ወንጌል ዘማቴዎስ 27-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

ወጊዜ ተስዐቱ ሰዓት ጸርሐ እግዚእ ኢየሱስ በዐቢይ ቃል እንዘ ይብል ኤሎሄ ኤሎሄ ኤልማስ ላማ ሰበቅታኒ ዝ ውእቱ ብሂል አምላኪየ አምላኪየ ለምንት ኀደገኒ።

ወተሠጠ መንጦላዕተ ቤተ መቅደስ እምላዕሉ እስከ ታሕቱ ወኮነ ለክልኤ ክፍል ወአድለቅለቀት ምድር ወነቅዐ ኰኵሕ። ወተከሥቱ መቃብራት ወተንሥኡ ብዙኃን እምአብድንቲሆሙ ለጻድቃን።

ወጸርሐ ካዕበ እግዚእ ኢየሱስ በዐቢይ ቃል ወወፅአት መንፈሱ ሶቤሃ።

ወመኰንነ ምእትሰ ወእለ ምስሌሁ የዐቅብዎ ለእግዚእ ኢየሱስ ርእዮሙ ውእተ ድልቅልቀ ዘኮነ ፈርሁ ጥቀ ወይቤሉ አማን ወልደ እግዚአብሔር ውእቱ ዝንቱ።

ወእምጊዜ ስሱ ሰዓት ጸልመ ኵሉ ዓለም እስከ ተስዐቱ ሰዓት።

ወይቤሎሙ ጲላጦስ ምንተ እንከ እረስዮ ለኢየሱስ ዘተብህለ ክርስቶስ ወይቤሉ ኵሎሙ ስቅሎ። ወይቤሎሙ መስፍን ምንተ እኩየ ገብረ ወአፈድፈዱ ጸሪሐ እንዘ ይብሉ ስቅሎ ስቅሎ።