Asmani Kitab: Iunus Forisiti
Forisiti
Ou sohifat amra kub boṛo boṛo nanan kudroti goṭonar ḳota faimu. Foyla, Alla Pakor eḳzon nobie Allar hukum mante razi oila na. Dusra, masor feṭo eḳ manush tin din, tin rait zinda roila. Tin nombor, ou nobi zoto zagat-u gela na ḳene, gia deḳla, kafir-mushrik oḳole, murtipujari manshe, tan saite-o beshi Allare mane, ar Allar morzi-munsha tara aro balamonte buze. Ou nobi oila Hozrot Iunus (a:). Ashole, tain Allar hukum na manar fisone boṛo ek karon-o asil, ḳaron oilo, Allae to tanre Ninob ṭauno toblig korar lagi faṭaita saila, ar i Ninobor manush asla hou zomanar hoḳol taki nisṭur ar zulumbaz zati. Ḳali ikan nae, tara hamesha Iunus nobir nizor zati Boni Israilor loge laṛai-zuddo ḳorta.
Asmani Kitab fobitro Injil Shorifo, Hozrot Isa al-Mosie tan nizor zatir manshor dush deḳaia ḳoila, “Iunus nobi zela masor feṭo tin din, tin rait asla, ami-o oula tin din, tin rait maṭir tole roimu. Kiamotor din hou Ninob ṭaunor murda oḳol uṭia hari, i zomanar manshor dush zair ḳorba. Ḳaron Iunus nobir toblig hunia tara touba ḳorsila. Oile oḳon to Iunus taki-o aro mohan eḳzon ino asoin, ta-o manshe touba ḳorer na.”
Mul ḳota oilo, Hozrot Isa al-Mosir zomanar manshe eḳ Allare ṭik-u manta, tara kub Alla-billa ḳorta, oile tara guna-naformanir ḳam bad na deoae, gunar lagi touba na ḳorae Allar dorbaro dushi roila. Oile Ninob ṭaunor hou naforman zulumbaz ar murtipujari manshe zebla touba ḳorla, tara loge loge Allar dorbaro doya-meherbani faila, ar nichchit gozob taki basigela. Alla to rohmanur rohim, tain nizor bondar ḳas dushmonre-o maya ḳoroin, oile Alla Pakor ou doya-mayar lagi Iunus (a:) nobie foyla gusa ḳorla, zudio heshe tain buz faila.
Hozrot Isa al-Mosir zonmor 750-800 bosor age ou sohifa leḳa oise.
Ermaze ase:
(1) Hozrot Iunus (a:) bagi zaoa 1 ruku
(2) Masor feṭo Hozrot Iunusor touba 2 ruku
(3) Ninob ṭauno toblig kora 3 ruku
(4) Iunusor gusa ar Allar maya-momota 4 ruku
നിലവിൽ തിരഞ്ഞെടുത്തിരിക്കുന്നു:
Asmani Kitab: Iunus Forisiti: sylL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Ahle Kitab Society. All rights reserved.