Matay 5-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Aṉaga wi re nunge lambi gô sôliza yô gw’egara, ndô wi dôṽya yô gô tavulu, ko yô bam̃iṉa gôre waôdu wi re gô nagô. Yeṉo ôzange waṉi wi ga ṽambe gw’azô m’aṉaga, ko waô jeṉ’ ijanji saṉi ibya, azum̃inye Reri yaṉi yi re g’ôrôṽa.

Aṉwè n’ôzange wi ntye. Nkala nôgô pa gô nômba y’ayolye nimbaṉe.

Ôzaviṉô gôre waô wi re n’irèm̃a yi nkèrè, konde wi be jeṉ’ Anyambyè!

Ôzaviṉô gôre waô wi jeṉ’ôgôre njaṉa n’esôve, konde wi be jôra!

Ndô mi bulinya ṉwè inè: Rondaṉ’ilôvalôvi yaṉi, zaviṉaṉi waô wi numba ṉwè, ko kambiṉaṉi g’ômwanja wa waô wi kombiza ṉwè

Ôzaviṉô gôr’ ikuge g’ôrèm̃a, konde iṉongo ny’ôrôṽa inyaô!

Ôzaviṉô gôre waô wi pang’ am̃ènjè, konde wi be fweyô inè, awaṉa w’Anyambyè!

Ôzaviṉô gôre waô wi jeṉ’ekèṽa, konde wi be sindyô irèm̃a!

Ôzaviṉô gôre waô wi kombizô g’ômwanja w’ôgôre, konde iṉongo ny’ôrôṽa inyaô!

Ôzaviṉô gôre waô wi pôgiṉa, konde wi be pôgiṉô!

Ôzaviṉô gôre ṉwè gô be toṽô ṉwè, agombizô aṽèrinyô igamby’edu iṽe g’ômwanji wam̃. Yeṉaṉi mbya n’igeṽ’ivôlô, konde ipi saṉi si be dwaṉa sipôlô g’ôrôṽa; konde yeṉo agombizagi waô ivogisi y’alônge dwaṉi na ṉwè.

Ôzaviṉô gôr’ikendekende, konde yi be jige ntye!

Aṉwè n’ezanga zi ntye, ndô j’ezanga z’asambwa, zi be pang’ôṉigi n’ezom̃a nde? Zi zele n’isolo nyèṉè kaô gô falô gw’igala ayarô n’aṉaga.

Sambô lwaṉaṉi mèpa pa, ga nt’are Reri yaṉi yi re g’ôrôṽa mèpa pa.

Ndô nkambiṉi yaṉi yi ga lwaṉe inè, èñ, èñ, nyawè, nyawè; n’ezom̃a zi pyagaṉ’agamba miṉo zi pila gw’ibe.

Aṉw’are jogo pa inè, awulyô inè: Intyo gw’intyo, n’inô gw’inô. Ndô myè, mi bulinya ṉwè inè, aṉwaṉi n’ôm’ombe. Ndô ayè yi bôlo gw’iwugu nyo iṉôm̃yè, gegunyè im̃ori kè.

Na j’intyo nyo iṉôm̃yè ny’asogizo, rôduṉa nyô ko fala nyô avila gôre wè; konde re mbya gôre wè inè, em̃ori gô nam̃i yo zi ga vere, n’aranga inè, ôkuṽi wo wôdu wi ga walô gw’elôngô z’ôgôṉi. Na j’ôgo wo ôṉôm̃yè w’asogizo, zèra wô nkwe, ko fala wô avila gôre wè; konde re mbya gôre wè inè, em̃ori gô nam̃i yo zi ga vere, n’aranga inè, ôkuṽi wo wôdu wi ga walô gw’elôngô z’ôgôṉi.