Zobur Shorif 6

al-Zobur 6

Ebadot-bondegi forisaloḳor lagi: tarala baznadi gaite oibo, bazona shur ‘Sheminit’.

Hozrot Daudor mizmor.

1Damki dio na go Mabud gusa ḳoria,

shaza dio na more rag ḳoria.

2Doya ḳoro amae Mabud hukai zaiar ami,

bemar shifa ḳoro tumi ḳafer mor aḍḍi.

3Ḍoror suṭe amar zan doṛfoṛ doṛfoṛ ḳore,

ar ḳotodin solbo ila mor zibone?

4Firia sao go Mabud basao amar zan,

tumar doyar duai lage ḳoro mor asan.

5Morar bade tumare to ḍaḳar nai ufae,

fatalo hamanir bade tumar gunogan ḳe gae?

6Ḳandi ḳandi amar bisna forti rait bizailai,

amar souḳor fanie bisna-balish bizia zae,

7dilor duke amar souk hukai zar,

dushmonor ḍore souk amar ḳomzur boniar.

8Amar ges taki bago hoḳol naforman,

Mabude to hunchoin amar dilor ḳandon.

9Furafur hunchoin tain amar minoti,

ḳobul ḳorsoin tain amar arzi.

10Amar hokkol dushmon ḍoror suṭe ḳafouk,

shorom faia oḳon-u amar fis saṛouk.

നിലവിൽ തിരഞ്ഞെടുത്തിരിക്കുന്നു:

Zobur Shorif 6: sylL

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Zobur Shorif 6
-ൽ നിന്നുള്ള പ്രശസ്ത ബൈബിൾ വചനങ്ങൾ