نامَه رومی کلیسا را 3-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

چوم گِرد گناه کَردَشونه و خِدا جلالی پیشی کا کَم بواَردین. و خِدا فیضی نَه که چَمَه را ایلَه هدیه شیوارَه و اَ آزادی بَها واسطه نَه که مسیح عیسی کایَه، صالِح حساب بَبین،

اِم صالِحی ای که خِدا کایَه، عیسایِ مسیح ایمان داشتِه راه نَه، و گِردِ کسونی نصیب بَبی که ایمان بواَرِن. چوم هیچ فرقی نییَه.

خِدا، عیسایِ مسیح گناه اون کفاره شیوار نوشَه، اَ کفّاره‌ای که چَیی خونی نَه و ایمانی راه نَه بِه دَس بومَی. اِم، خِدا عِدالتی نیشون دوعِه واسی بَه، چوم اَ اِشتَن الهی یَه صبری نَه، اَ گناهونی که پیشتری اِتفاق دَلَکه بینَه، نَدید گِتِشه. اَ اِم کاری کَردِشه تا اِشتَن عدالتی اِم دورَه زمانه کا نیشون بِدَه، تا اِشتَن عادِل بِبو و گِردِ کسونی که بِه عیسی ایمان هِستِشونه، صالِح حساب بِبون.

چوم هیچ آدَمی نییَه که شریعتی اَعمالی بِه جا وَردِه نَه، خِدا چِمی کا صالِح حساب بِبو، چوم که شریعتْ، گناه بَمون نیشون بَدای.

هَتَه که مقدّسَ نیویشته کا نیویشته بییَه: «هیچکس صالِح نییَه، حتی ایی نفر. هیچکس فهمیده نییَه، هیچکس خِدا دومله نِگردِه. گِرد خِدا کا دیم آگاردِنییَشونه، اَوِن یَندی نَه باطلَ راه اون را شینَه. هیچکس چاکی نِکَرِه، حتی ایی نفر.»

چوم اَمَه اِعتقاد هِستِمونه که آدَم بیدونِ اِم که شریعتی اَعمالی اَنجام بِدَه، ایمانی نه صالِح حساب بَبی.

هَرگز! حتی اَگم گِردِ آدَمِن دروعَه واج بِبون، خِدا راستَه واجَه! هَتَه که داوودی مزمورَه کیتابی کا نیویشته بییَه که: «اِمی واسی، وختی گف ژَنی راست بَواتیش، و اَ موقعی که داوری بَکَردیش، اِشتِه داوری دُرستَه.»