ᐁᐠᓴᑕᐢ 7

1ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᒫᑎᑲ, ᑭ ᑭ ᐃᓯᐦᐃᑎᐣ ᑖᐱᐢᑯᐨ ᑭᑕ ᐅ ᒪᓂᑐᒥᐟ ᐯᕒᐅ; ᐁᕒᐊᐣ ᒫᑲ ᑭᒋᐋᐧᒼ ᑭ ᑲ ᐅᑭᐢᑭᐁᐧᐦᐃᑫᐃᐧᔨᓂᒥᐣ. 2ᑭ ᑲ ᐃᐧᐦᑌᐣ ᒫᑲ ᑲᐦᑭᔭᐤ ᐊᓂᒪ ᑫ ᐃᑕᓱᐋᐧᑎᑖᐣ, ᐁᕒᐊᐣ ᒫᑲ ᑭᒋᐋᐧᒼ ᑭᑕ ᐃᐧᐦᑕᒪᐁᐧᐤ ᐯᕒᐅᐊᐧ, ᑭᑕ ᓯᐯᐧᑎᓴᐋᐧᐟ ᐅᐟ ᐊᐢᑭᕽ ᐅᐦᒋ ᐃᐢᕒᐁᐃᓬ ᐅᐟ ᐊᐋᐧᓯᒥᓵ. 3#ᐃᓯᐦᒋᑫᐃᐧᓂᐋᐧᐊᐧ 7:36ᓂ ᑲ ᒪᐢᑲᐃᐧᑖᐋᐧᐣ ᒫᑲ ᐯᕒᐅ ᐅᑌᐦ, ᒥᓇ ᓂ ᑲ ᒥᐦᒉᑐᑖᐣ ᓂ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᒥᓇ ᓂ ᒪᒫᑖᐃᐧ ᐊᑐᐢᑫᐃᐧᓇ ᐃᒋᑊᐟ ᐊᐢᑭᕽ. 4ᒫᑲ ᐯᕒᐅ ᓇᒪᐃᐧᔭ ᑭ ᑲ ᓇᑐᐦᑖᑯᐋᐧᐤ, ᐁᑯᓯ ᓂ ᑲ ᐹᑕᑯᓀᐣ ᐃᒋᑊᐟ, ᐁᑯᓯ ᑭᑕ ᐊᐧᔭᐃᐧᑕᐊᑭᐠ ᓂ ᓄᑎᓂᑫᒪᐠ ᒥᓇ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐃᒋᑊᐟ ᐊᐢᑭᕽ ᐅᐦᒋ ᐁ ᐋᐸᒋᐦᑖᔮᐣ ᑭᐦᒋ ᐅᔭᓱᐋᐧᓯᐁᐧᐃᐧᓇ. 5ᐊᓂᑭ ᒫᑲ ᐃᒋᑊᐟ ᐊᔨᓯᔨᓂᐊᐧᐠ ᑭᑕ ᑭᐢᑫᔨᑕᒪᐧᐠ ᓂᔭ ᐁ ᑎᐯᔨᐦᒋᑫᔮᐣ ᐃᐢᐱ ᓱᐃᐧᓂᐢᑫᐢᑕᒫᓂ ᐊᓂᒪ ᐃᒋᑊᐟ ᒥᓇ ᐯ ᐊᐧᔭᐃᐧᑕᐦᐃᒪᑭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᑕ ᐁ ᐊᔮᒋᐠ ᐅᐦᒋ. 6ᒧᓯᐢ ᒫᑲ ᒥᓇ ᐁᕒᐊᐣ ᑭ ᑐᑕᒪᐧᐠ ᑳ ᑭ ᐃᑕᓱᐋᐧᑎᑯᒋᐠ ᑳ ᑎᐯᔨᐦᒋᑫᔨᐟ, ᐁᑯᓯ ᑳ ᑐᑕᐦᑭᐠ. 7ᒧᓯᐢ ᒫᑲ ᐊᔨᓈᓀᒥᑕᓇᐤ ᑭ ᑕᐦᑐᐱᐳᓀᐧᐤ, ᒥᓇ ᐁᕒᐊᐣ ᐊᔨᓈᓀᒥᑕᓇᐤ ᓂᐢᑐᓵᑊ ᑭ ᑕᐦᑐᐱᐳᓀᐧᐤ ᐃᐢᐱ ᑳ ᑭᑐᑖᒋᐠ ᐯᕒᐅᐊᐧ.

