ᓬᐃᐱᑎᑲᐢ 3
3
1ᑭᐢᐱᐣ ᒫᑲ ᑳ ᐃᐧ ᐸᑭᑎᓂᑫᐟ ᐃᐧ ᐸᑭᑎᓇᒼ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ; ᑭᐢᐱᐣ ᐃᐧ ᐸᑭᑎᓀᐤ ᐊᐊᐧᑳᓇ ᐅᐦᒋ ᔭᐯᐋᐧᔭ ᐊᐦᐳ ᓄᓭᐊᔭ, ᐁᑳ ᐁ ᒫᐢᑭᓯᔨᐟ ᑭᑕ ᐸᑭᑎᓇᒪᐁᐧᐤ ᑳ ᑎᐯᔨᐦᒋᑫᔨᐟ. 2ᑭᑕ ᐊᐢᑖᐤ ᒫᑲ ᐅᒋᐦᒋ ᐅᐢᑎᑳᐧᓂᔨᕽ ᑳ ᐸᑭᑎᓈᓱᐟ, ᐁᑯᓯ ᑭᑕ ᓂᐸᐁᐤ ᐃᐢᑳᐧᑌᒥᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ; ᐁᕒᐊᐣ ᒫᑲ ᐅᑯᓯᓴ ᐊᓂᑭ ᐊᔭᒥᐦᐁᐃᐧᔨᓂᐊᐧᐠ ᑭᑕ ᓯᓭᐧᐯᑭᓇᒪᐧᐠ ᒥᐦᑯ ᐋᐧᐢᑳ ᐸᑭᑎᓈᓱᐃᐧᓈᐱᐢᑯᕽ. 3ᑭᑕ ᐸᑭᑎᓇᒼ ᒫᑲ ᐊᓂᒪ ᐁ ᐸᑭᑎᓂᑫᐟ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᐃᐢᑯᑌᐤ ᐅᐦᒋ ᐁ ᐸᑭᑎᓇᒪᐋᐧᐟ ᑳ ᑎᐯᔨᐦᒋᑫᔨᐟ; ᐃᐧᔨᐣ ᑳ ᐁᐧᐁᐧᑲᒧᐠ ᐅᑕᑖᒥᔭᐃᐧᕽ, ᒥᓇ ᑲᐦᑭᔭᐤ ᐃᐧᔨᐣ ᐅᑕᑖᒥᔭᐃᐧᕽ ᑳ ᐊᔮᐠ. 4ᒥᓇ ᐁ ᓂᓯᔨᐟ ᐅᑎᐦᑎᑯᓯᐊᐧ, ᒥᓇ ᐃᐧᔨᐣ ᐁᑯᑕ ᑳ ᑭᑲᒧᐠ ᒋᑭ ᐋᐱᑐᓯᔭᐤ ᑳ ᐊᔮᐠ, ᒥᓇ ᐃᐧᔨᐣ ᐅᐢᑯᓂᕽ ᑳ ᐊᔮᐠ, ᐊᓯᒋ ᐊᓂᐦᐃ ᐅᑎᐦᑎᑯᓯᐊᐧ ᑭᑕ ᐅᑎᓇᒼ. 5ᐁᕒᐊᐣ ᒫᑲ ᐅᑯᓯᓴ ᑭᑕ ᒣᐢᑎᑲᓴᒪᐧᐠ ᐸᑭᑎᓈᓱᐃᐧᓈᐱᐢᑯᕽ ᒪᒍᐢᑌᐦᐊᒫᑫᐃᐧᓂᕽ ᑳ ᑌᑕᐢᑌᐠ ᒥᐦᑎᕽ ᐃᐢᑯᑌᕽ ᑳ ᐊᔮᐠ; ᐁᐊᐧᑳᐧᓂᒪ ᐁ ᐸᑭᑎᓈᓱᕽ ᐃᐢᑯᑌᐤ ᐅᐦᒋ, ᐁ ᐃᐧᐦᑭᒫᓴᒫᐦᐟ ᑳ ᑎᐯᔨᐦᒋᑫᐟ.
