ᓬᐃᐱᑎᑲᐢ 25
25
1 #
ᐁᐠᓴᑕᐢ 23:10,11 ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁᑯᑕ ᓴᐃᓇᐩ ᐊᐧᒋᕽ, ᐁ ᐃᑌᐧᐟ, 2ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐅᒥᓯ ᒫᑲ ᑭ ᑲ ᐃᑖᐊᐧᐠ, ᐃᐢᐱ ᐅᑎᑕᒣᑯ ᐊᓂᒪ ᐊᐢᑭ ᑳ ᒥᔨᑕᑯᐠ, ᐁᑲᐧ ᐊᐢᑭ ᑭᑕ ᑲᓇᐁᐧᔨᑕᒫᐠ ᑳ ᑎᐯᔨᐦᒋᑫᐟ ᐊᔦᐧᐱᐃᐧᐣ. 3ᓂᑯᑖᐧᓯᐠ ᐊᐢᑭ ᑭ ᑲ ᑭᐢᑎᑳᑌᐣ ᑭ ᑭᐢᑎᑳᐣ, ᒥᓇ ᓂᑯᑖᐧᓯᐠ ᐊᐢᑭ ᑭ ᑲ ᒪᒥᓄᑭᑲᐁᐣ ᑭ ᓱᒥᓂᑭᐢᑎᑳᐣ ᒥᓇ ᑭ ᑲ ᒫᐊᐧᒋᐦᑖᐣ ᐁ ᐃᓯ ᓂᐦᑖᐃᐧᑭᒋᑫᒪᑲᕽ. 4ᒫᑲ ᑌᐸᑯᑊ ᐊᑎ ᑕᐦᑐ ᐊᐢᑭᐊᐧᑭ ᐊᐢᑭ ᑭᑕ ᐊᔮᐤ ᐁ ᐊᔮᑳᐧᒣᔨᑖᑲᐧᕽ ᐊᔦᐧᐱᐃᐧᐣ, ᑳ ᑎᐯᔨᐦᒋᑫᐟ ᐅᐦᒋ ᐁ ᐊᔦᐧᐱᑖᕽ; ᓇᒪᐃᐧᔭ ᑭ ᑲ ᑭᐢᑎᑳᑌᐣ ᑭ ᑭᐢᑎᑳᐣ ᐊᐦᐳ ᓇᒪᐃᐧᔭ ᑭ ᑲ ᒪᒥᓄᑭᑲᐁᐣ ᑭ ᓱᒥᓂᑭᐢᑎᑳᐣ. 5ᐊᓂᒪ ᓭᑫ ᑳ ᓂᐦᑖᐃᐧᑭᕽ ᑭ ᑭᐢᑎᑳᓂᕽ ᓇᒪᐃᐧᔭ ᑭ ᑲ ᒪᓂᓭᐣ ᒥᓇ ᓱᒥᓂᓴᐠ ᑳ ᓂᐦᑖᐃᐧᑭᒋᐠ ᐁᑳ ᐁ ᑭ ᓈᓇᐹᒋᐊᐟ ᓱᒥᓈᑎᐠ ᓇᒪᐃᐧᔭ ᑭ ᑲ ᒫᐊᐧᒋᐦᐋᐊᐧᐠ; ᐁᐊᐧᑯ ᐁ ᐊᐢᑭᐊᐧᕽ ᑭᑕ ᐊᔮᐤ ᐊᐢᑭᕽ ᐁ ᐊᔮᑲᐧᒣᔨᑖᑲᐧᕽ ᐊᔦᐧᐱᐃᐧᐣ. 6ᐊᓂᒪ ᒫᑲ ᐁ ᐊᔦᐧᐱᒪᑲᕽ ᐊᐢᑭ ᑭ ᑲ ᐅᒥᒋᐃᐧᓂᓈᐋᐧᐤ; ᑭᔭ ᒥᓇ ᑭᐟ ᐊᑐᐢᑫᔮᑲᐣ ᒥᓇ ᑭᐟ ᐊᑐᐢᑫᔮᑲᓂᐢᑫᐧᒼ ᒥᓇ ᑳ ᒪᓯᓇᐦᐃᑫᐊᐟ ᑭᐟ ᐊᑐᐢᑫᔮᑲᐣ ᒥᓇ ᒫᓂᑌᐤ ᑳ ᐃᐧᒋᐊᔮᒥᐢᐠ. 7ᒥᓇ ᑭᐟ ᐊᐊᐧᑳᓇᐠ ᒥᓇ ᐱᓯᐢᑭᐊᐧᐠ ᑭᐟ ᐊᐢᑭᕽ ᑳ ᐊᔮᒋᐠ, ᑭᑕ ᒥᒋᐊᐧᐠ ᑲᐦᑭᔭᐤ ᑳ ᔭᑭᑭᕽ ᑭᐟ ᐊᐢᑭᕽ.
