Iyohaichish 138

138

138. Iyohaichish.

Dabid kara iyohaichish.

1RAMUOSSHI wano E koyaiiraige ash na:

Kamui utara kotchaketa E orun iramyep ku shinotcha ki kusu ne.

2E koro Ashkanne kenru oropeka ku ongami,

Orowa, E koro omap-an-ramuhauge irenga newa sonep gusu E kon reihei orun ku koyaiiraige ash kusu ne:

E kon reihei kasu no E korʼitak E pasere nisa ruwe ne gusu ne na.

3E konishuk toho ta Aokai en koese,

Ku keutum E tumashnure wa en omaoma nisa ruwe ne.

4Aa Ehoba, obitta no okai moshiri shikkashima utara

E koyaiiraige kusu ne,

Nei utara E paroho sange itak nu nisa ruwe ne gusu ne na.

5Ruwe ne wa, nei utara anak ne Ehoba iki buri gusu shinotcha ki kusu ne;

Ehoba nupeki porope ne ruwe ne gusu ne na.

6Ehoba anak ne pase ne a yakka, Shinuma irapokkari utara orun koingan ruwe ne:

Koroka, ehangeko no an ushike wano pakesara utara nukan ruwe ne.

7Kuani anak ne yairamhekomo ambe kush wa apkash yakka, Aokai ku sambe shiturire kusu ne;

Aokai anak ne en epokba utara kinrakarape orun E teke koturi,

Aige, E shimon teke en kashiobiuki kusu ne.

8En gusu an orushpe anak ne Ehoba okere kusu ne:

Aa Ehoba, E koro rampoken otusashuishiri pakno an;

Yaikota E teke ki ikip iteki emaka wa en kore.

നിലവിൽ തിരഞ്ഞെടുത്തിരിക്കുന്നു:

Iyohaichish 138: AINU

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Iyohaichish 138
-ൽ നിന്നുള്ള പ്രശസ്ത ബൈബിൾ വചനങ്ങൾ