ရူဝ်းမႃႉ 6-ൽ നിന്നുള്ള പ്രശസ്ത ബൈബിൾ വചനങ്ങൾ

ၵႃႈ​ၶၼ်​ဢပႅတ်ႈ​တြႃး​ၸမ်ႉ ပဵၼ်​တၢင်း​တၢႆ​ဢေႃႈ။ သူႉ​ၵျေး​ၸူး​ဢၼ်​ၽြႃး​ပဵၼ်​ၸဝ်ႈ​ပၼ်​ၼၼ်ႉ​ၸမ်ႉ ပဵၼ်​ထႃႇဝရႃႉ​ဢသၢၵ်ႈ ၼႂ်း​ၸဝ်ႈ​ႁဝ်း​ ယေႇသူႉ​ၶရိၸ်ႈ ​ဢေႃႈ။

ပိူဝ်ႈ​ဢၼ်​သူ​ဢမ်ႇ​မီး​ၼႂ်း​မိုဝ်း​ပိင်း​ၺၢပ်ႈ​တြႃး၊ မီး​ၼႂ်း​မိုဝ်း​ၵျေး​ၸူး​တြႃး​လႄႈ၊ ဢပႅတ်ႈ​တြႃး​ဢမ်ႇ​ဢုပ်ႉ​ဢမ်ႇ​ပိူင်ႇ​သူ။

ၵွပ်ႈ​ႁွႆး​ၼႆႉ ပိူဝ်ႈ​ဢၼ်​လႆႈ​ၶၢမ်ႇ​ ပပ်ႉတီႉၸမ်ႇ ​ၼႂ်း​တၢင်း​ဢၼ်​မၼ်း​ၸဝ်ႈ​ၶၢမ်ႇ​တၢင်း​တၢႆ​ၼၼ်ႉ​လႄႈ လႆႈ​ၶၢမ်ႇ​တၢင်း​ဢၼ်​သၢင်း​ၵျူဝ်ႇ​လူၺ်ႈ​ၵၼ်​တင်း​မၼ်း​ၸဝ်ႈ​ဢေႃႈ။ လွင်ႈ​မၼ်း​ၸမ်ႉ ၸိူဝ်ႉ​ၼင်ႇ​ဢၼ်​ၸဝ်ႈ​ၶရိၸ်ႈ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း ၵွပ်ႈ​ပိူဝ်ႈ​ၽုင်း​တၼ်း​ၶူဝ်း​ပေႃႈ​ၸဝ်ႈ​ၼၼ်ႉ၊ ႁဝ်း​ၵေႃႈ​လႆႈ​လႄႇ​ၵႂႃႇ​လႄႇ​မႃး​ၵႃႈ​ၼႂ်း​ဢသၢၵ်ႈ​ဢၼ်​မႂ်ႇ​ဢေႃႈ။

ယႃႇ​ပေ​ႁႂ်ႈ​ဢၢင်ႇ​ၵႃႇ​တူဝ်​သူ​ပဵၼ်​လၢၵ်ႈ​ၼၢၵ်ႈ တူႉ​ၸရိူၵ်ႈ​ဢပႅတ်ႈ​လႄႈ သၢၵ်ႈ​ၵၢပ်ႈ​တီႈ​ဢပႅတ်ႈ​တြႃး​ၼၼ်ႉ၊ ဢဝ်​တူဝ်​ၸဝ်ႈ​ၵဝ်ႇ​သၢၵ်ႈ​ၵၢပ်ႈ​ၵႃႈ​တီႈ​ၽြႃး​ပဵၼ်​ၸဝ်ႈ​မိူၼ်​ၸိူဝ်ႉ​ၼင်ႇ ၵေႃႉ​ဢၼ်​လုၵ်ႉ​သေ​ၵႃႈ​တၢင်း​တၢႆ​ၶိုၼ်း​လိပ်း​ၼၼ်ႉ​တႃႉ။ ဢၢင်ႇ​ၵႃႇ​တူဝ်​သူ​တင်း​လၢႆ​ၵေႃႈ ႁႂ်ႈ​ပဵၼ်​လၢၵ်ႈ​ၼၢၵ်ႈ​သူႉ​ၸရိူၵ်ႈ​လႄႈ သၢၵ်ႈ​ၵၢပ်ႈ​တီႈ​ၽြႃး​ပဵၼ်​ၸဝ်ႈ​တႃႉ။

လိူဝ်​သေ​ၼၼ်ႉ၊ ႁဝ်း​ႁူႉ​လွင်ႈ​ဢၼ်​ၵူၼ်း​ၵဝ်ႇ​ႁဝ်း​ၼႆႉ လႆႈ​ၶၢမ်ႇ​တၢင်း​ဢၼ်​တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​လူၺ်ႈ​ၵၼ်​တင်း မၼ်း​ၸဝ်ႈ​ယဝ်ႉ​ၼၼ်ႉ​ယူႇ​ဢေႃႈ။ လွင်ႈ​မၼ်း​ၸမ်ႉ ၼင်ႇ​ႁိုဝ်​ႁဝ်း​တၵ်း​ဢမ်ႇ​လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ​ဢပႅတ်ႈ​တြႃး​ၵမ်း​လိုၼ်း​ၸိုင်၊ ပဵၼ်​လွင်ႈ​ဢၼ်​တၵ်း​ယႃႉ​ပႅတ်ႈ​တူဝ်​ဢပႅတ်ႈ​တြႃး​ဢေႃႈ။

