PAU-PAUWANNA SIKONJO SURO-SURO 2-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Appihali Petrus mange ri iyai, ”Jarrako na parralluko tasse're-se're tau ririo lalang arenna Isa Almase lariampungi kadorakaammu, jari narimako pangamaseang, iamo intu Nyaha Tangkasa.

Lapilangngeri ngase'i pappijo'jo'na suro injo na tulusu asse're-se're ngase'i. Iyai injo sanging paa'rappung laa'dahu-dahu kanre surang ngera dowaang.

Jari iyai ngase' rassimu Nyaha Tangkasa na pakaramulamu appau-pau lalang bisara maraeng, assimpole nurisareang battu ri Nyaha injo mange ri iyai lalapau.

Sikalinna rie'mo kalangngerang sa'ra battu ri langi' assimpole anging ammarrisi ngiri' lajangnga' sibatu sapo, tampa' pattolongannai; na kajanjangammu mange ri iyai lohe lila nuassimpole lila api anri'ba'-ri'ba' na a'dongko'i ri iyai ngase'. Jari iyai ngase' rassimu Nyaha Tangkasa na pakaramulamu appau-pau lalang bisara maraeng, assimpole nurisareang battu ri Nyaha injo mange ri iyai lalapau.

Lalang rikalogaang na a'julu ati ngase'i asse're allo-allona lalang ri Sapo Allataala. Iyai injo a'lilikangi appakasadia kanre ri saponna na assurang-surangi ngase'i nganre lalang rikarannuang na baji' pa'mai'na, ampai lapakala'biri Allataala na iyai injo ringai ngase'i ri tau lohea. Jari allo-alloi jumallanai attamba tarrusu saba' Karaeng assare ri iyai tau laripakasalama'.

Lakajariangi rihattu kala'busang – appakonjomu pauna Allataala – ma'nassana LaKupaturungi NyahaKu mange risikonjo rupatau; jari sikonjo ana' bura'nemu na ana' bahinemu laKupappiissekangi mange ri kau passala nulaKupauwangi injo mange ri iyai, na ana' bura'ne longkomu surang ana'raramu laanjanjangi passala nulaKupijanjangiang injo mange ri iyai, na sikonjo tutoa-toamu languppai so'na.

Sikuanna tau tappa' tuli assamaturu'i asse're, na sikonjo pakkalumannyangannai lapa'jului ngase'i, na sanging rie' tau a'balu' tana iyareka pakkalumannyangang maraenna, ampai lapa'dahu-dahuang ngase' mange sikuanna tau assituru' kaparalluang ri iyai.

Na inai jua langa'ngara arenna Allataala laripakasalama'.

Mata allo laminra a'jari kalammang kapu' na bulang laa'jari assimpole rara rigelenapa larapi' allo pariekanna Karaeng, allo bakka' na nula'biri injo.