ᐁᐠᓴᑕᐢ 6

1ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐁᑲᐧ ᑫ ᐋᐧᐸᐦᑕᒪᐣ ᑫ ᐊᔨᑐᑕᐊᐧᐠ ᐯᕒᐅ; ᒋᑫᒫ ᒪᐢᑲᐃᐧᒥᒋᐦᒋ ᐅᐦᒋ ᑭᑕ ᐸᑭᑎᓀᐤ, ᒥᓇ ᒪᐢᑲᐃᐧᒥᒋᐦᒋ ᐅᐦᒋ ᑭᑕ ᐊᐧᔭᐃᐧᑎᓴᐁᐧᐤ ᐅᐟ ᐊᐢᑭᕽ ᐅᐦᒋ. 2#ᒉᓂᓯᐢ 17:1; 28:3; 35:11; ᐁᐠᓴᑕᐢ 3:13-15ᑭᓭᒪᓂᑐ ᒫᑲ ᑭ ᑭᑐᑌᐤ ᒧᓯᓴ, ᐅᒥᓯ ᐁ ᑭ ᐃᑖᐟ, ᓂᔭ ᑳ ᑎᐯᔨᐦᒋᑫᔮᐣ. 3ᓂ ᑭ ᓄᑯᐦᐃᓱᐢᑕᐋᐧᐊᐧᐠ ᒫᑲ ᐁᑊᕒᐁᐋᒼ, ᐋᐃᓴᐠ, ᒥᓇ ᒉᑲᑊ, ᑭᓭᒪᓂᑐ ᒫᒪᐁᐧᔭᐢ ᑳ ᑭᐦᒑᔨᐃᐧᐟ ᐁ ᐃᓯᔨᐦᑳᓱᔭᐣ, ᒫᑲ ᒋᐦᐆᐊᐧ ᐁ ᐃᓯᔨᐦᑳᓱᔮᐣ ᓇᒪᐃᐧᔭ ᓂ ᑭ ᑭᐢᑫᔨᒥᑲᐧᐠ. 4ᒥᓇ ᒫᑲ ᓂ ᑭ ᐋᔮᑕᐢᑖᐣ ᑳ ᑭ ᐃᓯ ᐊᓱᑕᒪᐊᐧᑭᐠ ᑭᑕ ᒥᔭᑭᐠ ᐊᓂᒪ ᑫᓇᐣ ᐊᐢᑭ, ᐊᓂᒪ ᐊᐢᑭ ᑳ ᑭ ᓈᒋᐱᒋᐢᑕᑭᐠ ᐃᑕ ᑳ ᑭ ᒫᓂᑌᐃᐧᒋᐠ. 5ᒥᓇ ᒫᑲ ᓂ ᑭ ᐯᐦᑕᒫᐧᐣ ᐅ ᑯᑖᑫᔨᒧᐃᐧᓂᐋᐧᐤ ᐋᓂᑭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐊᓂᐦᐃ ᐃᒋᑊᐟ ᐊᔨᓯᔨᓂᐊᐧᐠ ᑳ ᐊᐊᐧᑳᑖᒋᐠ; ᐁᑯᓯ ᒫᑲ ᓂ ᑭ ᑭᐢᑭᓯᑐᑌᐣ ᓂᐟ ᐊᓱᑕᒫᑫᐃᐧᐣ. 6ᐁᐊᐧᑯ ᒫᑲ ᐅᐦᒋ ᐃᓯᐠ ᐊᓂᑭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᓂᔭ ᑳ ᑎᐯᔨᐦᒋᑫᔮᐣ ᑭ ᑲ ᐊᐧᔭᐃᐧᑕᐦᐃᑎᓈᐋᐧᐤ ᐃᑕ ᐅᐦᒋ ᑳ ᓇᔭᒋᑫᐃᑯᔦᑯᐠ ᐃᒋᑊᐟ ᐊᔨᓯᔨᓂᐊᐧᐠ, ᑭ ᑲ ᐸᐢᐱᐦᐃᑎᓈᐋᐧᐤ ᐅ ᑯᑕᑭᐦᐃᐁᐧᐃᐧᓂᐋᐧᕽ ᐅᐦᒋ, ᒥᓇ ᑭ ᑲ ᓈᑕᒫᑎᓈᐋᐧᐤ ᓱᐃᐧᓂᐢᑫᐃᐧᐣ ᒥᓇ ᑭᐦᒋ ᐅᔭᓱᐋᐧᓯᐁᐧᐃᐧᓇ ᐅᐦᒋ. 7ᑭ ᑲ ᐅᑎᓂᑎᓈᐋᐧᐤ ᒫᑲ ᑭᑕ ᐅᐟ ᐊᔨᓯᔨᓂᒥᔮᐣ ᐁᑯᓯ ᒫᑲ ᑭ ᑲ ᐅ ᑭᓭᒪᓂᑐᒥᒥᓈᐋᐧᐤ; ᑭ ᑲ ᑭᐢᑫᔨᑌᓈᐋᐧᐤ ᒫᑲ ᓂᔭ ᑳ ᑎᐯᔨᐦᒋᑫᔮᐣ ᐁᐊᐧᑯ ᑭ ᑭᓭᒪᓂᑐᒥᐋᐧᐤ ᑳ ᐯ ᐅᐦᒋ ᐊᐧᔭᐃᐧᑕᐦᐃᑯᔦᐠ ᐃᑕ ᑳ ᓇᔭᒋᑫᐃᑯᔦᑯᐠ ᐃᒋᑊᐟ ᐊᔨᓯᔨᓂᐊᐧᐠ. 8ᑭ ᑲ ᐯᓯᑎᓈᐋᐧᐤ ᒫᑲ ᐊᓂᑕ ᐊᐢᑭᕽ ᑳ ᑭ ᑭᐦᒋᐃᑌᐧᔮᐣ ᑭᑕ ᒥᔭᐠ ᐁᑊᕒᐁᐋᒼ, ᐋᐃᓴᐠ, ᒥᓇ ᒉᑲᑊ; ᑭᔭᐋᐧᐤ ᒫᑲ ᑭ ᑲ ᒥᔨᑎᓈᐋᐧᐤ ᑭᑕ ᑎᐯᔨᑖᒣᐧᐠ; ᓂᔭ ᑳ ᑎᐯᔨᐦᒋᑫᔮᐣ.