6ᑭᐢᐱᐣ ᒫᑲ ᑳ ᐃᐧ ᐸᑭᑎᓂᑫᐟ ᐃᐧ ᐸᑭᑎᓇᒪᐁᐧᐤ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᑳ ᑎᐯᔨᐦᒋᑫᔨᐟ ᒫᔭᑎᐦᑯᓈᕽ ᐅᐦᒋ; ᑭᐢᐱᐣ ᔮᐯᐊᐧᔭ ᐊᐦᐳ ᓄᓭᐊᔭ ᑭᑕ ᐸᑭᑎᓀᐤ ᐁᑳ ᐁ ᒫᐢᑭᓯᔨᐟ. 7ᑭᐢᐱᐣ ᒫᔭᑎᐦᑯᓯᓴ ᐸᑭᑎᓈᒋ ᑳ ᐸᑭᑎᓈᓱᐟ, ᑭᑕ ᐸᑭᑎᓀᐤ ᐁ ᐅᐦᑎᐢᑲᐃᐧᐢᑲᐋᐧᐟ ᑳ ᑎᐯᔨᐦᒋᑫᔨᐟ. 8ᐁᑯᓯ ᑭᑕ ᐊᐢᑖᐤ ᐅᒋᐦᒋ ᐅᐢᑎᑳᐧᓂᔨᕽ ᐅ ᐸᑭᑎᓈᓱᐃᐧᓇ, ᑭᑕ ᓂᐸᐁᐤ ᒫᑲ ᑎᐱᐢᑯᐨ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ; ᐁᕒᐊᐣ ᐅᑯᓯᓴ ᒫᑲ ᑭᑕ ᓯᓭᐧᐯᑭᓇᒪᐧᐠ ᒥᐦᑯ ᐸᑭᑎᓈᓱᐃᐧᓈᐱᐢᑯᕽ ᐋᐧᐢᑳ. 9ᐁᑯᓯ ᒫᑲ ᑭᑕ ᐸᑭᑎᓇᒼ ᐅ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᐅᐦᒋ ᐸᑭᑎᓈᓱᐃᐧᐣ ᐃᐢᑯᑌᐤ ᐁ ᐅᐦᒋ ᐸᑭᑎᓇᒪᐋᐧᐟ ᑳ ᑎᐯᔨᐦᒋᑫᔨᐟ; ᐊᓂᒪ ᐃᐧᔨᐣ ᒥᓇ ᒥᓯᐁᐧ ᐁ ᐃᐧᔨᓄᐊᐧᕽ ᐅᓱ, ᑭᑕ ᑭᐢᑭᓴᒼ ᒋᑭ ᐋᐧᐃᐧᑲᓂᕽ; ᒥᓇ ᐃᐧᓯ, ᒥᓇ ᑲᐦᑭᔭᐤ ᐃᐧᔨᐣ ᐅᑕᑖᒥᔭᐃᐧᕽ ᑳ ᐊᔮᐠ. 10ᒥᓇ ᐁ ᓂᓯᔨᐟ ᐅᑎᐦᑎᑯᓯᐊᐧ, ᒥᓇ ᐃᐧᔨᐣ ᐁᑯᑕ ᑳ ᐊᔮᐠ, ᒋᑭ ᐋᐱᑐᓯᔭᐤ ᑳ ᐊᔮᐠ, ᒥᓇ ᐃᐧᔨᐣ ᐅᐢᑯᓂᕽ ᑳ ᐊᔮᐠ, ᑭᑭ ᐅᑎᐦᑎᑯᓯᐊᐧ ᑭᑕ ᐅᑎᓇᒼ. 11ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᒣᐢᑎᑲᓴᒼ ᐸᑭᑎᓈᓱᐃᐧᓈᐱᐢᑯᕽ; ᐁᐊᐧᑳᐧᓂᒪ ᐁ ᒥᒋᒥᐊᐧᕽ ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ ᐁ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ.
