Sigingo Kete tënë na ndö ti Mbeti ti Sigingo ti azo ti Israel
Kete tënë na ndö ti Mbeti ti Sigingo ti azo ti Israel
Na yanga ti faranzi, iri ti mbeti ni ayeke Exode. Exode aye ti tene “Guengo ni” wala “Sigingo ni”. Mbeti so ayeke sara tënë ti mbeni kota ye so ahon ndoni, so asi na ya ti mbai ti azo ti Israel. Kota ye ni ayeke sigingo ti ala na sese ti Ezipte. Na ya ti mbeti so, e yeke wara akota kangbi ota:
Na ya ti kozo kangbi ni (1–13), *ahale ti Jacob, so titene azo ti Israel ayeke na kodro ti Ezipte. Kâ, ala yeke tongana angbaa si ala yeke baa pasi mingi. *KOTA GBIA asoro Moïse titene lo gue, lo zi ala na sese ti Ezipte si lo sigigi na ala.
Na ya ti use kangbi ni (14–18), azo ti Israel ayeke na lege ti gue na ndö ti hoto ti Sinai, hoto ti Nzapa so ayeke nde si ayeke nzoni kue. Guengo ti ala ni anzere na be ti gbia ti Ezipte pepe. Nilaa lo tokua aturugu ti lo ti gue ti gbu ala. Me Nzapa asara ye ti kpene si lo soo azo ti lo na kuâ. Na lege, so azo ni angba ti tambula, Nzapa ayeke mu na ala ngu na kobe.
Na ya ti ota kangbi ni (19–40), azo ti Israel asi na hoto ti Sinai. Nzapa asara *mbuki na azo ti lo. Lo si na Moïse si lo mu na lo Andia baleoko nga na ambeni ndia nde nde. Nzapa afa lege so azo alingbi ti voro lo na ni. Lo mu yanga titene a sara ndo so azo alingbi ti voro lo daa.
Azo ti Israel ayeke wara ye ti ala gi na maboko ti Nzapa. Me hio tongaso, be ti ala awoko si ala sara yanda ti ala wani. Nzapa atene na ala:
“Mbi laa mbi yeke KOTA GBIA, Nzapa ti mo. Mbi laa mbi sara si mo sigigi na Ezipte, ndo so lani mo yeke ngbaa daa. Alingbi mo voro ambeni nzapa nde pepe, gi mbi oko.”
(20.2)
Akota ye so ayeke na ya ti mbeti so:
- Azo ti Israel ayeke angbaa na Ezipte 1
- A du Moïse si lo yeke kono 2
- Nzapa afa tere ti lo na Moïse si lo fa nga iri ti lo na Moïse 3–4
- Moïse na Aaron atene tënë na gbia ti Ezipte 5–6
- Nzapa atokua akota kpale baleoko na ndö ti azo ti Ezipte 7–11
- Azo ti Israel asara kozo matanga ti Pake 12–13
- Azo ti Israel afâ kota ngu-ingo si ala yeke gue na hoto ti Sinai 14–18
- Nzapa amu Andia baleoko 19–24
- Nzapa amu yanga ndali ti da ti lo ti bongo 25–27
- Nzapa afa lege so a yeke zia awayango-sandaga na kua ti ala; lo fa lege ti batango lango ti wungo tere 28–31
- Azo ti Israel asara yanda 32
- KOTA GBIA akiri aleke mbuki so azo ti Israel abuba ni 33–34
- Sarango kua ti da ti bongo ato ndani 35–39
- A zia da ti bongo nde ndali ti KOTA GBIA 40
നിലവിൽ തിരഞ്ഞെടുത്തിരിക്കുന്നു:
Sigingo Kete tënë na ndö ti Mbeti ti Sigingo ti azo ti Israel: MNF2010
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© La Société Biblique de Centrafrique 2010