Ukufuma 20-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

“Ane ne MWENE u Chala winyu, ne nkabefyamo mu Ijiputi, mumo mukaba mwe bazya. “Utakabiputaye abachala abanji, loli ane nemwene.

“Utakipangilaye wemwene ivifwani ivya kantu kamo aka kumwanya, pamo aka pachisu pamo aka mumizi. “Utakavifughamililaye pamo pakuvyiputa, pakuti ane ne MWENE u Chala winyu, ne muzuba. Nkubafunda abana aba nkulilo iyabutatu mupaka ni yafolo pachifukwa icha mbibi izya bawise.

“Umuchindikaye ughuso nu nyoko, umwakuti ubanje nubumi ubutali muchisu chicho u MWENE u Chala wako akukupa.

Ulikumbukaye Isiku Ilyakutuzya pakuba lizelu.

“Utakalitambulaye pabulo itabwa ilya MWENE u Chala wako, pakuti ane ne MWENE nkwiza pakumufunda umuntu wesi yuyo akulitambula pabulo itabwa lyane.

Ubombaye imbombo zyako zyosi mumasiku sikisi, loli isiku ilyaseveni Lisiku Ilyakutuzya ilya MWENE u Chala winyu. Pisiku linilyo utakabombaye nayimoyimo imbombo manyi wewe manyi bana bako abalumendo manyi bana bako abalindu manyi bambombo bako abanavuli manyi bambombo bako abakolo manyi vitekwa vyako manyi bayeni babo bakwikala mukaya kako.

“Utakayinyonywanje inyumba iya mupalamani wako. Utakamunyonywanje umuchi uwa mupalamani wako pamo uwambombo wache umwanavuli pamo umukolo pamo ing'ombe zyache pamo impunda zyache pamo ichintu chosi chicho ali nacho.”

“Utakabanje we kaboni umumyasi kumupalamani wako.

“Utakalowaye.

“Utakaghoghaye.

“Utakibaye.