8ᑳ ᑎᐯᔨᐦᒋᑫᐟ ᒫᑲ ᑭ ᑭᑐᑌᐤ ᒧᓯᐢ ᒥᓇ ᐁᕒᐊᐣ ᐅᒥᓯ ᐁ ᐃᑌᐧᐟ. 9ᐃᐢᐱ ᐯᕒᐅ ᐊᔭᒥᐃᑯᔦᑯ ᐃᑌᐧᒋ ᒫᑲ, ᐋᐧᐸᐦᑕᐦᐃᐁᐧᐠ ᑭ ᒪᒫᑖᐃᐧ ᐃᓯᐦᒋᑫᐃᐧᓂᐋᐧᐊᐧ ᐁᑯᓯ ᒫᑲ ᐅᒥᓯ ᑭ ᑲ ᐃᑖᐤ ᐁᕒᐊᐣ, ᐅᑎᓇ ᑭ ᓴᐢᑲᐅᓈᑎᐠ ᐃᓯᐁᐧᐱᓇᒪᐤ ᐯᕒᐅ, ᐁᑯᓯ ᒫᑲ ᑭᑕ ᑭᓀᐱᑯᐊᐧᐣ. 10ᒧᓯᐢ ᒫᑲ ᐊᓯᒋ ᐁᕒᐊᐣ ᑭ ᐱᑐᑲᐁᐧᐊᐧᐠ ᐯᕒᐅᐊᐧ ᐁ ᑭ ᑐᑕᐦᑭᐠ ᒫᑲ ᐊᓂᒪ ᑳ ᑎᐯᔨᐦᒋᑫᔨᐟ ᑳ ᑭ ᐃᑕᓱᐋᐧᑎᑯᒋᐠ; ᐁᕒᐊᐣ ᒫᑲ ᑭ ᐃᓯᐁᐧᐱᓇᒼ ᐅ ᓴᐢᑲᐅᓈᑎᐠ ᐁᑖᐢᑕᒪᐱᔨᐟ ᐯᕒᐅᐊᐧ, ᒥᓇ ᐁᑖᐢᑕᒪᐱᔨᐟ ᐅᐟ ᐊᑐᐢᑫᔮᑲᓂᔨᐊᐧ, ᐁᑯᓯ ᐁ ᑭ ᑭᓀᐱᑯᐊᐧᓂᔨᐠ. 11ᐁᑲᐧ ᒫᑲ ᐯᕒᐅ ᐃᐧᐢᑕ ᑭ ᓇᑐᒣᐤ ᑳ ᐃᔨᓂᓯᔨᐟ ᐊᔨᓯᔨᓂᐊᐧ ᒥᓇ ᒥᑌᐊᐧ ᐊᓂᑭ ᒫᑲ ᒥᑌᐊᐧᐠ ᐃᒋᑊᑎᕽ ᐁᑯᓯ ᐃᐧᐢᑕᐋᐧᐤ ᑭ ᑐᑕᒪᐧᐠ ᐅ ᒥᑌᐃᐧᐃᐧᓂᐋᐧᐤ ᐅᐦᒋ. 12ᒋᑫᒫ ᑲᐦᑭᔭᐤ ᐁ ᐃᐦᑕᓯᒋᐠ ᑭ ᐃᓯᐁᐧᐱᓇᒪᐧᐠ ᐅ ᓱᐢᑲᐅᓈᑎᑯᐋᐧᐊᐧ ᐁᑯᓯ ᒫᑲ ᑭ ᑭᓀᐱᑯᐊᐧᓂᔨᐊᐧ; ᒫᑲ ᐁᕒᐊᐣ ᐅ ᓴᐢᑲᐅᐣ ᑭ ᑯᐦᒋᐸᔨᑖᐁᐧᐤ ᑲᐦᑭᔭᐤ ᐅ ᓴᐢᑲᐅᓂᔨᐊᐧ. 13ᑭ ᒪᐢᑲᐃᐧᑖᐋᐧᐣ ᒫᑲ ᐯᕒᐅ ᐅᑌᐦ; ᐁᑯᓯ ᓇᒪᐃᐧᔭ ᓇᑐᐦᑕᐁᐧᐤ, ᑖᐱᐢᑯᐨ ᑳ ᑭ ᐃᑌᐧᐟ ᑳ ᑎᐯᔨᐦᒋᑫᐟ.

14ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐯᕒᐅ ᐅᑌᐦ ᓴᓯᐱᑕᒧᒪᑲᓂᔨᐤ ᐁᑯᓯ ᓇᒪᐃᐧᔭ ᐃᐧ ᐸᑭᑎᓀᐤ ᐊᔨᓯᔨᓂᐊᐧ. 15ᓈᑖᑲᐣ ᐯᕒᐅ ᑫᑭᓭᐹᔭᑭ, ᒋᐢᐟ, ᑭᑕ ᓈᓯᐯᐤ, ᐁᑯᓯ ᒫᑲ ᒋᑭᐯᐠ ᓯᐱᕽ ᑭ ᑲ ᐊᐢᑲᒪᐋᐧᐤ ᐃᐢᐱ ᐯ ᐃᑐᐦᑌᒋ; ᐊᓂᒪ ᒫᑲ ᓴᐢᑲᐅᐣ ᑳ ᑭ ᑭᓀᐱᑯᐊᐧᕽ ᑭ ᑲ ᑕᐦᑯᓀᐣ ᑭᒋᐦᒋᕽ. 16ᐅᒥᓯ ᒫᑲ ᑭ ᑲ ᐃᑖᐤ, ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᐦᐃᐸᕒᐅᐊᐧᐠ ᓂ ᑭ ᐯ ᐃᓯᑎᓴᐦᐅᐠ ᑭᑕ ᐯ ᓈᑎᑖᐣ, ᐅᒥᓯ ᐁ ᐃᑌᐧᐟ, ᐸᑭᑎᓂᐠ ᓂᐟ ᐊᔨᓯᔨᓂᒪᐠ, ᑭᑕ ᓯᐯᐧᑌᒋᐠ ᑭᑕ ᐊᑐᐢᑲᐃᐧᒋᐠ ᐱᑲᐧᑕᐢᑭᕽ; ᒋᐢᐟ ᒫᑲ ᓇᒪᐃᐧᔭ ᑭ ᐃᐧ ᓇᑐᐦᑌᐣ ᐊᓄᐦᐨ ᐃᐢᑯ. 17#ᑭᐢᑫᔨᐦᑖᑯᐦᑫᐃᐧᐣ 16:4ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ, ᐅᑕ ᑭ ᑲ ᐅᐦᒋ ᑭᐢᑫᔨᑌᐣ ᓂᔭ ᐁ ᑌᐯᔨᐦᒋᑫᔮᐣ; ᒫᑎᑲ, ᓂ ᑲ ᐸᑲᒪᐁᐣ ᓂᐱᔭ ᓯᐱᕽ ᑳ ᐊᔮᑭ ᐅᒪ ᓴᐢᑲᐅᓈᑎᐠ ᑳ ᒥᒋᒥᓇᒫᐣ ᓂᒋᐦᒋᕽ ᐅᐦᒋ, ᐁᑯᓯ ᒫᑲ ᑭᑕ ᒥᐦᑯᐊᐧᐣ. 18ᑭᓄᓭᐊᐧᐠ ᒫᑲ ᓯᐱᕽ ᑳ ᐊᔮᒋᐠ ᑭᑕ ᓂᐱᐊᐧᐠ, ᒥᓇ ᓯᐱ ᑭᑕ ᒥᔮᑲᐧᐣ ᐊᓂᑭ ᒫᑲ ᐃᒋᑊᐟ ᐊᔨᓯᔨᓂᐊᐧᐠ ᑭᑕ ᐸᑳᐧᑕᒪᐧᐠ ᑭᑕ ᒥᓂᐦᑫᐧᒋᐠ ᓂᐱ ᓯᐱᕽ ᐅᐦᒋ.

19ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐃᐧᐦᑕᒪᐤ ᐁᕒᐊᐣ, ᐅᑎᓇ ᑭ ᓴᐢᑲᐅᐣ ᐁᑯᓯ ᓱᐃᐧᓂᐢᑫᔨᐢᑕ ᓂᐱᔭ ᐃᒋᑊᑎᕽ, ᐃᑕ ᐁ ᐱᒥᒋᐊᐧᐦᑭ ᐅ ᓯᐱᒥᐋᐧᕽ ᒥᓇ ᐅ ᓯᐱᓯᓯᒥᐋᐧᕽ ᒥᓇ ᐅ ᐋᐧᔨᐯᔮᒥᐋᐧᕽ, ᑭᑕ ᒥᐦᑯᐋᐧᑲᒥᐊᐧ; ᒥᓇ ᑭᑕ ᐃᐦᑕᑲᐧᕽ ᒥᐦᑯ ᒥᓯᐁᐧ ᐁ ᐃᐢᐱᒑᐠ ᐃᒋᑊᐟ ᐊᐢᑭ, ᒥᐢᑎᑯ ᐊᓯᐊᐧᒋᑲᓂᕽ ᒥᓇ ᐊᓯᓂᐃᐧ ᐊᓯᐊᐧᒋᑲᓂᕽ. 20ᒧᓯᐢ ᒫᑲ ᒥᓇ ᐁᕒᐊᐣ ᐁᑯᓯ ᑭ ᑐᑕᒪᐧᐠ, ᑳ ᑭ ᐃᑕᓱᐋᐧᑎᑯᒋᐠ ᑳ ᑎᐯᔨᐦᒋᑫᔨᐟ; ᑭ ᐅᐦᐱᓇᒼ ᒫᑲ ᐅ ᓴᐢᑲᐅᓈᑎᐠ ᐁᑯᓯ ᐁ ᑭ ᐸᑲᒪᐊᕽ ᓂᐱᔭ ᓯᐱᕽ ᑳ ᐊᔮᔨᑭ, ᐁ ᑲᓇᐋᐧᐸᐦᑕᒥᔨᐟ ᐯᕒᐅ, ᒥᓇ ᐁ ᑲᓇᐋᐧᐸᐦᑕᒥᔨᐟ ᐅᐟ ᐊᑐᐢᑫᔮᑲᓇ; ᑲᐦᑭᔭᐤ ᒫᑲ ᐊᓂᐦᐃ ᓂᐱᔭ ᓯᐱᕽ ᑳ ᐊᔮᔨᑭ ᑭ ᒥᐦᑯᐋᐧᑲᒥᓇᐧ. 21ᑭᓄᓭᐊᐧᐠ ᒫᑲ ᓯᐱᕽ ᑳ ᐊᔮᒋᐠ ᑭ ᓂᐱᐊᐧᐠ; ᒥᓇ ᓯᐱ ᑭ ᐃᐧᒉᑲᐣ, ᐃᒋᑊᐟ ᐊᔨᓯᔨᓂᐊᐧᐠ ᒫᑲ ᓇᒪᐃᐧᔭ ᑭ ᒥᓂᐦᑫᐧᐊᐧᐠ ᐊᓂᒪ ᓂᐱ ᓯᐱᐠ; ᒥᓇ ᒥᐦᑯ ᑭ ᐊᔮᐤ ᒥᓯᐁᐧ ᐁᐢᐱᒑᐠ ᐃᒋᑊᐟ ᐊᐢᑭ. 22ᒥᑌᐊᐧᐠ ᒫᑲ ᐃᒋᑊᑎᕽ ᐁᑯᓯ ᑭ ᑐᑕᒪᐧᐠ ᐅ ᒥᑌᐃᐧᐃᐧᓂᐋᐧᐤ ᐅᐦᒋ; ᐯᕒᐅ ᒫᑲ ᑭ ᒪᐢᑲᐃᐧᑌᐦᐁᐤ, ᐁᑯᓯ ᓇᒪᐃᐧᔭ ᑭ ᓇᑐᐦᑕᐁᐧᐤ ᑖᐱᐢᑯᐨ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᐟ. 23ᐯᕒᐅ ᒫᑲ ᑭ ᑫᐧᐢᑭᑳᐸᐃᐧᐤ ᐁ ᑭ ᐊᑎ ᐱᐦᑐᑫᐟ ᐃᐧᑭᕽ, ᐁᑯᓯ ᐅᒪ ᓇᒪᐋᐧᐨ ᐸᐱᓯᐢᑫᔨᑕᒼ. 24ᑲᐦᑭᔭᐤ ᒫᑲ ᐃᒋᑊᐟ ᐊᔨᓯᔨᓂᐊᐧᐠ ᑭ ᐸᐹᒥ ᒧᓇᐦᐊᒪᐧᐠ ᓂᐱ ᑭᑕ ᒥᓂᐦᑫᐧᒋᐠ; ᒋᑫᒫ ᓇᒪᐃᐧᔭ ᑭ ᒥᓂᐦᑫᐧᐊᐧᐠ ᓯᐱᐋᐧᐳ. 25ᑌᐸᑯᑊ ᑭᓯᑳᐤ ᒫᑲ ᑭ ᑎᐱᐸᔨᐤ ᐊᓂᒪ ᐃᐢᐱ ᐅᐦᒋ ᑳ ᑎᐯᔨᐦᒋᑫᐟ ᑳ ᑭ ᐸᑲᒪᐊᕽ ᓯᐱ.

നിലവിൽ തിരഞ്ഞെടുത്തിരിക്കുന്നു:

ᐁᐠᓴᑕᐢ 7: KKMs

ഹൈലൈറ്റ് ചെയ്യുക

പകർത്തുക

താരതമ്യം

പങ്ക് വെക്കു

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

This Bible text is a corrected edition of the 1908 Western Cree Bible; it is in the public domain.

ᑲᓈᒋ ᑭᐦᒋ ᒪᓯᓈᐦᐃᑲᐣ നെക്കുറിച്ച് കൂടുതലറിയുക