یوحنا 16-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

اِم چییون شِمَه نَه واتِمَه تا بَه مِن کا آرامش بِدارَه. دنیا کا شِمَه را بَرکَ زحمت و بَرکَ اَذیت و آزار بَبی؛ امّا شِمَه دیلِن قُرص بِبون، چوم که اَز، دنیا سَر پیروز آبَییمَه.»

وختی حقیقتی روح بومَی، شِمَه گِردِ حقیقتی را رهبری بَکَردی؛ چوم اَ اِشتَن طَرفی نَه گَف نِژَنِه، بَلکَم اَ چیی که دَرَسِه بَواتی و اَ چیی کا که در پیش اِستَه شِمَه خَوَردار بَکَردی.

دا حِسَه چِمِن نومی نَه چیی پیستَرون نییَه؛ بِپییَه و شِمَه ویگِرَه، که شِمَه شادی کامل آبو.

با اِم حال، اَز شِمَه نَه حقیقتی بَواتیم که چِمِن شییِه بِه نفع شِمَه یَه. چوم اَگم مَشوم، اَ یاور نا شِمَه وَر؛ امّا اَگم بِشوم اَیی ویسا آکَرِم شِمَه وَر. وختی اَ یاور بومَی، دنیا مردمی گناه واسی و عِدالتی واسی و داوری واسی، محکوم بَکَردی.

هَتَه نی، شِمَه حِسَه ناراحتیرونَه؛ امّا هَنی شِمَه بَویندیم و شِمَه دیلِن شاد بَبین و هیچکس اَ شادی شِمَه کا نِویگِرِه. اَ روزی کا، دِ چیی مِن کا نِپیستِرونَه. حقیقتن، شِمَه نَه بَواتیم، هَر چِه چِمِن نومی نَه آسِمونی یَه دَده کا بِپیرون، اَ شِمَه بَدای.

حقیقتن، شِمَه نَه بَواتیم، شِمَه زاری و ماتم بَکَردیرون، امّا دنیا شاد بَبی؛ شِمَه غمگین بَبیرون، امّا شِمَه غُرصه بِه شادی تبدیل بَبی.