Zaŋ 16-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Mɛ lɛɛ bin etɛp bak djas ɛ́, étɛp bi needi tɔ egwyem, é ghɛŋ bi aadi tɔ ɛgwakel nɛ nam ɛ. Bi ɛ́ waazukaa nɛ ɛtiigaa kɔ bɔs'ak. Tin, saka mɛghaaz, etɛɛ náá, mɛ naazekwak etɛp e bɔs'ak djas.»

É sok Sisim etsɛɛtsɛ aazyɛ ɛ, nyɛ waadjɛɛd bin tɔ etsɛɛtsɛ djas. Nyɛ aanàkwaalii nɛ nen kɔ ɛsu ɛ lɛ met. Nyɛ aalɛɛ bin ɛ́ etɛp ee nyɛ nagwak ɛ. Nyɛ waalɛɛ bin etɛp ee di ezyɛ pɛ sok ɛ.

Kɛyaka nɛ dwoo pan mos'ak, bi dinaa ààpawaab sonok nɛ din ɛ lam. Tin, waabka, bi ɛ́ waadjɛaa. Deenek mɛmyaala men ɛ́ waadi tɛtɛ mɛmyaala nɛ lyem wat.»

Ghuna mɛ lɛɛ bin ɛ́ tsɛɛtsɛ náá, kɔ ɛsu ɛ len, ɛnyɔ náá, mɛ tɔ́. Etɛɛ náá, mɛ di ààtɔ́ ɔɔ, Mot-Mɛghɛm di egoka nɛ ɛzyɛ ɔ, nyɛ aanàkwaabaazyɛ pɛ daa len. Tin, mɛ tɔ́ ɔɔ, mɛ ɛpedhis bin nwyak. Tin, é sok nyɛ aazyɛ ɛ, nyɛ waalyaal bot ɛ di kɔ bɔs'ak ɔ, ɛdjak ɛ lɔɔ kɔ ɛsu ɛ mesyem, ɛdjak ɛ lɔɔ kɔ ɛsu ɛ epiki e Zɛɛb, zɛnɔɔ epɛ́ɛ e Zɛɛb.

Tyee wat nɛ nen, é di mena mooka nenak'aak, bi ɛ́ tɔ ghoŋ nɛ mezuk. Tin, mɛ waabaaboma nɛ nen. É di'enek, elyem bin aadi ɛ́, tɔ mɛmyaala. Deenek, ye tokapɛ nɛ mot aadis mɛmyaala menek tɔ elyem bin. É sok ɛlu ɛ tak aakum ɛ, bi aanàkwaabaadji mam kiya dum nɛ dhiiti tɛp. Mɛ lɛɛ bin ɛ́ etɛp e tsɛɛtsɛ náá: Saagam ɛ́ waadjɛ bin esonok djas ee bi aawaab nɛ din ɛ lam ɛ.

Mɛ lɛɛ bin ɛ́ etɛp e tsɛɛtsɛ náá, bi ɛ́ waadje mɛgwyɛ, bi ɛ́ waadi tɔ́ mezuk. É di'enek, bot ɛ bɔs'ak aadi ɛ́, tɔ mɛmyaala ɛbuɛpe. Bi aadi ɛ́, tɔ ghoŋ. Tin, ghoŋ'en ɛ́ waaliiza mɛmyaala.