Zaŋ 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Yɛ ɛ́ mam ɛ di le vin, biyɔ ɛ́ elɛɛ. Mot di tɔ lam ɔ, mot mɛ di nɛ nɛ sama wat ɔ. Nyɛ waabya bɛtɛ nɛ bhum, etɛɛ náá, ye tok nɛ sa bi aasa, mam ààbɛ tak.

Dika mot ngɔt nɛ nam, dáa mɛ di mot ngɔt bis nɛ Saagam ɛ. Lɛɛ le vin tok nɛ ghwyil ɛbya bhum, yɛ di ààdi naada é kuu le ɔɔ. Tyee wat nɛ nen, bi tok nɛ ghwyil ɛbya bhum, bi ɛ di ààdi nɛ nam sama wat ɔɔ.

Bi ɛ be di tɔ lam, da mɛkpa mam ɛ́ di tɔ len ɔɔ, waabka esonok djas bi aadi nɛ gwyes tak ɛ, deenek bi ɛ́ waabela yɛ.

Ye tok biyɔ natɔ mɛ. Yɛ ɛ́ mam ɛ natɔ bin. Mɛ eedjɛ bin lwomel bi tɔ́, bi kɛdjɛ bhum, bi kɛdjɛ bhum aabɔya ɛ. Deenek, Saagam ɛ́ waadjɛ bin esonok djas ee bi aawaab nɛ din ɛ lam ɛ.

Boo mɛkwyɛla mɛ mot di egoka nɛ ɛlyaal ɛ, yɛ ɛ́ ɛdjɛ nyel'ɛ ɛmet étɛp bɛsɔ.

Nyɛ waatsaal elɛɛ di ààdjɛ bhum ɛ djas. Tinaak, elɛɛ di edjɛ bhum ɛ, nyɛ kakoobal yɛ ɛ́ koobelak, etɛɛ náá, yɛ needjɛ bɛtɛ nɛ bhum.

Beeka yam ɛtiŋ: Gheekwyekwyɛlaka pak'en. Kwyɛlaka pak'en dáa mɛ di eboozyɛ nɛ ɛkwyɛl bin ɛ.

É ghɛŋ bi aadjɛ bɛtɛ nɛ bhum ɛ, yɛ waalyaal nɛ bot náá, bi ɛ́ bɛdjekel bam. Deenek, bi ɛ́ waadjɛ Saagam boo duu.

«Yɛ ɛ́ mam ɛ di tɛtɛ le vin. Saagam ɛ́ nakuma pyeeb tak.

Mot di ààdi tɔ lam ɔ, nyɛ waamwasaa pɛ kel dáa esɔsela elɛɛ e le, nyɛ waatekaa, da mwasaa tɔ du, da nyɛ ɛ́ dyak.

Mɛ lɛɛ bin etɛp binek ɛ́, etɛɛ náá, mɛmyaala mam needi mɛmyaala men, da mɛmyaala men ɛ́ di yii tsɛɛtsɛ nɛ lyem wat.

Bi ɛ duwal mɛtiŋ mam dáa mam di eduwal mɛtiŋ Saagam ɔɔ, bi ɛ́ waadi tɔ kwyɛl'am, dáa mam di tɔ kwyɛl Saagam ɛ.

Mɛ djɛ bin mɛtiŋ menek ɛ́, etɛɛ náá, bi neegheekwyekwyɛla pak'en.»

Bi ɛpedi bot ɛ bɔs'ak ɔɔ, pe bot ɛ bɔs'ak ɛpekwyɛl bin, dáa bot bɔɔ. Tin, ye nabɛ ɛ́, mam eesɛ́ɛ bin, mɛ eebɛk bin nɛ bot ɛ bɔs'ak. Deenek, bi tokapɛ bot ɛ bɔs'ak, yɛ ɛ́ étɛp tak ɛ bot ɛ bɔs'ak di ebhina bin.