ROMEINE 12-ൽ നിന്നുള്ള പ്രശസ്ത ബൈബിൾ വചനങ്ങൾ

En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is.

EK vermaan julle dan, broeders, by die ontferminge van God, dat julle jul liggame stel as 'n lewende, heilige en aan God welgevallige offer — dit is julle redelike godsdiens.

verbly julle in die hoop; wees geduldig in die verdrukking; volhard in die gebed.

Laat jou nie deur die kwaad oorwin nie, maar oorwin die kwaad deur die goeie.

wees hartlik teenoor mekaar met broederlike liefde; die een moet die ander voorgaan in eerbetoning

LAAT die liefde ongeveins wees; verafsku wat sleg is; hang die goeie aan

as dit moontlik is, sover as dit van julle afhang, leef in vrede met alle mense.

Moenie julle wreek nie, geliefdes, maar gee plek vir die toorn; want daar is geskrywe: Aan My kom die wraak toe, Ek sal vergeld, spreek die Here.

wees nie traag in die ywer nie; wees vurig van gees; dien die Here

Want deur die genade wat aan my gegee is, sê ek vir elkeen wat onder julle is, dat hy nie van homself meer moet dink as wat 'n mens behoort te dink nie; maar dat hy daaraan moet dink om besadig te wees na die maat van geloof soos God dit aan elkeen toebedeel het.

vergeld niemand kwaad vir kwaad nie; bedink wat goed is voor alle mense

wees eensgesind onder mekaar; moenie na hoë dinge streef nie, maar voeg julle by die nederige; moenie eiewys wees nie

As jou vyand dan honger het, gee hom iets om te eet; as hy dors het, gee hom iets om te drink, want sodoende sal jy op sy hoof vurige kole ophoop.

seën die wat julle vervolg, seën en moenie vervloek nie; wees bly met die wat bly is, en ween met die wat ween

Maak voorsiening in die behoeftes van die heiliges; streef na gasvryheid

Want soos ons in een liggaam baie lede het en die lede nie almal dieselfde werking het nie, so is ons almal saam een liggaam in Christus en elkeen afsonderlik lede van mekaar.