9ᒧᓯᐢ ᒫᑲ ᐁᑯᓯ ᒣᐧᐦᒋ ᑭ ᐊᔨᑌᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ: ᒫᑲ ᓇᒪᐃᐧᔭ ᑭ ᓇᑐᐦᑕᐁᐧᐊᐧᐠ ᒧᓯᓴ ᐁ ᐃᐢᐱᐦᒋ ᑯᑕᑫᔨᒧᒋᐠ ᒥᓇ ᐁ ᐃᐢᐱᐦᒋ ᑯᑕᑭᐦᐃᐦᒋᐠ.

10ᑳ ᑎᐯᔨᐦᒋᑫᐟ ᒫᑲ ᑭ ᑭᑐᑌᐤ ᒧᓯᓴ, ᐅᒥᓯ ᐁ ᐃᑖᐟ, 11ᐱᑐᑲᐤ, ᓇᑕᐃᐧ ᐃᐧᐦᑕᒪᐤ ᐯᕒᐅ ᐃᒋᑊᐟ ᑭᐦᒋ ᐅᑭᒫᐤ, ᑭᑕ ᐸᑭᑎᓈᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐟ ᐊᐢᑭᕽ ᑭᑕ ᐅᐦᒋ ᓯᐯᐧᑌᔨᐟ. 12ᒧᓯᐢ ᒫᑲ ᑭ ᐃᑌᐤ ᐁ ᐅᑎᐢᑲᐃᐧᐢᑲᐋᐧᐟ ᑳ ᑎᐯᔨᐦᒋᑫᔨᐟ, ᐅᒥᓯ ᐁ ᑭ ᐃᑌᐧᐟ, ᒫᑎᑲ, ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓇᒪᐃᐧᔭ ᓄᐦ ᓇᑐᐦᑖᑲᐧᐠ; ᐋᐧᐃᐧᐢ ᒋ ᒫᑲ ᐯᕒᐅ ᓂ ᑲ ᓇᑐᐦᑖᐠ ᐁᑳ ᐁ ᓴᕒᑲᒼᓴᐃᓯᐃᐧᑐᓀᔮᐣ? 13ᑳ ᑎᐯᔨᐦᒋᑫᐟ ᒫᑲ ᑭ ᑭᑐᑌᐤ ᒧᓯᓴ ᒥᓇ ᐁᕒᐊᓇ ᐁᑯᓯ ᐁ ᑭ ᐊᔮᑳᐧᒥᒫᐟ ᑫ ᐃᑖᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᐯᕒᐅᐊᐧ ᐃᒋᑊᐟ ᑭᐦᒋ ᐅᑭᒫᐊᐧ, ᑭᑕ ᐯ ᐊᐧᔭᐃᐧᑕᐦᐋᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᒋᑊᐟ ᐊᐢᑭᕽ ᐅᐦᒋ.

14ᐁᐊᐧᑯᓂ ᐅᐦᐃ ᐁ ᓂᑳᓀᔨᑖᑯᓯᔨᐟ ᐅᑖᐃᐧᐋᐧᐊᐧ ᐃᐧᑭᔨᕽ; ᐅᑯᓯᓴ ᕒᐅᐱᐣ ᐅ ᓂᐢᑕᒧᓵᓇ ᐃᐢᕒᐁᐃᓬ; ᐦᐁᓈᐠ, ᒥᓇ ᐹᓬᐅ, ᐦᐁᓴᕒᐊᐣ ᒥᓇ ᑳᕒᒪᐩ; ᐁᐊᐧᑯᓂ ᐅᐦᐃ ᐅᐟ ᐊᐋᐧᓯᒥᓴ ᕒᐅᐱᐣ. 15ᐅᑯᓯᓴ ᒫᑲ ᓯᒥᔭᐣ, ᒉᒧᐃᓬ, ᒥᓇ ᒑᒥᐣ, ᒥᓇ ᐋᐦᐋᐟ, ᒥᓇ ᒉᑭᐣ, ᒥᓇ ᓵᐦᐋᕒ ᒥᓇ ᓭᐊᓬ ᐅᑯᓯᓴ ᑫᓇᐣ ᐃᐢᑫᐧᐤ; ᐁᐊᐧᑯᓂ ᐅᐦᐃ ᐅᐟ ᐊᐋᐧᓯᒥᓴ ᓯᒥᔭᐣ.

