نامَه رومی کلیسا را 5-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

امّا خِدا اِشتَن محبتی بَمون اِنتَه نیشون دوشَه، اَ موقعی که اَمَه حَلا گناه کار بیمونه، مَسیح چَمَه واسی مَردَه.

و اِم اُمید چَمَه خِجالتی باعیث نییَب، چوم خِدا محبت، روح القدسی واسطه نَه که بَمون آدوعَه بییَه، چَمَه دیلون دیلَه کا ویکَردَه بییَه.

نِه فقط اِم، بَلکَم سختییون کا نی شادی بَکَردیمون، چوم بَزنیمون که اِم سختی اِن صبر بِه بار بواَردین و صبر، شخصیت بِه بار بواَردی، و شخصیت اُمیدی بِه بار بواَردی؛

بَس چوم که ایمانی نَه صالِح حساب بیمونه، چَمَه خِداوند عیسایِ مسیح واسطه نَه، خِدا نَه صُلح هِستِمونه. اَمَه چَیی واسطه نَه، ایمانی نَه، اَ فیضی که حِسَه چَیی دیلَه کا پابَر جا ایمونه بِه دَس وَردَمونه و خِدا جلالی اُمیدی کا شادی بَکَردیمون.

چوم اَ موقع که اَمَه حَلا دَرموندَه بیمونه، مَسیح بِه موقع، بی‌ خِدا اون واسی جان دوشَه.

بَس اِمی واسی که حِسَه چَیی خونی واسطه نه اَمَه صالِح حساب بَییمونه، چِندی وِرتَر چَیی واسطه نَه خِدا غَضَبی کا نجات پیدا بَکَردیمون.

چوم هَتَه که ایلَه آدَمی گناه نَه، وِر کَسِن گناه کار بینَه، ایلَه آدَمی اِطاعتی نَه نی وِر کَسِن صالِح بَبین.

نِه فقط اِم، بَلکَم اَمَه، چَمَه خِداوند عیسایِ مسیح واسطه نَه، خِدا آشتی چَمَه نصیب بَه، خِدا دیلَه کا نی شادی بَکَردیمون.