Mattaios 19
19
19 Ik.
1Orowa, Yesu tan itak ye okere chiki Gariraya moshiri ekohopi oman wa Yorodan pet kushketa an Yudea moshiri eepaketa ek ruwe ne; 2awa, inne topaha utara Shinuma osh araki ruwe ne; awa, toada Shinuma nei utara iwangere nisa ruwe ne na. 3Orowa, Parisee un utara Shinuma koramnukara gusu orota araki wa ene itak-hi :— Nep ikkewehe ari yakka ainu anak ne koro machi osurupa yakun pirika ruwe he an? 4ari itak Shinuma ese wa ene itak-hi :— Atpaketa Kamui ainu kara ita anak okkai ainu newa matne ainu kara, orowa ene ye-hi :— 5Tambe gusu ainu anak ne koro ona koro unu are wa kon machi tura ko-an kusu ne; orowa, nei tun anak ne shine kam ne ruwe ne, sekorʼambe echi oro-oitak shomoki ruwe he an? 6Tambe gusu nei utara anak ne tun shomo ne, shine kara ne ruwe ne. Tambe gusu, Kamui orowa no aukotukka ambe nen ne yakka iteki usa ande yan. 7Nei utara Shinuma otta ene itak-hi :— Yakun, ainu anak ne koro machi osurupa chiki, aosurupa kambi sange yan, ani nep gusu Mose ikashpaotte nisa ruwe he an? 8Orota Yesu ene itak-hi :— Echi sambe-nishte wa gusu, echi koro machi osurupa ambe Mose ramu-oshma nisa ruwe ne; koroka, atpake wano nei no an shomo ne ruwe tapan na. 9Orowa, echi otta Ku ye, nen ne yakka ramupekere ika moshima ambe gusu koro machi osurupa wa moshimap ahupkara gurʼanak ne omoinu kon ruwe ne; orowa, nei aosurupa shiwentep ahupkara guru ne yakka omoinu kon ruwe ne. 10Orowa, koikara utara Shinuma otta ene itak-hi :— Umurek guru tapne ne hawe ne yakun, machi shomo ahupkara ambe pirika ruwe ne. 11Koroka, orota Shinuma ene itak-hi :— Ainu obitta tap Ku ye itak uk eaikap, ouse uk kuni mondum akore guru patek tan itak koro eashkai ruwe ne. 12Hekatu orowa no eunokos ka okai ruwe ne; ainu orowa no akara eunokos ka okai ruwe ne; orowa, Kando moshiri ankushkerai gusu yai-kara eunokos ka okai ruwe ne. Tap ambe uk eashkai guru, uk yan.
13Orowa, kashiketa toro tekehe ande wa inonno-itak kuni ne nokan utara atura wa okai ruwe ne; awa, koikara utara kopao nisa ruwe ne. 14Koroka, Yesu ene itak-hi :— Nokan utara En otta araki-i ramu-oshma, iteki hattoki yan; Kando moshirʼunbe anak ne nei no okaibe ne ruwe ne gusu ne na. 15Orowa, Shinuma nei utara kashiketa teke ande; orowa no nei kotan wano paye nisa ruwe ne na.
16Orowa, ingarʼan, shine ainu Shinuma otta ek wa ene itak-hi :— Epakashnu guru, hembara pakno ne yakka isam shomoki inotu a en kore kuni ne, nekon a pirika ambe ku iki yak pirika ya? 17Orota Shinuma ene itak-hi :— Hemanda gusu pirika ambe gusu En orun uwepekennu ruwe he an? Pirika guru shinen an: koroka eani ishu-i orun ahun rusui chiki, ikashpaotte shikkashima yan. 18Nei guru, Inambe, ari itak ruwe ne. 19Yesu ene itak-hi :— Iteki keuk yan, iteki omoinu koro yan, iteki ikka yan, iteki shunge paweteshu ki yan, e koro ona e koro unu ko-oripak yan; orowa, yai-omap korachi moshima an guru omap yan. 20Orota nei upen ainu ene itak-hi :— Nei okaibe obitta ku shikkashima nisa ruwe ne; naa uhaita ushike an a? 21Orota Yesu ene itak-hi :— Uhaita sak no an kuni e kon rusui chiki anak ne, oman wa e korobe eihok, orowa, irapokkari guru otta kore, yakun, kando oshiketa ikoro koro kusu ne: orowa, ek wa En osh ek yan. 22Koroka, nei upen guru tan itak nu chiki, oknatara wa oman, poro ikoro koro guru ne ruwe ne gusu ne na.
23Orowa, Yesu anak ne koro koikara utara otta ene itak-hi :— Son no echi otta Ku ye, Ikoro koro guru Kando moshirʼotta ahun-i anak ne hokamba ruwe ne. 24Shui echi otta Ku ye, ikoro koro guru Kamui moshirʼotta ahun ambe kasu no rakuda chikoikip kem-pui oboso wa oman-i anak ne naa isaika ruwe ne. 25Orowa koikara utara tap itak nu chiki shi no enushkari hine ene itak-hi :— Yakun, kashi-a-obiuki eashkai guru nen ne ruwe he an? 26Orowa, Yesu nei utara orun ingara wa ene itak-hi :— Tambe anak ne ainu gusu eaikapbe ne, koroka, Kamui gusu nep ne yakta aeaikapbe isam ruwe ne. 27Orowa, Petros ese wa Shinuma otta ene itak-hi: Ingarʼan chi utara anak ne nep ne yakka ande wa E oshi araki ash, tambe gusu nep chi koro kusu ne? ari itak. 28Nei utara otta Yesu ene itak-hi :— Son no echi otta Ku ye, En osh araki utara echi utara anak ne ashino hekatu ita, Ainu Poho nupeki araset kata a kusu ne ita, echi utara ne yakka tup ikashima wan araset kashiketa rok wa Israeru un tup ikashima wan ikiri ne okai utara koipishi kusu ne. 29Orowa, nen ne yakka chisei hene, ainu uiriwak hene, matne uiriwak hene, ona hene, unu hene, poho hene, toi hene, Ku rengap gusu ande chiki, ashikne hotne pakno koro, orowa, hembara pakno ne yakka shiokere shomoki inotu eikeshkoro kusu ne. 30Koroka, inne iyoshi no an ambe anak ne hoshiki no ne, hoshiki an ambe anak iyoshi ne kusu ne na.
നിലവിൽ തിരഞ്ഞെടുത്തിരിക്കുന്നു:
Mattaios 19: AINU
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© British and Foreign Bible Society 1897, 2018