16 # ᓇᒼᐸᕒᐢ 3:17-20; 26:57,58; 1 ᐊᑭᓀ ᐋᒋᒧᐃᐧᓇ 6:16-19 ᐁᐊᐧᑯᓂ ᒫᑲ ᐅᐦᐃ ᐅ ᐃᐧᔪᐃᐧᓂᐋᐧᐊᐧ ᐅᑯᓯᓴ ᓬᐃᐸᐩ, ᐁ ᐃᓯ ᐊᑎ ᐋᔮᓂᐢᑫ ᐱᒫᑎᓯᒋᐠ, ᑲᕒᓴᐣ, ᒥᓇ ᑳᐦᐋᐦᐟ, ᒥᓇ ᒣᕒᐊᕒᐊᐩ; ᑭ ᑕᐦᑐ ᐱᐳᓀᐤ ᒫᑲ ᓬᐃᐸᐩ ᐁ ᐱᒫᑎᓯᐟ, ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᒥᓇ ᓂᐢᑐ ᐊᔨᐋᐧᐠ ᑕᐦᑐ ᐊᐢᑭ. 17ᐅᑯᓯᓴ ᒫᑲ ᑲᕒᓴᐣ, ᓬᐃᑊᓇᐩ, ᒥᓇ ᓯᒥᐊᐩ, ᑳ ᐃᓯ ᐊᑎ ᐅᐟ ᐊᐋᐧᓯᒥᓯᒋᐠ. 18ᐅᑯᓯᓴ ᒫᑲ ᑳᐦᐋᐦᐟ, ᐋᒪᕒᐋᒼ ᒥᓇ ᐃᐢᐦᐋᕒ, ᒥᓇ ᐦᐁᐸᕒᐊᐣ, ᒥᓇ ᐊᓵᔨᓬ; ᑕᐦᑐ ᐱᐳᐣ ᒫᑲ ᐃᔨᑯᕽ ᑳ ᑭ ᐱᒫᑎᓯᐟ ᑳᐦᐋᐦᐟ, ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᓂᐢᑐ ᐊᔨᐋᐧᐠ ᑕᐦᑐ ᐊᐢᑭ. 19ᐅᑯᓯᓴ ᒫᑲ ᒣᕒᐊᕒᐊᐩ, ᒫᐦᓬᐊᐩ ᒥᓇ ᒪᓴᐩ, ᐁᐊᐧᑯᓂ ᐅᐦᐃ ᐅᐟ ᐊᐋᐧᓯᒥᓴ ᓬᐃᐸᐩ ᑳ ᑭ ᐊᑎ ᐃᓯ ᐋᔮᓂᐢᑫ ᐱᒫᑎᓯᔨᐟ. 20ᐋᒪᕒᐋᒼ ᒫᑲ ᑭ ᐅᑎᓀᐤ ᒑᑲᐯᑕ ᐅᑖᐃᐧᔭ ᐅᑕᐁᐧᒫᔨᐊᐧ ᑭᑕ ᐃᐧᐃᐧᐟ; ᐁᑯᓯ ᑭ ᓂᐦᑖᐃᐧᑭᑕᒫᐠ ᐁᕒᐊᐣ ᒥᓇ ᒧᓯᐢ; ᑕᐦᑐ ᐱᐳᐣ ᒫᑲ ᑳ ᑭ ᐱᒫᑎᓯᐟ ᐋᒪᕒᐋᒼ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᑌᐸᑯᑊ ᐊᔨᐋᐧᐠ ᑕᐦᑐ ᐊᐢᑭ. 21ᐅᑯᓯᓴ ᒫᑲ ᐃᐢᐦᐋᕒ, ᑳᕒᐊ, ᒥᓇ ᓂᐦᐯᐠ, ᒥᓇ ᓯᑲᕒᐊᐩ. 