8ᑭ ᑲ ᐊᑭᑌᐣ ᒫᑲ ᑌᐸᑯᑊ ᐊᔦᐧᐱᐃᐧ ᐊᐢᑭᔭ, ᑌᐸᑯᐦᐹᐧᐤ ᑌᐸᑯᑊ ᐊᐢᑭᔭ; ᐃᔨᑯᕽ ᒫᑲ ᐁ ᐱᒥᐸᔨᑭ ᑌᐸᑯᑊ ᐊᔦᐧᐱᐃᐧ ᐊᐢᑭᔭ ᑭ ᑲ ᐊᔮᐣ ᑫᑳᐟ ᓂᔮᓇᓄᒥᑕᓇᐤ ᐊᐢᑭᔭ. 9ᐁᑲᐧ ᒫᑲ ᑫ ᓯᐯᐧᑎᓴᐦᐊᒪᐣ ᐁ ᑭᓯᐁᐧᐠ ᐱᐱᑲᐧᐣ ᒥᑖᑕᐦᐟ ᐁ ᐃᑕᑭᒥᐦᐟ ᐊᓇ ᑌᐸᑯᑊ ᐱᓯᒼ; ᐃᐢᐱ ᐅᑎᐦᒋᐸᔨᑭ ᐯᔭᑯᐃᑐᐃᐧ ᑭᓯᑳᐤ ᑭ ᑲ ᓯᐯᐧᑎᓴᐁᐣ ᐱᐱᑲᐧᐣ ᒥᓯᐁᐧ ᑭᐟ ᐊᐢᑭᕽ. 10ᑭ ᑲ ᑲᓈᑌᔨᑌᓈᐋᐧᐤ ᒫᑲ ᐊᓂᒪ ᓂᔮᓇᓄᒥᑕᓇᐤ ᑕᐦᑖᐧᐤ ᐁ ᐊᐢᑭᐊᐧᕽ, ᒥᓇ ᑭ ᑲ ᑌᐸᐧᑕᒪᐋᐧᐊᐧᐠ ᑎᐯᔨᒥᓱᐃᐧᐣ ᑲᐦᑭᔭᐤ ᑯᑕᐢᑭᒋᐠ ᒥᓯᐁᐧ ᐁ ᐃᐢᐱᒑᐠ ᐊᐢᑭ; ᐁᐊᐧᑳᐧᓂᒪ ᔪᐱᓬᐃ ᑭ ᑲ ᐃᑕᑭᑌᓈᐋᐧᐤ; ᑲᐦᑭᔭᐤ ᐊᔨᓯᔨᓂᐤ ᑳ ᐃᑕᓯᔦᐠ ᑭᑕ ᓈᑕᒼ ᐅ ᑎᐯᔨᒋᑲᐣ ᒥᓇ ᑳ ᐃᑕᓯᐟ ᐊᔨᓯᔨᓂᐤ ᑭᑕ ᓈᑕᒼ ᐅᐟ ᐃᑕᓯᐃᐧᐣ. 11ᔪᐱᓬᐃ ᑭ ᑲ ᐊᔮᓈᐋᐧᐤ ᐁᐊᐧᑯ ᓂᔮᓇᓄᒥᑕᓇᐤ ᐊᐢᑭᐊᐧᑭ; ᓇᒪᐃᐧᔭ ᑭ ᑲ ᑭᐢᑎᑳᓈᐋᐧᐤ ᓇᒪᐃᐧᔭ ᒥᓇ ᑭ ᑲ ᒪᓂᓯᑳᓈᐋᐧᐤ ᐊᓂᒪ ᓭᑫ ᑳ ᐅᐦᐱᑭᕽ, ᓇᒪᐃᐧᔭ ᒥᓇ ᑭ ᑲ ᒫᐊᐧᒋᐦᐋᐊᐧᐠ ᓱᒥᓂᓴᐠ ᐁᑳ ᑳ ᑭ ᓈᓇᐹᒋᐃᐦᒋᐠ ᓱᒥᓈᑎᑲᐧᐠ. 12ᒋᑫᒫ ᐁᐊᐧᑯ ᔪᐱᓬᐃ; ᑭ ᑲ ᑲᓈᑌᔨᑌᓈᐋᐧᐤ; ᑭ ᑲ ᒥᒋᓈᐋᐧᐤ ᐁᐊᐧᑯ ᐁ ᔭᑭᐅᒪᑲᕽ ᑫᐦᒋᐋᐧᐠ ᑭᐢᑎᑳᓂᕽ. 13ᐁᐊᐧᑯ ᐅᒪ ᔪᐱᓬᐃ ᐁ ᐊᐢᑭᐊᐧᕽ ᑭ ᑲ ᑭᐋᐧᓈᐋᐧᐤ ᑳᐃᐧ ᑲᐦᑭᔭᐤ ᐊᔨᓯᔨᓂᐤ ᐅ ᑎᐯᔨᒋᑲᓂᕽ. 14ᑭᐢᐱᐣ ᒫᑲ ᓈᐣᑕᐤ ᑫᑲᐧᐩ ᐊᑖᒥᐢᑭ ᑭᒋᐊᔨᓯᔨᓂᐤ ᐊᐦᐳ ᑫᑲᐧᐩ ᑭᔭ ᐊᑖᒪᒋ ᑭᒋᐊᔨᓯᔨᓂᐤ ᐅᒋᐦᒋᕽ ᐅᐦᒋ, ᓇᒪᐃᐧᔭ ᑭ ᑲ ᑭᑎᒪᐦᐃᑐᓈᐋᐧᐤ. 