12ᑭᐢᐱᐣ ᒫᑲ ᐋᐧᐸᑎᑲᐧ ᑳ ᐃᐧ ᐸᑭᑎᓈᐟ ᑭᑕ ᐸᑭᑎᓀᐤ ᐁ ᐅᐦᑎᐢᑲᐃᐧᐢᑲᐋᐧᐟ ᑳ ᑎᐯᔨᐦᒋᑫᔨᐟ. 13ᐁᑯᓯ ᑭᑕ ᐊᐢᑖᐤ ᐅᒋᐦᒋ ᐅᐢᑎᑳᐧᓂᔨᕽ, ᒥᓇ ᑭᑕ ᓂᐸᐁᐤ ᐅᐦᑎᐢᑲᐤ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᐁᑯᓯ ᐁᕒᐊᐣ ᐅᑯᓯᓴ ᑭᑕ ᓯᓭᐧᐯᑭᓇᒪᐧᐠ ᒥᐦᑯ ᐋᐧᐢᑳ ᐸᑭᑎᓈᓱᐃᐧᓈᐱᐢᑯᕽ. 14ᐁᑯᓯ ᒫᑲ ᑭᑕ ᐸᑭᑎᓇᒼ ᐅ ᐸᑭᑎᓂᑫᐃᐧᐣ ᐁᑯᑕ ᐅᐦᒋ, ᐊᓂᒪ ᐅᑎ ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ ᑭᑕ ᐸᑭᑎᓇᒪᐋᐧᐟ ᑳ ᑎᐯᔨᐦᒋᑫᔨᐟ; ᐃᐧᓯ, ᒥᓇ ᑲᐦᑭᔭᐤ ᐃᐧᔨᐣ ᑳ ᐊᑯᑫᐠ ᐅᑕᑖᒥᔭᐃᐧᕽ. 15ᒥᓇ ᐅᑎᐦᑎᑯᓴ, ᒥᓇ ᐃᐧᔨᐣ ᐁᑯᑕ ᑳ ᐊᑯᑫᐠ ᒋᑭ ᐋᐱᑐᓯᔭᐤ, ᒥᓇ ᐃᐧᔨᐣ ᐅᐢᑯᓂᕽ ᑳ ᐊᔮᐠ, ᑭᑭ ᐅᑎᐦᑎᑯᓴ ᑭᑕ ᐅᑎᓇᒼ. 16ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᒣᐢᑎᑲᓴᒼ ᐸᑭᑎᓈᓱᐃᐧᓈᐱᐢᑯᕽ; ᐁᐊᐧᑳᐧᓂᒪ ᐁ ᒥᒋᒥᐊᐧᕽ ᐸᑭᑎᓈᓱᐃᐧᐣ ᐃᐢᑯᑌᐤ ᐅᐦᒋ ᑳ ᐸᑭᑎᓂᑳᑌᐠ, ᑭᑕ ᐃᐧᐦᑭᒫᐢᑌᐠ; ᑲᐦᑭᔭᐤ ᐃᐧᔨᐣ ᐃᐧᔭ ᑳ ᑎᐯᔨᐦᒋᑫᐟ ᐅᐟ ᐊᔮᓂᐤ. 17ᐁᐊᐧᑯ ᐅᒪ ᑳᑭᑫ ᑲᑫᐢᑫᐧᐃᐧᐣ ᐃᔨᑯᕽ ᑫ ᐊᑎ ᐋᔮᓂᐢᑫ ᐱᒫᑎᓯᔦᐠ ᑲᐦᑭᔭᐤ ᑭᐟ ᐃᐦᑖᐃᐧᓂᐋᐧᕽ, ᐁᑳ ᑭᑕ ᒥᒋᔦᐠ ᐃᐧᔨᐣ ᐊᐦᐳ ᒥᐦᑯ.
നിലവിൽ തിരഞ്ഞെടുത്തിരിക്കുന്നു:
ᓬᐃᐱᑎᑲᐢ 3: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.