22ᐅᑯᓯᓴ ᒫᑲ ᐊᓵᔨᓬ, ᒥᓭᐃᓬ, ᒥᓇ ᐁᓬᓭᐦᐹᐣ, ᒥᓇ ᓯᐦᑕᕒᐊᐩ. 23ᐁᕒᐊᐣ ᒫᑲ ᑭ ᐅᑎᓂᐤ ᐃᓬᐊᐃᓯᐸ ᐅᑖᓂᓵ ᐊᒥᓇᑖᑊ, ᐅᑕᐁᐧᒫᐊᐧ ᓀᓴᐣ ᑭᑕ ᐃᐧᐃᐧᐟ, ᑭ ᓂᐦᑖᐃᐧᑭᑕᒪᐧᐠ ᒫᑲ, ᓀᑖᑊ ᒥᓇ ᐊᐸᐃᔪ, ᐁᓬᐃᐁᓴᕒ ᒥᓇ ᐃᐦᑌᒫᕒ. 24ᐅᑯᓯᓴ ᒫᑲ ᑳᕒᐊ, ᐋᓴᕒ ᒥᓇ ᐁᓬᑫᓇ, ᒥᓇ ᐊᐹᔭᓵᐦᑊ; ᐁᐊᐧᑯᓂ ᐅᐦᐃ ᐅᐟ ᐊᐋᐧᓯᒥᓯᐋᐧᐊᐧ ᑳᕒᐊᐃᑕᐟ. 25ᐁᓬᐃᐁᓴᕒ ᒫᑲ ᐁᕒᐊᐣ ᐅᑯᓯᓴ ᑭ ᐅᑎᓀᐤ ᐯᔭᐠ ᐅᑖᓂᓯᔨᐊᐧ ᐳᑎᔦᓬ ᑭᑕ ᐃᐧᐃᐧᐟ; ᐁᑯᓯ ᑭ ᓂᐦᑖᐃᐧᑭᑕᒫᐠ ᐱᓂᔮᓴ. ᐁᐊᐧᑯᓂ ᐅᐦᐃ ᑳ ᓂᑳᓀᔨᑖᑯᓯᔨᐟ ᐊᑖᐃᐧᐋᐧᐊᐧ ᓬᐃᐸᐃᑕᐠ, ᑳ ᑭ ᐊᑎ ᐃᓯ ᐅᐟ ᐊᐋᐧᓯᒥᓯᒋᐠ. 26ᐁᐊᐧᑯᓂᐠ ᐋᓂᑭ ᐁᕒᐊᐣ ᒥᓇ ᒧᓯᐢ, ᐊᓂᐦᐃ ᑳ ᑎᐯᔨᐦᒋᑫᐟ ᑳ ᑭ ᐃᑖᐟ, ᐯ ᐊᐧᔭᐃᐧᑕᐦᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᒋᑊᐟ ᐊᐢᑭᕽ ᐅᐦᒋ, ᐁ ᐊᔨᑕᐦᑐᑌᐃᐧᓯᒋᐠ. 27ᐁᐊᐧᑯᓂᐠ ᐅᑭ ᑳ ᑭ ᑭᑐᑖᒋᐠ ᐯᕒᐅᐊᐧ ᐃᒋᑊᐟ ᑭᐦᒋ ᐅᑭᒫᐊᐧ, ᑭᑕ ᐊᐧᔭᐃᐧᑕᐦᐋᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᒋᑊᑎᕽ ᐅᐦᒋ. ᐁᐊᐧᑯᓂᐠ ᒧᓯᐢ ᒥᓇ ᐁᕒᐊᐣ.