15ᐁ ᐊᑭᐦᑕᒣᐠ ᑕᐦᑐ ᐊᐢᑭ ᐊᐢᐱᐣ ᔪᐱᓬᐃ ᑳ ᑭ ᐊᔮᐠ ᑭ ᑲ ᐃᓯ ᐊᑖᒫᐤ ᑭᒋᐊᔨᓯᔨᓂᐤ, ᐁᑯᓯ ᒥᓇ ᐁ ᐊᑭᐦᑕᒣᐠ ᑕᐦᑐ ᐊᐢᑭ ᐁ ᑭ ᐅᐦᐱᑭᒋᑫᒪᑲᕽ ᑭ ᑲ ᐃᓯ ᐊᑖᒥᐠ. 16ᑭᐢᐱᐣ ᒥᐦᒉᐟ ᐊᐢᑭ ᑭ ᑲ ᔭᑲᑭᑌᐣ, ᒥᓇ ᑭᐢᐱᐣ ᒐᑲᐋᐧᓯᐢ ᐊᐢᑭ ᑭ ᑲ ᐊᒋᐊᐧᑭᑌᐣ; ᒋᑫᒫ ᑕᐦᑐ ᐊᐢᑭ ᑭᑕ ᐅᐦᐱᑭᒋᑫᒪᑲᕽ ᑳ ᐊᑖᒥᐢᐠ. 17ᒥᓇ ᓇᒪᐃᐧᔭ ᑭ ᑲ ᑭᑎᒪᐦᐃᑐᓈᐋᐧᐤ; ᒫᑲ ᑭ ᑲ ᑯᐢᑖᐤ ᑭ ᑭᓭᒪᓂᑐᒼ; ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐧᐤ.
18ᐁᑯᓯ ᒫᑲ ᑭ ᑲ ᐃᑐᑌᓈᐋᐧᐤ ᓂ ᑲᑫᐢᑫᐧᐃᐧᓇ, ᒥᓇ ᑭ ᑲ ᑲᓀᐧᔨᑌᓈᐋᐧᐤ ᓄᔭᓱᐋᐧᓯᐁᐧᐃᐧᓇ ᒥᓇ ᑭ ᑲ ᐃᑐᑌᓈᐋᐧᐤ; ᐁᑯᓯ ᒫᑲ ᐊᐧᐋᐧᓇᐢᑫᐃᐧᓂᕽ ᑭ ᑲ ᐅᐟ ᐃᐦᑖᐃᐧᓂᓈᐋᐧᐤ ᐁᑯᑕ ᐊᐢᑭᕽ. 19ᐊᐢᑭ ᒫᑲ ᑭᑕ ᐅᐦᐱᑭᑖᒪᑲᐣ ᐁ ᐃᓯ ᒥᓂᓯᐃᐧᐠ, ᒥᓇ ᑭ ᑲ ᒥᒋᓱᓈᐋᐧᐤ ᐃᔨᑯᕽ ᐁ ᓇᑕᐁᐧᔨᑕᒣᐠ, ᒥᓇ ᐊᐧᐋᐧᓇᐢᑫᐃᐧᓂᕽ ᐁᑯᑕ ᑭ ᑲ ᐅᐟ ᐃᐦᑖᐃᐧᓂᓈᐋᐧᐤ. 20ᑭᐢᐱᐣ ᒫᑲ ᐃᑌᐧᔦᑯ, ᑫᑲᐧᐩ ᑫ ᒥᒋᔮᕽ ᑌᐸᑯᑊ ᐊᑎ ᐊᐢᑭᐊᐧᑭ? ᒫᑎᑲ, ᓇᒪᐃᐧᔭ ᓂ ᑲ ᑭᐢᑎᑳᓈᐣ, ᐊᐦᐳ ᓇᒪᐃᐧᔭ ᓂ ᑳ ᒫᐊᐧᒋᐦᑖᓈᐣ ᐁ ᔭᑭᐅᒪᑲᕽ. 21ᐁᐊᐧᑯ ᐁ ᐃᑭᕽ ᑭ ᑲ ᐸᑭᑎᓇᒫᑎᓈᐋᐧᐤ ᓂ ᓴᐁᐧᔨᐦᒋᑫᐃᐧᐣ ᐊᑎ ᓂᑯᑖᐧᓱ ᐊᐢᑭᐊᐧᑭ ᐁᑯᓯ ᒫᑲ ᑭᑕ ᓂᐦᑖᐃᐧᑭᒋᑫᒪᑲᐣ ᓂᐢᑐ ᐊᐢᑭ ᑭᑕ ᑌᐱᐸᔨᐠ. 22ᑭ ᑲ ᑭᐢᑎᑳᓈᐋᐧᐤ ᒫᑲ ᐊᔨᓈᓀᐤ ᐊᑎ ᐊᐢᑭᐊᐧᑭ, ᒥᓇ ᑭ ᑲ ᒥᒋᓈᐋᐧᐤ ᐁ ᐃᓯ ᒥᓂᓯᐋᐧᕽ ᑲᔭᐦᑌ ᑳ ᑭ ᒫᐊᐧᒋᐦᑖᔦᐠ; ᐃᐢᑯ ᑫᑳᐟ ᒥᑕᑕᐦᐟ ᐊᑎ ᐊᐢᑭᐊᐧᑭ, ᐱᔨᐢ ᐁ ᐊᑎ ᓂᐦᑖᐃᐧᑭᒋᑫᒪᑲᕽ ᐊᑎ ᐋᐸᑕᑳᐧᐃᐧ, ᑭ ᑲ ᒥᒋᓈᐋᐧᐤ ᑲᔭᐦᑌ ᑳ ᑭ ᒫᐊᐧᒋᐦᑖᔦᐠ.
