Roma 14-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mbɨ́ʼ ngə́ nɨfɔ nɨ Ŋwi se be lá anu mbɨ́ʼ mɨdzɨ kə mɨluʼ ə. Nɨ be lá anu mbɨ́ʼ nchinə, mbɔnɨ abɔʼnɨ nɨdorɨ na Azhwi zə Fɛmnɨ a ghánə́ ghe. Ɨbɛn ba bɨ faʼnə a mbó Kristo a nye ndóm məwen, ɨnu mətsiŋ ghɨə ɨnye Ŋwi bɔŋənə, ɨbɛn kə́ mbémtə́ awa ghe.

Be a be ngə́ bɨgɨnə tsi atú ntən, bɨgɨnə chyɛ̌ lá a nkɔ́ʼsɨ́ Maʼmbyí atɨ́ ə, be a be ngə́ bɨgɨnə kfo, bɨgɨnə kfo lá a nkɔ́ʼsɨ́ Maʼmbyí atɨ́ ə; ma lan, kə bɨgɨnə tsi atú ntən kə bɨgɨnə kfo muŋ bɨgɨnə bɨtsum tsi lá a mbó Maʼmbyí ɛ.

Ma lan, bɨgɨnə mɨ zagɨ ghɛn nɨ mbyi a ngɨ ɨnu tsa tsɨ yenə nɨ mbɔnɨ abɔʼnɨ tsa tsɨ kwátɨ́nə́ a shintɨ ŋwɔn nɨ ŋwɔn ə.

Ma lan, ŋwɔn nɨ bɨgɨnə á keʼ a wu mɔʼɔ bə sáʼə. Bɨgɨnə baŋnɨ ntsɔʼ a mu mɨntəm ɨmɨgɨnə be ngə́ bɨgɨnə mɨ keʼ anu zə tse ghɨ á mɨma ɨwɨgɨnə a kɔmnkɨ ɨwu kə ngɨ ɨbvu ə.

Mbɨ́ʼ ngə́ aŋwaʼnɨ a Ŋwi a soŋ ngə́, “Maʼmbyí a soŋ ngə́ tso mbáʼ ma tsinɨ ntən lá, ŋwɔn tsum a mɨ kwem mɨkwiʼtɨ ɨmyi a tɨshe a ɨshi me ɨ kɨ ŋaʼtɨ ntsu ɨyi ɨ soŋ ngə́ ma nɨ Ŋwi ə.” Ma lan, ŋwɔn tsum a ghɨ twiʼtɨ ɨ fɨʼtɨ ɨnu ɨtsum tsa zɨə ghɨ́nɨ́ a mbó Ŋwi ə.

A nɨ nkwárə́ ɨbɛn ba abeməntəm aza a se tɨŋə. A nɨ nkeʼ ndɨʼkə bɨŋ zɨ mbɨ́ʼ anu za a kwaʼtɨnɨ ngə́ zɨə tsi nɨ ngɨə kə ɨ keʼ kɨ ngɨə.

O nɨ ɨwa a sáʼ ŋwɔn afaʼ ŋwɔn adaŋ le? A nɨ tsɛʼ Tafaʼ ɨyi wa a mɨ soŋ ngə́ a ghɨ anu zə shiʼnɨ kə zə tɨbɔŋ ə. Wɛrə mɨ ghɨ anu zə shiʼnɨ mbɨ́ʼ ngə́ Maʼmbyí a chi ghɨ a wɛrə á ghɨ anu zə shiʼnɨ ə.