မိူၼ်​ၼင်ႇ​ၼၼ် ၵႃႈ​တီႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ဢပႅတ်ႈ​တြႃး​ၸမ်ႉ၊ ပဵၼ်​တၢင်း​တၢႆ​ဝႃႈ​ၼႆ​လႄႈ​သင်၊ ၵႃႈ​တီႈ​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း​ၽြႃး​ပဵၼ်​ၸဝ်ႈ​ၸမ်ႉ၊ ဢသၢၵ်ႈ​လိပ်း​ၼႂ်း​ ယေႇသူႉ​ၶရိၸ်ႈ ​ၼၼ်ႉ​ဝႃႈ​ၼႆ​လႄႈ​သင်၊ သူ​ထၢင်ႇ​တီႈ​တူဝ်​သူ​တႃႉ။

ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ႁဝ်း​တၵ်း​လႆႈ​ဝႃႈ​ၸိူဝ်ႉ​ၼင်ႇ​ႁိုဝ်။ ၼင်ႇ​ႁိုဝ်​ၵျေး​ၸူး​ၸဝ်ႈ​တၵ်း​ယႂ်ႇ​မႃး​ၼမ်​မႃး​ၸိုင် တၵ်း​လႆႈ​ၵမ်​ၵျၢင်ႉ​ဢပႅတ်ႈ​တြႃး​လႄႈ​ယူႇ​ႁိုဝ်။- ဢမ်ႇ​ပဵၼ်​ၸိူဝ်ႉ​ၼင်ႇ​ၼၼ်၊ ႁဝ်း​ၸိူဝ်း​ဢၼ်​တၢႆ​သေ​ၵႃႈ​တီႈ​ဢပႅတ်ႈ​တြႃး​ၼၼ်ႉ​ၼႆႉ တၵ်း​လႆႈ​ၶိုၼ်း​လိပ်း​ၵႃႈ​ၼႂ်း​တြႃး​ၼၼ်ႉ​လူး​ၵွၼ်ႇ​ၸိူဝ်ႉ​ၼင်ႇ​ႁိုဝ်။

ပေႃး​သူ​ၶဝ်ႈ​လႄႈ ႁဵတ်း​ၶႃႈ​တီႈ​ၽူႈ​လႂ်​သေ​ဢမ်ႇ​ဝႃႈ ၵႃႈ​တီႈ​ဢပႅတ်ႈ​တြႃး ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​တၢႆ​သေ​ဢမ်ႇ​ဝႃႈ၊ ၵႃႈ​တီႈ​တြႃး​တၢင်း​ဢၼ်​ထွမ်ႇ​ဢဝ် ဢၼ်​ၸၢပ်ႈ​သႅင်ႇ​ၵၼ်​တင်း​တၢင်း​ဢၼ်​ႁွတ်ႈ​ထိုင်​တၢင်း​သိုဝ်ႈ​တေႃႇ​သေ​ဢမ်ႇ​ဝႃႈ၊ ႁႂ်ႈ​လႆႈ​ထွမ်ႇ​ဢဝ်​ၸိုင်၊ သူ​ဢမ်ႇ​ႁူႉ​လွင်ႈ​ဢၼ် ၵေႃႉ​ၼၼ်ႉ​ပဵၼ်​ၸဝ်ႈ​သူ​ၼၼ်ႉ​ႁိုဝ်။

ပိၵ်ႉ​သမ်ႉ​သူ​ယၢမ်ႈ​ပဵၼ်​ၶႃႈ​ဢပႅတ်ႈ​တြႃး​သေ​ၵေႃႈ၊ ပိူဝ်ႈ​ဢၼ်​သူ​ဢဝ်​တင်း​ၸႂ်​ၸေႇတၼႃႇ​ထွမ်ႇ​ဢဝ်​ၵႂၢမ်း​ၼႄး​ဢူႉပတေႇ​တင်း​လၢႆ ဢၼ်​လႆႈ​ၶၢမ်ႇ​မႃး​ယဝ်ႉ​ၼၼ်ႉ​လႄႈ ၵျေး​ၸူး​ၽြႃး​ပဵၼ်​ၸဝ်ႈ​ယႂ်ႇ​ၼႃႇ​ဢေႃႈ။- ပိူဝ်ႈ​ဢၼ်​သူ​လႆႈ​ၵၢင်း​လွတ်ႈ​သေ​ၵႃႈ​ၼႂ်း​မိုဝ်း​ဢပႅတ်ႈ​တြႃး​ယဝ်ႉ​လႄႈ၊ သူ​ပဵၼ်​ၶႃႈ​တြႃး​တၢင်း​သိုဝ်ႈ​တေႃႇ​ဢေႃႈ။