Mattaios 16
16
16 Ik.
1Orowa, Parisee un utara newa Saddokai un utara araki hine Shinuma koramnukara wa kando orowa shirosh nukare kuni koramkon nisa ruwe ne na. 2Koroka, orota Shinuma ese wa ene itak-hi :— Onuman anak ne kando kotoro fure gusu, shiri pirika kusu ne sekoro echi ye ruwe ne. 3Orowa, kunneiwano anak ne kando kotoro fure, nishkuru ram gusu, tanto shiri wen kusu ne sekoro echi ye ruwe ne. Kando kotoro uwande wa echi eraman, koroka, pakihi gusu an shirosh echi erampeutek ruwe ne. 4Wen wa omoinu koro sanikiri anak ne shirosh hunara ruwe ne, koroka, Yona gusu an shirosh moshima anak shirosh akore shomoki kusu ne na. Orowa, Shinuma nei utara ekohopi wa oman nisa ruwe ne na.
5Orowa, koikara utara anak ne atui kushta shirepa, awa, pantak koro kuni ambe oira nisa ruwe ne. 6Orowa, orota Yesu ene itak-hi :— Parisee un utara newa Saddokai un utara koro pandane yaitubare yan. 7Aige, nei utara anak ne utashpa uwe-upaure wa ene itak-hi :— Tap ambe anak ne pantak chi oira gusu an itak ne, ari itak. 8Awa, Yesu tambe eramu an wa ene itak-hi :— Aa eishokor-i pon utara, hemanda gusu pantak echi oira gusu uwe-upaure ruwe he an? 9Nei go sen nin ne ainu newa nei ashikne pantak, 10orowa, saranip hempakbe echi umomare ambe hene; samata, shui, nei shi sen nin ne ainu newa arawan pantak orowa saranip hempakbe echi umomare ambe hera hera, echi ramepakari wa eshikarun shomoki ruwe he an? 11Kuani anak ne pantak epeka gusu echi otta Ku ye shomoki ambe hemanda gusu shomo echi ramepakari ya? Koroka, Parisee un utara newa Saddokai un utara koro pandane yaitubare yan. 12Tambe gusu, Shinuma anak ne pantak pandane gusu yaitubare kuni ye ambe shomo ne, koroka Parisee un utara newa Saddokai un utara koro epakashi gusu an itak ne, sekoro koikara utara eraman nisa ruwe ne na. 13Orowa, Yesu, anak ne Kaisarea Pirippos kotan an ushita ek wa an ita, koro koikara utara otta ene uwepekennu-hi :— Ainu Poho anak ne nen ne kuni utara ye ruwe he okai? 14Orota nei utara ene itak-hi :— Baptisma kore Yoannes ne ye utara ka okai; Ericha ani ye utara ka okai; Yeremia hene, uweingara utara tumuge un shine uweingara guru bene ye utara ka okai ruwe ne, ari ye nisa ruwe ne. 15Orota, Shinuma ene itak-hi :— Echi utara anak Kuani nen ne kuni echi ye ruwe he an? 16Simon Petros ese wa ene itak-hi :— Aokai anak ne Kiristo ne: Ishu Kamui koro poho E ne ruwe ne, ari itak. 17Orowa, shinuma otta Yesu ese wa ene itak-hi :— Simon Bar-Yona, tap ambe e epakashnu gurʼanak ne kam newa kem shomo ne, kando otta an Ku Michi anak tan orushpe e eramande nisa ruwe ne gusu, anunuke ainu e ne ruwe ne. 18Orowa, tambe ka e otta Ku ye, Aokai anak ne Petros ne, orowa tan watara kata Ku karisia Ku ashte kusu ne; orowa, Hedes apa nei ambe annokara shomoki kusu ne ruwe ne. 19Kuani anak ne kando moshiri apa kangi e kore ash kusu ne; orowa, nep ne yakka moshiri kata e tupetupe yakun, kando otta ne yakka atupetupe kusu ne: orowa, nep ne yakka moshiri kata e pita yakun, kando otta ne yakka apita kusu ne na.
20Orowa Shinuma anak ne Kiristo ne sekoro iteki moshima guru otta nure kuni koikara utara eikashpaotte nisa ruwe ne na.
21Nei i orowa no Yesu anak ne Yerusarem kotan orota oman wa ekashi orowa no hemhem Kamui kora kenru esapane utara orowa no hemhem, kambi-nuye utara orowa no hemhem inne okaibe gusu ramuashitnere, aige, araige hine rere-ko an ita hetopo-a-shiknure kusu ne ari an ambe koro koikara utara otta epakashnu heashi nisa ruwe ne. 22Orowa, Petros anak ne Shinuma uk wa kosakayokara hine ene itak-hi :— Aerampokiwen wa akore, Utarapa, tap okaibe anak ne ara E epeka shomoki kusu ne na, sekoro itak. 23Koroka, Shinuma hosari wa Petros otta ene itak-hi :— Satan, En oshmake un oman; eani anak ne En gusu an ureepetchiurep e ne, eani anak ne Kamui gusu an orushpe esanniyo shomoki, ainu gusu an orushpe esaniyo ruwe ne gusu ne na, sekoro itak.
24Orowa no Yesu anak ne koro koikara utara otta ene itak-hi :— Nen ne yakka, En osh ek kuni ramu guru an chiki, yaikota yaieshina wa koro utasap ani wa En osh ek yan. 25Inambe gusu ne yakun, nen ne yakka kon ramat kaobiuki kuni esanniyo guru anak ne nei ambe turainu kusu ne; orowa, Ku rengap gusu kon ramat turainu gurʼanak ne nei ambe pa kusu ne ruwe ne gusu ne na. 26Inambe gusu ne yakun, Ainu anak ne moshirʼebitta eyaiepirikare wa kon ramat eyaiewende yak anak ne, hemanda ani aeyaiepirikare ruwe he an? Orowa, ramat shirihine ainu anak ne nep koropare ruwe he an? 27Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na. 28Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.
നിലവിൽ തിരഞ്ഞെടുത്തിരിക്കുന്നു:
Mattaios 16: AINU
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© British and Foreign Bible Society 1897, 2018
