1 aKorinto 15-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Tivawo, axunnaka oosiveleya, mwiilipihe ni muhittikinyeye. Mahuku ootheene mupakeke miteko sa Muluku ni murima wootheene, niwoko moosuwela weera mwa Apwiya, mutekwaanyu khoohiyono wa siiyo.

Atthapeliwe Muluku onnivaha owina niwoko na Apwiyaahu Yeesu Kristu!

Muhilokotthiwe, “wiiraana ni atthu oonanara ompahula ikhovelelo sooreera.”

Vano, niwoko na mahala a Muluku miyo kiri yeeyo kiraaka, ni mahalaawe wa miyo khayaahiyono a siiyo. Mwa yeeyo koovara muteko waapwaha yaawo ootheene, wa soothesene nkihiyono miyo, mene mahala a Muluku yaari ni miyo.

“Okhwa, ori woowi owinawanyu? Okhwa, ori woowi mpuulaanyu?” Mpuule wa okhwa ti yoottheka ni nlamulo ti ikuru sa yoottheka.

Mwiiwe, miyo kinooleelani ntikhinelo nimoha: khanihiyono ootheene hiyo nneera nikhwe, mene ootheene hiyo nnitatuxiwe wa ehuhu emoha, ngwaaphilani wa maitho, woorumani nipenka nookisera. Vano, nipenka nnirume, akhwiiye eniivenyerere oohiriheya, ni hiyo nnitatuxiwe

Woonaka weera okhwa orwiiye niwoko na mulopwana mmoha paahi, ovenyerera mookhwaanitho orwiiye niwoko na Mulopwana mmoha paahi. Vano, ntoko ootheene ankhwa mwa Adamu, hiihotho mwa Kristu ootheene eniikhalihiwe ni okumi.

niwoko ontthuneya weera yeeyo eri yoowuntta eware yoohuntta, ni yeeyo yookhwa eware yoohikhwa.

Ontthuneya weera Owo alamule mpaka ehuhuweene yeeyo amwiittana ootheene eneeraaya yiikaathiwe vathi wa inaawosawe. Mwiittana ookisera aneera aphwatiwe, ti okhwa