Тархъанлъи 9-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Амма Дица чӀаго тана мун, дуда Дирго къуват бихьизабизелъун ва Дир цӀар тӀолабго дунялалда тӀибитӀизелъун.

БЕТӀЕРГЬАНАС Мусада абуна: «ПиргӀавнасухъе а, ва гьесда абе: „Гьадин абулеб буго жугьутӀазул БЕТӀЕРГЬАН Аллагьас: Дир халкъ Дие тӀагӀат-гӀибадат гьабизе биччай.

Цо борхараб Дир килищалъ дудеги дур халкъалдеги хвалил унти биччазе кӀолаан Дида; гьебмехалъ дунялалдасаго тӀагӀинаан нуж.

БЕТӀЕРГЬАНАС кутакаб хвалил унти биччазе буго мегъ-ракьалда бугеб дур тӀолабго рухӀчӀаголъиялде: чуязде, хӀамузде, варанабазде, чӀегӀербоцӀуде ва гӀи-цӀаназде. Амма БЕТӀЕРГЬАНАС батӀалъи гьабизе буго ГӀизраилалъул боцӀудаги Мисриялъул боцӀудаги гьоркьоб – гӀизраилазул цониги хӀайван хвезе гьечӀо.

Гьанже гӀенекке: метер гьабго заманалда Дица Мисриялда тӀаде биччазе буго киданиги гьениб бихьа-рагӀичӀебгӀан кутакаб горо-цӀер. Гьединлъидал буюрухъ кье боцӀиги, цогидаб дурго буголъиги хӀинкъи гьечӀеб бакӀалде щвезабизе. Рокъобе бакӀаричӀого мегъ-ракьалда хутӀарабщинаб боцӀи ва къватӀир хутӀарал гӀадамал горо-цӀералъ чӀвазе руго“».

ХӀур гӀадин тӀибитӀизе буго гьеб тӀолабго Мисриялда тӀад, ва улкаялдаго ругел гӀадамаздаги хӀайваназдаги лъугьине руго рецӀцӀ чвахулел тӀихьал». Корода жаниса рахъуги босун, гьел пиргӀавнасда цере чӀана. Мусаца рахъу гьаваялде рехана ва гьебсагӀаталдаго гӀадамаздаги боцӀудаги рецӀцӀ чвахулел тӀихьал рахъана.