یوحنا 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

«اَز اَنگِرَه رَزیمَه و شِمَه لاخه اِن. کسی که مِنَه بَمَندی و اَز اَیی نَه، اَ هَ کسی اِستَه که وِرَه میوه بواَردی؛ چوم بَه مِن کا جِدا، شِمَه نیمَشایَه هیچ کاری بِکَرَه.

بَه مِن کا بومونَه، و اَز نی شِمَه نَه بَمَندیم. هَتَه که لاخه نیمَشا اِشتَن کا میوه بواَرِه اَگم اَنگِرَه رَزی کا مَمونِه، شِمَه نی نیمَشایَه میوه بواَرَه اَگم مِنَه مَمونَه.

اَگَم مِنَه بومونَه و چِمِن کلام شِمَه نَه بومونِه، هَر چِه پیستِرونَه، بِپییَه و شِمَه را اَنجام بَبی.

شِمَه مِن اِنتخاب کَردَه نیرونَه، بَلکَم اَز شِمَه اِنتخاب کَردَمه و تعیین کَردَمه تا بِشَه و میوه بواَرَه و شِمَه میوه بومونِه، تا هَر چیی دَده کا چِمِن نومی نَه بِپییَه آدَه شِمَه.

محبتی اِمی کا وِرتَر نییَه که ایی نفر اِشتَن جانی اِشتَن رَفِقون را فیدا بِکَرِه.

هَر لاخه ای که مِن کا میوه مَدَه، چِمِن دَده اَیی دَوِرِه، و هَر لاخه ای که میوه بواَرِه، اَیی هَرَس بَکَردی تا وِرتَر میوه بواَرِه.

« چِمِن حُکم اِمَه که یَندی نَه خِش بِبییَه، هَتَه که اَز شِمَه نَه خِش بیمَه.

چِمِن دَده شکوه و جلال اِنتَه آشکار بَبی که شِمَه میوه وِر بواَرَه؛ و اِنتَه ثابت بَکَردیرون چِمِن شاگِردیرونَه.

«اَز حقیقی یَه اَنگِرَه رَزیمَه و چِمِن دَده باغَوونَه.

اَگم کسی مِنَه مَمونِه، ایلَه لاخه ای شیوارَه که اَیی فِر آدَن و خِشک آبو. خِشک لاخه اون جَمع آکَرِن و آتشی دیلَه کا دَرَفنِن، سونِن.

اِم گَفون شِمَه نَه واتِمَه تا چِمِن شادی شِمَه کا بِبو و شِمَه شادی کامل آبو.

اَگَم چِمِن اَحکامی اَنجام بِدییَه، چِمِن محبتی کا بَمَندیرون؛ هَتَه که اَز چِمِن دَده اَحکامی اَنجام دوعَمَه و چَیی محبتی کا بَمَندیم.

اَز اِم چییون شِمَه را حُکم بَکَردیم تا یَندی نَه خِش بِبییَه.

اَگم دنیا شِن بَبیرون، دنیا شِمَه نَه اِشتَن کسون شیوار خِش بَبی. امّا چوم دنیا شِن نیرونَه بَلکَم اَز شِمَه دنیا کا اِنتخاب کَردَمه، دنیا شِمَه کا بیزارَه.