Mathew 13-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Ond yr hwn a heuwyd yn y tir da, yw’r hwn sydd yn clywed y gair, ac yn ei ddeall; sef yr hwn yn wir sydd yn ffrwytho, ac yn dwyn peth ei ganfed, arall ei dri ugeinfed, arall ei ddegfed ar hugain.’

A’r hwn a heuwyd ymhlith y drain, yw’r hwn sydd yn clywed y gair, ond y mae gofal y byd hwn a thwyll cyfoeth yn tagu’r gair, ac y mae yn myned yn ddiffrwyth.

Pan glywo neb air y deyrnas, a heb ei ddeall, y mae’r Un drwg yn dyfod, ac yn cipio’r hyn a heuwyd yn ei galon ef. Dyma’r hwn a heuwyd ar fin y ffordd.

A’r hwn a heuwyd ar y creigleoedd, yw’r hwn sydd yn clywed y gair, ac yn ebrwydd gyda llawenydd yn ei dderbyn; ond nid oes ganddo wreiddyn ynddo ei hun, eithr dros amser y mae. A phan ddelo gorthrymder neu erlid oblegid y gair, yn y fan efe a rwystrir.

‘Drachefn, cyffelyb yw teyrnas nefoedd i drysor wedi ei guddio mewn maes, yr hwn wedi i ddyn ei gaffael, a’i cuddiodd, ac o lawenydd amdano sydd yn myned ymaith ac yn gwerthu’r hyn oll a fedd, ac yn prynu’r maes hwnnw.

Peth arall hefyd a syrthiodd mewn tir da, ac a ddygasant ffrwyth, peth ar ei ganfed, arall ar ei dri ugeinfed, arall ar ei ddegfed ar hugain.

Gadewch i’r ddau gyd‐dyfu hyd y cynhaeaf, ac yn amser y cynhaeaf y dywedaf wrth y medelwyr, ‘Cesglwch yn gyntaf yr efrau a rhwymwch hwynt yn ysgubau i’w llosgi, ond cesglwch y gwenith i’m hysgubor.’ ”’