28ᑭ ᐃᐢᐸᔨᐤ ᒫᑲ ᐊᓂᒪ ᐁ ᑭᓯᑳᐠ ᐃᐢᐱ ᑳ ᑎᐯᔨᐦᒋᑫᐟ ᑳ ᐊᔭᒥᐦᐋᐟ ᒧᓯᓴ ᐊᓂᑕ ᐃᒋᑊᐟ ᐊᐢᑭᕽ. 29ᑳ ᑎᐯᔨᐦᒋᑫᐟ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑌᐧᐟ, ᓂᔭ ᐅᒪ ᑳ ᑎᐯᔨᐦᒋᑫᔮᐣ, ᐃᐧᐦᑕᒪᐤ ᐃᒋᑊᐟ ᑭᐦᒋ ᐅᑭᒫᐤ ᑲᐦᑭᔭᐤ ᐊᓂᒪ ᑳ ᐊᔨᑎᑖᐣ. 30ᒧᓯᐢ ᒫᑲ ᐅᒥᓯ ᑭ ᐃᑌᐤ ᑳ ᑎᐯᔨᐦᒋᑫᔨᐟ, ᒫᑎᑲ, ᓇᒪᐃᐧᔭ ᓂ ᓴᕒᑲᒼᓴᐃᓯᐃᐧᑐᓈᐣ, ᑖᓂᓯ ᒫᑲ ᐯᕒᐅ ᑫ ᑭ ᐃᓯ ᓇᑐᐦᑕᐃᐧᐟ?

നിലവിൽ തിരഞ്ഞെടുത്തിരിക്കുന്നു:

ᐁᐠᓴᑕᐢ 6: KKMs

ഹൈലൈറ്റ് ചെയ്യുക

പകർത്തുക

താരതമ്യം

പങ്ക് വെക്കു

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

This Bible text is a corrected edition of the 1908 Western Cree Bible; it is in the public domain.

ᑲᓈᒋ ᑭᐦᒋ ᒪᓯᓈᐦᐃᑲᐣ നെക്കുറിച്ച് കൂടുതലറിയുക