Mattaios 7
7
7 Ik.
1Echi utara shomo akoipishi kuni ne, iteki koipishi yan. 2Inambe gusu ne yakun, koipishi wa esanniyo nei no, echi akoipishi wa aesanniyo kusu ne: orowa, pakari wa echi kore korachi, echi gusu ne yakka apakari wa akore kusu ne. 3Orowa, nep gusu yaikota koro shikihi oshiketa an umanki-ni shomo nukara wa, iriwak shikihi otta an pana numi esanniyo ya? 4Samata, yaikota koro shikihi oshiketa umanki-ni an, aige, nekon ne wa koro iriwak otta, e koro shikihi oshiketa an pana numi en ukte yan, ani itak ya? 5Kankapkapeka guru, yaikota koro shikihi otta an umanki-ni hoshiki no oashinge, yakun, iriwak shikihi oshiketa an pana numi oashinge kuni gusu nukara eashkai nangon na.
6Ashkanne okaibe iteki seta kore, orowa, buta kotchaketa echi koro shinju iteki osura yan, ika ikineipeka buta anak ne kema ani shinju otereke, orowa, hosari wa echi kubaba nangon na. 7Koramkoro yan, yakun echi akore kusu ne; humara yan, yakun, echi pa; apa ushta shirikik yan, 8yakun, echi gusu amaka kusu ne na; inambe gusu ne yakun, nen ne yakka koramkoro chiki akore: hunara guru pa; apa ushta shirikik guru otta amaka kusu ne na. 9Koro poho shi to koramkoro yak anak ne, otta shuma kore guru echi tumuta okai ya? 10Chep koramkoro chiki okokko kore guru an ruwe he an? 11Wen buri koro echi utara ne yakka pirika eikrap koro poho otta koropare katu aramu yakun, kasu no kando otta an echi koro michihi anak ne koramkoro guru otta pirikap shomo koropare ruwe he an? 12Tambe gusu, moshima guru orowa no nep ki ambe echi kon rusui nei no, shinuma otta ne yakka ki yan: tambe anak ne Kamui ikashpaotte newa uweingarape ne ruwe ne na.
13Hutne apa kari ahup yan: aisamka an i orun arapa ru anak ne sep, orowa apa poro, te oro ahup utara inne ruwe ne gusu ne na. 14Inotu an i otta oman ru anak ne hutne, apa ushta pon, tan ru kari ahup utara anak ne moyo ruwe ne gusu ne na.
15Shunge uweingara utara yaitubare yan; nei utara hitsuji rush yaimire wa araki, koroka, keutum anak niwen horokeu korachi ne ruwe ne. 16Nei utara ene iki ikip ani aeramu an kusu ne. Ainu anak ne emauri ni orowa no hat uk ya? 17Anzami orowa no ichijiku uk ruwe he an? Tap ne korachi, nep pirika chikuni ne yakka pirika ibehe koro, koroka, wen chikuni anak ne wen ibehe hetukbare ruwe ne. 18Pirika chikuni wen ibehe koro eaikap, wen chikuni pirika ibehe koro eaikap ruwe ne. 19Nep chikuni ne yakka pirika ibehe hetukure shomoki chiki, aotuye wa abe orota aomare ruwe ne. 20Tambe gusu, nei utara ene ikihi ani aeramu an ruwe tap an na. 21En otta Utarapa, Utarapa, ani ye guru anak ne pishno kando moshirʼotta ahup shomoki; ouse kando otta an Ku goro Michi irenga nei no ki guru patek ahun kusu ne na. 22Nei tobo ta inne utara En otta ene ye-hi :— Utarapa, Utarapa, E reihei rengap gusu uweingara shomo chi ki ya? E reihei rengap gusu nitne kamui oashinge shomo chi ki ya? E reihei rengap gusu usa kiroro an ikip shomo chi ki ruwe he an? — sekoro itak kusu ne. 23Nei ita Kuani ene ese itak-hi :— Kuani echi eramushkare, wen buri ki utara, oyakta paye yan, ari Ku ye kusu ne. 24Tambe gusu, tap Ku ye itak nu wa nei no ki utara anak ne, watara kata koro chisei kara wayashnu guru ukoheraye ruwe ne: 25apto ran, okimumbe san, rera rui wa nei chisei epeka yakka, horak shomoki ruwe ne: watara kata asama aande 26wa an ruwe ne gusu ne na. Orowa, tap Ku ye itak nu wa nei no ki shomoki utara anak ne ota kata chisei kara ramu isam guru ukoheraye ruwe ne. 27Apto ran, okimumbe san, rera rui wa nei chisei epeka gusu horak; nei horak ambe anak ne poro ruwe tapan na.
28Yesu tan okai itak ye okere chiki, nei inne utara anak ne nei epakashi gusu iyokunnure ruwe ne; 29inambe gusu ne yakun, kambi-nuye utara nei no epakashnu shomoki, mondum nei no an korachi epakashnu nisa ruwe ne gusu ne na.
നിലവിൽ തിരഞ്ഞെടുത്തിരിക്കുന്നു:
Mattaios 7: AINU
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© British and Foreign Bible Society 1897, 2018