23ᐊᐢᑭ ᒫᑲ ᓇᒪᐃᐧᔭ ᑭᑕ ᓈᐢᐱᒋ ᐊᑖᐋᐧᑳᓂᐊᐧᐣ; ᒋᑫᒫ ᓂᔭ ᓂ ᑎᐯᔨᑌᐣ ᐊᐢᑭ; ᐃᐧᔭ ᑭᔭᐋᐧᐤ ᑭ ᒫᓂᑌᐃᐧᓈᐋᐧᐤ ᒥᓇ ᑭ ᑲᐯᓯᓈᐋᐧᐤ ᓂᐟ ᐊᐢᑭᕽ. 24ᑲᐦᑭᔭᐤ ᒫᑲ ᐊᐢᑭ ᑳ ᐊᔮᔦᐠ ᑭ ᑲ ᐃᓯᒋᑳᓈᐋᐧᐤ ᑳᐃᐧ ᒥᓇ ᑭᑕ ᑭᐁᐧᒪᑲᕽ.
25ᑭᐢᐱᐣ ᑭᒋᐋᐧᒼ ᐊᑎ ᑭᑎᒫᑭᓯᒋ, ᐁᑯᓯ ᐊᑖᐋᐧᑫᒋ ᐸᑭ ᑳ ᑎᐱᔭᐁᐧᐃᐧᓯᐟ, ᐁᑲᐧ ᐅ ᐋᐧᑯᒫᑲᓇ ᐊᓂᐦᐃ ᒫᐊᐧᐨ ᑭᓯᐋᐧᐠ ᑳ ᐋᐧᑯᒫᐟ ᑭᑕ ᐯ ᓇᑕᐃᐧ ᐊᑖᐁᐧᔨᐊᐧ ᐊᓂᒪ ᐅᒋᐋᐧᒪ ᑳ ᑭ ᐊᑖᐋᐧᑫᔨᐟ. 26ᑭᐢᐱᐣ ᒫᑲ ᐊᔨᓯᔨᓂᐤ ᐁᑳ ᐊᐃᐧᔭ ᐊᔮᐋᐧᒋ ᑭᑕ ᑳᐃᐧ ᐊᑖᐁᐧᔨᐟ, ᒫᑲ ᐊᑎ ᐁᐧᔪᑎᓯᒋ ᐁᑯᓯ ᐁᑯᔨᑯᕽ ᐊᔮᒋ ᑳᐃᐧ ᑭᑕ ᐊᑖᐁᐧᐟ. 27ᑭᔮᒼ ᑭᑕ ᐊᑭᐦᑕᒼ ᑕᐦᑐ ᐊᐢᑭ ᐊᐢᐱᐣ ᑳ ᑭ ᐊᑖᐋᐧᑫᐟ ᒥᓇ ᑳᐃᐧ ᑭᑕ ᒥᔦᐤ ᐁ ᐊᔨᐋᐧᑭᐸᔨᔨᐠ ᐊᓂᐦᐃ ᓈᐯᐊᐧ ᑳ ᑭ ᐊᑖᒫᐟ; ᐁᑯᓯ ᑳᐃᐧ ᑭᑕ ᑭᐁᐧᑐᑕᒼ ᐅ ᑎᐯᔨᐦᒋᑫᐃᐧᐣ. 28ᒫᑲ ᑭᐢᐱᐣ ᐁᑳ ᑲᐢᑭᑖᒋ ᑳᐃᐧ ᑭᑕ ᐊᑖᐁᐧᐢᑕᒫᓱᐟ, ᐁᑲᐧ ᐊᓂᒪ ᑳ ᑭ ᐊᑖᐋᐧᑫᐟ ᑭᑕ ᐊᔮᔨᐤ ᐅᒋᐦᒋᔨᕽ ᐊᓂᐦᐃ ᑳ ᑭ ᐊᑖᐁᐧᔨᐟ ᐃᐢᑯ ᐊᓂᒪ ᔪᐱᓬᐃ ᐊᐢᑭ; ᐃᐢᐱ ᒫᑲ ᔪᐱᓬᐃ ᐅᑎᐦᒋᐸᔨᑭ ᑳᐃᐧ ᑭᑕ ᑭᐁᐧᒪᑲᐣ, ᐁᑯᓯ ᑭᑕ ᑭᐁᐧᑐᑕᒼ ᐅ ᑎᐯᔨᒋᑲᐣ.
