တၢၼ်ႇယေႇလႃႉ 9-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ၼင်ႇ​ၼၼ်​လႄႈ​ၵဝ်​ႁဵတ်း​သူး​တွင်း​ပထၼႃႇ တီႈ​ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၵဝ်​ဝႃႈ​ၸမ်ႉ၊ ၸဝ်ႈ​ႁဝ်း ၽြႃး​ပဵၼ်​ၸဝ်ႈ ဢၼ်​ယႂ်ႇ​မျၢတ်ႈ​ၼႃႇ​လူင်​လၢင်​လႄႈ ပဵၼ်​တီႈ​ဢၼ်​လီ​ၵူဝ်​လီ​ႁႄ၊ ဢၼ်​သဵတ်ႈ​ၸႃႇ​ဢမ်ႇ​လူႉ​လႄႈ ပႂ်ႉ​ၵရူႉၼႃႇ​တြႃး တီႈ​ၶဝ်​ၸိူဝ်း​ဢၼ် ႁၵ်ႉ​ၸဝ်ႈ​ႁဝ်း​လႄႈ ပႂ်ႉ​ပိင်း​ၺၢပ်ႈ တြႃး​ၸဝ်ႈ​ႁဝ်း​ၼၼ်ႉ တီႈ​ၶႃႈ​ဢိူၺ်း၊

ၽြႃး​ပဵၼ်​ၸဝ်ႈ​ႁဝ်း​ၶႃႈ​တီႈ​ၶႃႈ၊ ၶႅၼ်း​တေႃႈ ႁေႈ​ႁူ​ၸဝ်ႈ​ႁဝ်း​လႄႈ ထွမ်ႇ​ဢဝ်​သေ​ၵမ်း​တီႈ​ၶႃႈ၊ ၶႅၼ်း​တေႃႈ ၽုၺ်ႇ​တႃ​မိုၼ်း​တႃ​ၸဝ်ႈ​ႁဝ်း သေ​လႄႈ လူ​တူၺ်း​တီႈ​ဢၼ်​လူႉ​လႅဝ် ၶႃႈ​ၸဝ်ႈ​ႁဝ်း တင်း​လၢႆ ဢိၵ်ႇ​တင်း ဝဵင်း​ဢၼ်​ႁွင်ႉ​ႁဵၵ်ႈ ၵူပ်း​လူၺ်ႈ ၼႃႇ​မႃႉ​ၸိုဝ်ႈ​သဵင် ၸဝ်ႈ​ႁဝ်း​ၼႆႉ​သေ​ၵမ်း တီႈ​ၶႃႈ၊ ၶႃႈ​ၸဝ်ႈ​ႁဝ်း​ၶဝ် ဢမ်ႇ​ဢိင်​ဢမ်ႇ​ပိုင်ႈ ၵူႉ​သူဝ်ႇ​တူဝ်​ၸဝ်ႈ​ၵဝ်ႇ၊ ဢိင်​ပိုင်ႈ မႁႃႇ​ၵရူႉၼႃႇ​ၸဝ်ႈ​ႁဝ်း သေ​လႄႈ ဢဝ်​ၵႂၢမ်း​ပထၼႃႇ​သၢၵ်ႈ​ၵၢပ်ႈ ၵႃႈ​တီႈ​ၽၢႆႇ​ၼႃႈ​ၸဝ်ႈ​ႁဝ်း တီႈ​ၶႃႈ​ဢေႃႈ။- ၸဝ်ႈ​ၽြႃး​တီႈ​ၶႃႈ၊ ၶႅၼ်း​တေႃႈ ထွမ်ႇ​ငိၼ်း​သေ​ၵမ်း​တီႈ​ၶႃႈ၊ ၸဝ်ႈ​ၽြႃး​တီႈ​ၶႃႈ၊ ၶႅၼ်း​တေႃႈ ပွႆႇ​လွတ်ႈ​ဢပႅတ်ႈ သေ​ၵမ်း​တီႈ​ၶႃႈ၊ ၸဝ်ႈ​ၽြႃး​တီႈ​ၶႃႈ၊ ၶႅၼ်း​တေႃႈ ထွမ်ႇ​ဢဝ်​လႄႈ ႁဵတ်း​ၸွမ်း​သေ​ၵမ်း​တီႈ​ၶႃႈ၊ ၽြႃး​ပဵၼ်​ၸဝ်ႈ ၵဝ်​ၶႃႈ​တီႈ​ၶႃႈ၊ ယႃႇ​ပေ ႁဵတ်း​ၵွႆႈ​ႁဵတ်း​ထိူင်း ပုၼ်ႈ​ၸဝ်ႈ​ႁဝ်း သေ​ၵမ်း​တီႈ​ၶႃႈ၊ ဝဵင်း​ၸဝ်ႈ​ႁဝ်း ဢိၵ်ႇ​တင်း ၵူၼ်း​ၸဝ်ႈ​ႁဝ်း ၸိူဝ်း​ၼႆႉ မီး​တၢင်း​ဢၼ်​ႁွင်ႉ​ႁဵၵ်ႈ ၵူပ်း​လူၺ်ႈ​ၼႃႇ​မႃႉ​ၸိုဝ်ႈ​သဵင် ၸဝ်ႈ​ႁဝ်း တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​လႄႈ ၵဝ်​ဝၢႆႇ​ၼႃႈ​ၵဝ်​ၸူး​တီႈ ၸဝ်ႈ​ၽြႃး​ပဵၼ်​ၸဝ်ႈ ႁႂ်ႈ​လႆႈ​ပႃး​တၢင်း​ဢၼ် ၵမ်​တၢင်း​ၵိၼ်​ယူႇ၊ ၼုင်ႈ​ၶူဝ်း​ၼုင်ႈ​ၼင်​ပေႃ​ယူႇ၊ ဢဝ်​တဝ်ႈ လုပ်ႈ​တႃး​ယူႇ​ၼၼ်ႉ သေ​လႄႈ ႁဵတ်း​သူး​တွင်း ပထၼႃႇ​လဝ်ႊ​ယွၼ်း​ဢေႃႈ။

