒋ, ᐱᑯ ᐁ ᐃᓯ ᐅᔭᑭᒪᐟ ᐅᓵᐃᐧᓱᓂᔮᕽ ᓭᑭᓬᐊ, ᐁ ᐃᑕᑭᒥᐦᐟ ᓭᑭᓬ ᑲᓈᒋᑲᒥᑯᕽ, ᑭᑕ ᐸᑭᑎᓈᓱᐟ ᒪᒋᑐᑕᒧᐃᐧᐣ ᐅᐦᒋ. 16ᐁᑯᓯ ᑭᑕ ᑎᐸᐊᒼ ᐊᓂᒪ ᑳ ᑭ ᐊᐧᓂᑐᑕᕽ ᑳ ᑲᓈᑕᓂᔨᐠ, ᐁᑯᓯ ᑭᑕ ᑕᑯᒣᑭᐤ ᐯᔭᐠ ᐁ ᑭ ᓂᔮᓇᓄᑖᕽ ᐃᔨᑯᕽ, ᑭᑕ ᒥᔦᐤ ᒫᑲ ᐊᔭᒥᐦᐁᐃᐧᔨᓂᐊᐧ; ᐁᑯᓯ ᐊᔭᒥᐦᐁᐃᐧᔨᓂᐊᐧ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒫᐠ ᐊᓂᐦᐃ ᐅᐦᒋ ᔮᐯᒫᔭᑎᐦᑲᐧ ᑳ ᐸᑭᑎᓈᓱᐟ ᐁ ᑭ ᒪᒋᑐᑕᕽ, ᐁᑯᓯ ᑭᑕ ᐳᓀᔨᑕᒪᐋᐧᐤ.
17ᑭᐢᐱᐣ ᒫᑲ ᐊᐃᐧᔭᐠ ᒪᒋᑐᑕᑭ, ᓈᐣᑕᐤ ᑫᑲᐧᐩ ᐃᑐᑕᐦᑭ ᐊᓂᐦᐃ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᐟ ᐁᑳ ᑭᑕ ᐃᑐᒋᑳᑌᐠ; ᐋᑕ ᐁᑳ ᐁ ᑭᐢᑫᔨᑕᕽ, ᐁᔨᐁᐧᕽ ᐊᑖᒣᔨᑖᑯᓯᐤ, ᒥᓇ ᑭᑕ ᓇᔭᑕᒼ ᐅ ᐊᐧᓂᑐᑕᒧᐃᐧᐣ. 18ᐁᑯᓯ ᑭᑕ ᐯᓯᐁᐧᐤ ᔮᐯᒫᔭᑎᑲᐧ ᐁᑳ ᐁ ᒫᐢᑭᓯᔨᐟ ᒫᔭᑎᐦᑯᓈᕽ ᐅᐦᒋ ᐱᑯ ᐁ ᐃᓯ ᐅᔭᑭᒪᐟ, ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᐁ ᒥᔮᐟ ᐊᔭᒥᐦᐁᐃᐧᔨᓂᐊᐧ; ᐊᔭᒥᐦᐁᐃᐧᔨᓂᐊᐧ ᒫᑲ ᑭᑕ ᐅᓯᐦᑕᒫᐠ ᐯᔭᑯᐃᑐᐃᐧᐣ ᐊᓂᒪ ᐅᐦᒋ ᐁᑳ ᐅᐦᒋᑕᐤ ᑳ ᑭ ᐊᐧᓂᑐᑕᕽ ᐁᑳ ᐁ ᑭᐢᑫᔨᑕᕽ, ᐁᑯᓯ ᑭᑕ ᐳᓀᔨᑕᒪᐋᐧᐤ. 19ᐁᐊᐧᑯ ᐊᓂᒪ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᑫᐦᒋᓈ ᐃᐧᔭ ᐊᑖᒣᔨᑖᑯᓯᐤ ᐁ ᐃᓯ ᑭᑖᐸᑕᕽ ᑳ ᑎᐯᔨᐦᒋᑫᐟ.
നിലവിൽ തിരഞ്ഞെടുത്തിരിക്കുന്നു:
ᓬᐃᐱᑎᑲᐢ 5: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.