29ᑭᐢᐱᐣ ᒫᑲ ᐊᔨᓯᔨᓂᐤ ᐊᑖᐋᐧᑫᒋ ᐋᐧᐢᑳᐦᐃᑲᐣ ᐊᓂᑕ ᐁ ᒣᓂᑭᑲᑌᐠ ᐅᑌᓇᐤ, ᑳᐃᐧ ᑭᑕ ᑭ ᐊᑖᐁᐧᐤ ᐯᔭᐠ ᐊᐢᑭ ᐃᔨᑯᕽ ᒣᐧᐢᑕᐢ ᐊᓂᒪ ᐁ ᑭ ᐊᑖᐋᐧᑫᐟ; ᒥᓴᑳᒣ ᐯᔭᐠ ᐊᐢᑭ ᐃᑕᐢᑌᐤ ᑭᑕ ᑭ ᑳᐃᐧ ᐊᑖᐁᐧᐟ. 30ᑭᐢᐱᐣ ᒫᑲ ᐁᑳ ᑳᐃᐧ ᐊᑖᐁᐧᒋ ᒣᑳᐧᐨ ᐊᓂᒪ ᐯᔮᐠ ᐊᐢᑭ ᐁ ᐱᒥᐸᔨᐠ ᐁᑲᐧ ᐊᓂᒪ ᐋᐧᐢᑳᐦᐃᑲᐣ ᐱᐦᒋ ᐅᑌᓈᕽ ᑳ ᒣᓂᑭᑲᑌᐠ ᑳ ᐊᔮᐠ ᑭᑕ ᓈᐢᐱᒋ ᐊᔮᐤ ᐊᓇ ᑳ ᑭ ᐊᑖᐁᐧᐟ, ᐁ ᐊᑎ ᐋᔮᓂᐢᑫ ᐱᒫᑎᓯᒋᐠ; ᓇᒪᐃᐧᔭ ᑭᑕ ᑭᐁᐧᒪᑲᐣ ᔪᐱᓬᐃ ᐅᑎᐦᒋᐸᔨᑭ. 31ᒫᑲ ᐋᐧᐢᑳᐃᑲᓇ ᑭᐢᑕᐱᓈᓂᓯᕽ ᑳ ᐊᔮᑭ ᐁᑳ ᑳ ᐋᐧᐢᑳ ᒣᓂᑭᑲᑌᑭ ᑭᑕ ᐃᑕᑭᑌᐊᐧ ᑖᐱᐢᑯᐨ ᑭᐢᑎᑳᓇ ᐊᐢᑭᕽ; ᑳᐃᐧ ᑭᑕ ᑭ ᐊᑖᐋᐧᓂᐊᐧᓇᐧ ᒥᓇ ᑭᑕ ᑭᐁᐧᒪᑲᓇᐧ ᔪᐱᓬᐃ ᐅᑎᐦᒋᐸᔨᑭ. 32ᐁᔨᐁᐧᕽ ᒫᑲ ᐃᐧᔭ ᐅᐟ ᐅᑌᓇᐃᐧᐋᐧᐊᐧ ᓬᐃᐸᐃᑕᐠ, ᐋᐧᐢᑳᐦᐃᑲᓇ ᐁ ᐊᔮᑭ ᐅᑌᓈᕽ ᑳ ᑎᐱᔭᐁᐧᐃᐧᓯᒋᐠ ᑭᑕ ᑭ ᑳᐃᐧ ᐊᑖᐁᐧᐊᐧᐠ ᓬᐃᐸᐃᑕᐠ ᐱᑯ ᐃᑕ. 33ᑭᐢᐱᐣ ᒫᑲ ᐊᐃᐧᔭᐠ ᐊᑖᒫᒋ ᓬᐃᐸᐃᑕ, ᐁᑲᐧ ᐊᓂᒪ ᐋᐧᐢᑳᐦᐃᑲᐣ ᑳ ᑭ ᐊᑖᐋᐧᑫᕽ, ᒥᓇ ᐅᑌᓇᐤ ᐃᑕ ᐁ ᐅ ᑎᐯᔨᒋᑲᓂᐟ, ᑭᑕ ᑭᐁᐧᒪᑲᐣ ᔪᐱᓬᐃ ᐅᑎᐦᒋᐸᔨᑭ; ᒋᑫᒫ ᐋᐧᐢᑳᐦᐃᑲᓇ ᐅᐟ ᐅᑌᓇᐃᐧᐋᐧᕽ ᓬᐃᐸᐃᑕᐠ ᐁᐊᐧᑫᐧᔨᐤ ᐅ ᑎᐯᔨᒋᑲᓂᐊᐧᐠ ᒣᑳᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 34ᒫᑲ ᑭᐢᑎᑳᐣ ᐊᐧᔭᐃᐧᑎᒫᔨᕽ ᐅᐟ ᐅᑌᓇᐃᐧᐋᐧᕽ ᓇᒪᐃᐧᔭ ᑭᑕ ᑭ ᐊᑖᐋᐧᑳᓂᐊᐧᐣ; ᒋᑫᒫ ᐁᐊᐧᑫᐧᔨᐤ ᐁ ᓈᐢᐱᒋ ᐅ ᑎᐯᔨᒋᑲᓂᒋᐠ.