ပိၵ်ႉ​သမ်ႉ​ၶႃႈ​ၸဝ်ႈ​ႁဝ်း​ၶဝ် ပုင်ႇ​ၵၢၼ်ႇ​ၸဝ်ႈ​ႁဝ်း ယဝ်ႉ​သေ​ၵေႃႈ၊ ဢၶႂၢင်ႉ​တၢင်း​ဢၼ်​ၼႄ​ပျႃး​ၵရူႉၼႃႇ ဢိၵ်ႇ​တင်း ဢၶႂၢင်ႉ​ဢၼ်​ၽေႇ​ဢပႅတ်ႈ ၸၢပ်ႈ​သႅင်ႇ​ၵၼ်​တင်း ၸဝ်ႈ​ၽြႃး​ပဵၼ်​ၸဝ်ႈ​ႁဝ်း​ၶႃႈ တီႈ​ၶႃႈ​ဢေႃႈ။

မၼ်း​တၵ်း ႁဵတ်း​ပတီႉၺိၺ်ႇ ဢၼ်​မၼ်ႈ​ၶိူင်ႇ​လူၺ်ႈ​ၵၼ် တင်း​ၵူၼ်း​ၼမ်​ၼႃႇ ပုၼ်ႈ​သတၢင်း​ၼိုင်ႈ​လႄႈ ႁႂ်ႈ​တၢင်း​ဢၼ်​ပုၵ်ႈ​ၸေႃႇ ယိတ်ႈ​ဢိၵ်ႇ​တင်း တၢင်း​ဢၼ်​သၢၵ်ႈ​ၵၢပ်ႈ​ၼၼ်ႉ ႁၢႆ​လၢႆ​ၵႂႃႇ​ပုၼ်ႈ ၶိုင်ႈ​သတၢင်း​ၼိုင်ႈ​ဢေႃႈ။ ၵေႃႉ​ဢၼ်​ယႃႉ​ပႅတ်ႈ​ၼၼ်ႉ တၵ်း​ႁွတ်ႈ​ထိုင် ၵႃႈ​ၼိူဝ်​ၸိၵ်း လွင်ႈ​တၢင်း​ဢၼ်​လီ​ႁင်ႈ ဢဵတ်ႇ​သဵတ်ႇ ၼၼ်ႉ​လႄႈ တၢင်း​ဢၼ်​ထွၵ်ႇ​ႁိုဝ်ႈ တေႃး​သႃႉ တၢင်း​ၸႂ်​မႆႈ​သႂ်ႇ ၵႃႈ​ၼိူဝ်​ၵေႃႉ​ဢၼ်​ယႃႉ​ပႅတ်ႈ​ၼၼ်ႉ တၵ်း​လႆႈ မီး​ယူႇ​တေႃႇ​ထိုင်​ႁွတ်ႈ တၢင်း​ဢၼ် ဢမူႉ​ဢၼ်​တႅပ်း​တတ်း ၸီႇ​ယၢင်ႇ​ဝႆႉ​ၼၼ်ႉ ယဝ်ႉ​ယဝ်ႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။