ၶုၼ်လူင်ၼၼ်ႉ တၼ်းၶူဝ်းမၼ်းယင်းဢမ်ႇမီးလႄႈ တၼ်းၶူဝ်းတၵ်းယႂ်ႇဢေႃႈ။ မၼ်းတၵ်း ယဵင်ႈၶႅၼ်းယႃႉပႅတ်ႈၼႃႇလူင်လၢင်လႄႈ လႆႈလီလႆႈပဵၼ်ယူႇ သေလႄႈ ႁဵတ်းၸွမ်းဢလူဝ်ႇမၼ်းဢေႃႈ။ မၼ်းတၵ်းယႃႉၽဵဝ်ႈ ၶဝ်ၸိူဝ်းဢၼ်ႁႅင်းယႂ်ႇၼႃႇ ဢိၵ်ႇတင်း ၵူၼ်းမဵဝ်းဢၼ်မူတ်းၸၢင်ႇ တင်းလၢႆ ပႅတ်ႈဢေႃႈ။- မၼ်းၼၼ်ႉ ၵွပ်ႈပိူဝ်ႈ ဢၼ်ႁဵတ်းလၵ်းႁဵတ်းလႅမ် ၼႃႇလူင်လၢင်လႄႈ တၵ်းႁႂ်ႈမူႉသႃႇ လႆႈလီလႆႈပဵၼ် ၵႃႈၼႂ်းမိုဝ်းမၼ်းဢေႃႈ။ မၼ်းတၵ်း မီးၸႂ်ဢၼ် ပူၵ်းပႅၼ်ၽႅၼ်သုင် ၼႃႇလူင်လၢင်လႄႈ ႁဵတ်းမိၵ်ႉသႃႇႁႃယႃႉသေယဝ်ႉ၊ တၵ်းယႃႉၽဵဝ်ႈ ၵူၼ်းၼမ်ၼႃႇပႅတ်ႈလႄႈ ႁဵတ်းၶတ်းၵၼ် တင်းၸဝ်ႈၼိူဝ်ၸဝ်ႈတင်းလၢႆ ၼၼ်ႉဢေႃႈ။ ၼႂ်းဝႃႈၼၼ်သေၵေႃႈ မိုဝ်းၵူၼ်းယင်းဢမ်ႇႁွတ်ႈထိုင်လႄႈ မၼ်းတၵ်း ၶၢမ်ႇတၢင်းဢၼ် ႁၵ်းပုတ်းလူႉလႅဝ်ဢေႃႈ။