35 #
ᑎᔪᑕᕒᐊᓇᒥ 15:7,8 ᑭᐢᐱᐣ ᒫᑲ ᑭᒋᐋᐧᒼ ᐊᑎ ᑭᑎᒫᑭᓯᒋ, ᒥᓇ ᐊᑎ ᓇᓄᑌᐸᔨᒋ; ᐁᑲᐧ ᑭ ᑲ ᓯᑐᓈᐤ; ᑖᐱᐢᑯᐨ ᒫᓂᑌᐤ ᒥᓇ ᐅᑲᐯᓯᐤ ᑭ ᑲ ᐃᓯ ᐃᐧᒋᐊᔮᒥᐠ. 36ᐁᑳᐃᐧᔭ ᐊᔨᐋᐧᑲᑭᒋᑫᐃᐧᐣ ᐊᐦᐳ ᔭᑲᑭᒋᑫᐃᐧᐣ ᐊᑭᐦᑕᒪᐤ; ᒫᑲ ᑭ ᑲ ᑯᐢᑖᐤ ᑭ ᑭᓭᒪᓂᑐᒼ; ᑭᑕ ᐃᐧᒋᐊᔮᒥᐢᐠ ᑭᒋᐋᐧᒼ. 37#ᐁᐠᓴᑕᐢ 22:25; ᑎᔪᑕᕒᐊᓇᒥ 23:19,20ᓇᒪᐃᐧᔭ ᑭ ᑲ ᒥᔮᐤ ᑭ ᓱᓂᔮᒪ ᑭᑕ ᒫᐊᒋᒋᑫᒋᐠ, ᓇᒪᐃᐧᔭ ᒥᓇ ᑭ ᑲ ᒥᔮᐤ ᑭ ᒥᒋᐃᐧᐣ ᑭᑕ ᔭᑲᑭᑕᒪᐣ. 38ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐧᐤ, ᑳ ᑭ ᐯ ᐊᐧᔭᐃᐧᑕᐦᐃᑕᑯᐠ ᐃᒋᑊᐟ ᐊᐢᑭᕽ ᐅᐦᒋ ᑭᑕ ᒥᔨᑕᑯᐠ ᑫᓇᐣ ᐊᐢᑭ, ᓂᔭ ᑭᑕ ᐅ ᑭᓭᒪᓂᑐᒥᔦᐠ.
39 #
ᐁᐠᓴᑕᐢ 21:2-6; ᑎᔪᑕᕒᐊᓇᒥ 15:12-18 ᑭᐢᐱᐣ ᒫᑲ ᑭᒋᐋᐧᒼ ᑳ ᐃᐧᒋᐊᔮᒥᐢᐠ ᐊᑎ ᑭᑎᒫᑭᓯᒋ, ᐊᑖᐋᐧᑳᑎᓱᐢᑖᐢᑭ ᒫᑲ; ᓇᒪᐃᐧᔭ ᑭ ᑲ ᐃᓯ ᐊᑐᐢᑲᐋᐤ ᑖᐱᐢᑲᐨ ᐊᐊᐧᑳᓂ ᐊᑐᐢᑫᔮᑲᐣ. 40ᒫᑲ ᑖᐱᐢᑯᐨ ᑳ ᑎᐸᐦᐊᒫᐦᐟ ᐊᑐᐢᑫᔮᑲᐣ ᒥᓇ ᐃᐧᒋᐊᔮᒫᑲᐣ ᑭ ᑲ ᐃᓯ ᐃᐧᒉᐃᐧᐠ; ᑭ ᑲ ᐊᑐᐢᑳᐠ ᐃᐢᑯ ᐊᓂᒪ ᔪᐱᓬᐃ ᐊᐢᑭ. 41ᐁᑯᐢᐱ ᒫᑲ ᑭ ᑲ ᓇᑲᑎᐠ ᐃᐧᔭ ᒥᓇ ᐅᐟ ᐊᐋᐧᓯᒥᓴ ᑭᑭ, ᒥᓇ ᑳᐃᐧ ᑭᑕ ᐃᑐᐦᑌᐤ ᐃᑕ ᐁ ᐊᔮᔨᐟ ᐅ ᐋᐧᑯᒫᑲᓇ ᒥᓇ ᐃᑕ ᐁ ᐅ ᑎᐯᔨᒋᑲᓂᔨᐟ ᐅᑖᐃᐧᔭ ᑭᑕ ᐃᓯ ᑭᐁᐧᐤ. 42ᒋᑫᒫ ᓂᔭ ᓂᐟ ᐊᑐᐢᑫᔮᑲᓇᐠ, ᑳ ᑭ ᐯᓯᐊᐧᑭᐠ ᐃᒋᑊᐟ ᐊᐢᑭᕽ ᐅᐦᒋ; ᓇᒪᐃᐧᔭ ᑭᑕ ᐊᑖᐋᐧᑳᓂᐊᐧᐣ ᑖᐱᐢᑯᐨ ᐊᐊᐧᑳᓇᐠ. 43ᓇᒪᐃᐧᔭ ᑭ ᑲ ᐊᐦᑯᓇᒪᐋᐧᐤ ᐁ ᑎᐯᔨᒪᐟ; ᒫᑲ ᑭ ᑲ ᑯᓯᑫᐧᔨᒫᐤ ᑭ ᑭᓭᒪᓂᑐᒼ. 44ᒫᑲ ᐃᐧᔭ ᑭᐟ ᐊᐊᐧᑳᓂ ᓈᐯᐊᐧᐠ ᒥᓇ ᑭᐟ ᐊᐊᐧᑳᓂᐢᑫᐧᒪᐠ, ᑫ ᐊᔮᐊᐧᒋᐠ; ᐊᓂᑭ ᐊᔨᓯᔨᓂᐊᐧᐠ ᑳ ᐊᐧᐢᑳᐢᑳᑯᔦᑯᐠ ᐁᐊᐧᑯᓂᐠ ᐅᐦᒋ ᑭ ᑲ ᐊᑖᐋᐧᓈᐋᐧᐤ ᐊᐊᐧᑳᓂ ᓈᐯᐊᐧᐠ ᒥᓇ ᐊᐊᐧᑳᓂᐢᑫᐧᐊᐧᐠ. 45ᒥᓇ ᐅᐟ ᐊᐋᐧᓯᒥᓯᐋᐧᐊᐧ ᒫᓂᑌᐊᐧᐠ ᑳ ᐃᐧᒋᐊᔮᒥᑯᔦᑯᐠ, ᐁᐊᐧᑯᓂᐠ ᐅᐦᒋ ᑭ ᑲ ᐊᑖᐋᐧᓈᐋᐧᐤ, ᒥᓇ ᐅᐟ ᐊᐋᐧᓯᒥᓯᐋᐧᐊᐧ ᐅᐦᒋ ᑳ ᐃᐧᒋᐊᔮᒥᑯᔦᑯᐠ ᑳ ᑭ ᓂᐦᑖᐃᐧᑭᐦᐋᒋᐠ ᑭᐟ ᐊᐢᑭᐋᐧᕽ; ᐁᐊᐧᑯᓂᐠ ᒫᑲ ᑭ ᑲ ᑎᐯᔨᒫᐋᐧᐊᐧᐠ. 46ᐁᑯᓯ ᐁᐊᐧᑯᓂᐠ ᑭ ᑲ ᐃᓯᒋᑳᓈᐋᐧᐤ ᑭᑕ ᐋᓂᐢᑫ ᐊᔮᐋᐧᒋᐠ ᑭᐟ ᐊᐋᐧᓯᒥᓯᐋᐧᐊᐧᐠ, ᑭᑕ ᒥᒋᒥᓈᒋᐠ ᑭᑕ ᑎᐯᔨᒫᒋᐠ; ᐁᐊᐧᑯᓂᐠ ᐅᐦᒋ ᑭ ᑲ ᐅᑎᓈᐋᐧᐊᐧᐠ ᐊᐊᐧᑳᓂ ᓈᐯᐊᐧᐠ ᑭᑕ ᐊᔮᐋᐧᔦᑯᐠ ᑳᑭᑫ; ᒫᑲ ᐃᐧᔭ ᑭᒋᐋᐧᒥᐋᐧᐊᐧᐠ ᐅᐟ ᐊᐋᐧᓯᒥᓴ ᐃᐢᕒᐁᐃᓬ, ᓇᒪᐃᐧᔭ ᑭ ᑲ ᑎᐯᔨᒥᑐᓈᐋᐧᐤ, ᐁ ᐋᐦᑯᓇᒫᑐᔦᐠ.
47ᑭᐢᐱᐣ ᒫᑲ ᒫᓂᑌᐤ ᑳ ᐃᐧᒋᐊᔮᒥᑯᔦᐠ ᐊᑎ ᐁᐧᔪᑎᓯᒋ, ᐁᑯᓯ ᑭᒋᐋᐧᒪ ᑳ ᐃᐧᑕᐱᒥᑯᐨ ᐁ ᐊᑎ ᑭᑎᒫᑭᓯᐟ ᐊᑎ ᐊᑖᐋᐧᑳᑎᓱᐢᑕᐋᐧᒋ ᐊᓂᐦᐃ ᒫᓂᑌᐊᐧ ᐊᐦᐳ ᑭ ᐃᐧᒋᐊᔮᒫᑲᓇ, ᐊᐦᐳ ᐊᐃᐧᔭᐠ ᐁ ᐅ ᐃᐧᒉᐋᐧᑲᓂᐟ ᐊᓂᐦᐃ ᒫᓂᑌᐊᐧ. 48ᐋᑕ ᑭ ᐅᑖᐋᐧᑳᑎᓱᒋ ᑳᐃᐧ ᑭᑕ ᑭ ᐊᑖᐋᐧᓂᐊᐧᐣ; ᐯᔭᐠ ᐅᒋᐋᐧᒪ ᑭᑕ ᑭ ᑎᐸᐦᐅᐠ. 49ᐊᐦᐳ ᐅᐦᑯᒥᓴ, ᐊᐦᐳ ᐅᐦᑯᒥᓴ ᐅᑯᓯᓯᔨᐊᐧ ᑭᑕ ᑭ ᑎᐸᐦᐅᐠ; ᐊᐦᐳ ᐊᐃᐧᔭ ᑭᓯᐋᐧᐠ ᐁ ᐋᐧᑯᒥᑯᐟ ᐅ ᐋᐧᑯᒫᑲᓇ ᐅᐦᒋ ᑭᑕ ᑭ ᑎᐸᐦᐅᐠ ᑳᐃᐧ; ᐊᐦᐳ ᑭᐢᐱᐣ ᐊᑎ ᐁᐧᔪᑎᓯᒋ ᑭᑕ ᑭ ᑎᐸᐅᓱ. 50ᑭᑕ ᐊᑭᐦᑕᒪᐁᐧᐤ ᒫᑲ ᐊᓂᐦᐃ ᑳ ᑭ ᑎᐸᐅᑯᐟ ᐊᓂᒪ ᐁ ᐊᐢᑭᐊᐧᕽ ᐅᐦᒋ ᑳ ᑭ ᐊᑖᐋᐧᑳᑎᓱᐟ ᐃᐢᑯ ᐊᓂᒪ ᔪᐱᓬᐃ ᐊᐢᑭ; ᐁᑯᓯ ᐃᔨᑯᕽ ᐊᓂᒪ ᐁ ᑎᐸᐃᑳᓱᐟ ᑭᑕ ᐃᑕᑭᑌᐤ ᐁ ᐊᑭᑌᑭ ᐁᐊᐧᑯᓂ ᐊᐢᑭᐃᐧᓇ; ᑖᐱᐢᑯᐨ ᑳ ᑎᐸᐦᐊᒫᐦᐟ ᐊᑐᐢᑫᔮᑲᐣ ᑭᑕ ᐃᓯ ᐃᐧᒉᐁᐧᐤ. 51ᑭᐢᐱᐣ ᑫᔮᐱᐨ ᒥᐦᒉᐟ ᐊᐢᑭ ᐊᐢᑌᑭ, ᐁ ᐊᑭᑌᑭ ᐁᐊᐧᑯᓂ ᑳᐃᐧ ᑭᑕ ᒣᑭᐤ ᐁ ᐃᑕᑭᒋᑳᑌᔨᐠ ᑫ ᑎᐸᐦᐃᑫᐢᑕᒫᓱᐟ ᐊᓂᐦᐃ ᓱᓂᔮᐊᐧ ᐅᐦᒋ ᑳ ᑭ ᑎᐸᐅᐦᐟ. 52ᑭᐢᐱᐣ ᒫᑲ ᒐᑲᐋᐧᓯᐢ ᐊᐢᑭ ᐊᐢᑌᑭ ᐃᔨᑯᕽ ᔪᐱᓬᐃ ᐊᐢᑭ, ᐁᑲᐧ ᑭᑕ ᐊᑭᐦᑕᒪᐁᐧᐤ; ᐃᔨᑯᕽ ᐊᓂᐦᐃ ᐁ ᐊᐢᑌᑭ ᐊᐢᑭᐃᐧᓇ ᑳᐃᐧ ᑭᑕ ᒣᑭᐤ ᐁ ᐃᑕᑭᑌᐠ ᑳ ᑎᐸᐅᐦᐟ. 53ᑖᐱᐢᑯᐨ ᑕᐦᑐ ᐊᐢᑭ ᑳ ᑎᐸᐦᐊᒫᐦᐟ ᐊᑐᐢᑫᔮᑲᐣ ᑭᑕ ᐃᓯ ᐃᐧᒋᐊᔮᒥᐠ; ᓇᒪᐃᐧᔭ ᑭᑕ ᐋᐦᑯᓇᒪᐁᐧᐤ ᐁ ᑎᐯᔨᒫᐟ ᑭᔭ ᐁ ᑲᓇᐋᐧᐸᒪᐟ. 54ᑭᐢᐱᐣ ᒫᑲ ᐁᑳ ᓇᔦᐊᐧᐨ ᑎᐸᐅᐦᒋ, ᑭᑕ ᐊᐧᔭᐃᐧᐤ ᔪᐱᓬᐃ ᐊᐢᑭ ᐅᑎᐦᒋᐸᔨᑭ, ᐃᐧᔭ ᒥᓇ ᐅᐟ ᐊᐋᐧᓯᒥᓴ ᑭᑭ. 55ᒋᑫᒫ ᓂᔭ ᓂᐟ ᐊᑐᐢᑫᔮᑲᓇᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᐁᐊᐧᑯᓂᐠ ᓂᐟ ᐊᑐᐢᑫᔮᑲᓇᐠ ᑳ ᑭ ᐯ ᐊᐧᔭᐃᐧᑕᐊᑭᐠ ᐃᒋᑊᐟ ᐊᐢᑭᕽ ᐅᐦᒋ; ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐧᐤ.
നിലവിൽ തിരഞ്ഞെടുത്തിരിക്കുന്നു:
ᓬᐃᐱᑎᑲᐢ 25: KKMs
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This Bible text is a corrected edition of the 1908 Western Cree Bible; it is in the public domain.