AROMA 12-ൽ നിന്നുള്ള പ്രശസ്ത ബൈബിൾ വചനങ്ങൾ

പങ്ക് വെക്കു

Lekani tsanzira makhaliro a anthu a padziko yapansi pano, mbwenye mulekeni Mulungu akusanduseni monsene mwene pakukupasani manyerezero atswa. Tenepo munakwanisa kudziwa kufuna kwa Mulungu, kwadidi, kwakumkomera pontho kwakuthema monsene mwene.

Natenepo abale anga, na thangwi ya nsisi zikulu za Mulungu pana ife, ndikukupemphani kuti mupipereke kuna Mulungu ninga nsembe ya moyo, yakupambulika kuna basache pontho yakumkomera. Kweneku nkhupembedza kwakuonadi kudathema imwe kuchita kule.

Komerwani thangwi ya chidikhiro chanu, pirirani panyatwa, pontho pempherani ndzidzi onsene.

Lekani kundwa na pyakuipa; mbwenye chitani pinthu pyadidi kuti pyakuipapyo pikundwe.

Funanani na mtima onsene ninga abale. Khalani na chipapu chakulemedzana unango na mwanzache.

Kufunana kwathema kukhala kwamaso. Mwathema kuzondana na pyakuipa, mbwenye phatisani pyadidi.

Ngakhala mphyakukwanisika, yesesani kukhala mwamtendere na anzanu.

Abale anga, lekani bwezera kukudawirani kwachita anzanu, mbwenye lekerani Mulungu kubwezera. Thangwi Malemba akulonga kuti, “Mbuya alonga kuti, ‘Ndilekereni ndibwezere kudawa kwawo, ndinati ndibwezere ndine.’ ”

Khalani anthu aphinga, pontho phatani basa mwakuwangisa. Tumikirani Mbuya mwakupipereka na mtimanu onsene.

Na thangwi ya mtukwa udandipasa Mulungu kudzera muna kukoma kwache mtima, ndinalonga kuna monsenene kuti: Lekani kupiyesa ninga ndimwe akulu pyakwanga piringana muna imwepo. M'mbuto mwache nyerezerani mwakupichepesa, malingana na mdida wa chikhulupiro chakupasani Mulungu chile.

Ngakhala unango anakuchitirani chakuipa lekani bwezera chakuipa. Yesesani kuchita pinthu pya m'maso mwa anthu onsene.

Tsalakananani sasawa unango na mwanzache. Lekani nyada, mbwenye phatizanani na anthu ene pyawo akupichepesa. Lekani kupiyesa mwekha ene ninga anthu anzeru ndimwe ene basi.

Mbwenye ninga munalongera Malemba kuti, “Ngakhala nyamalwanu ana njala, mpaseni phoso; ngakhala iye ana nyota, mpaseni chakumwa; thangwi mungachita tenepo iye anachita manyadzo.”

Pemphani Mulungu kuti atsanzayise anyakuboneresani ale; ande, mpempheni kuti aatsanzayise, nee kuatemberera tayu. Komerwani pabodzi na anyakukomerwa, lirani na anyakulira.

Ngakhala akhristu anzanu ngakutcherenga, gawanani nawo pinthu pina imwepyo, pontho tambirani alendo mwadidi pamsuwo panu.

Manungo athu abodziwa ana mapindi azinji, tenepo mapindi enewa ana mabasa akusiyana-siyana. Ntchibodzi-bodzi, podi kwene kuti ife tainjipa, ndife manungo abodzi thangwi taphatanizwa na Khristu, tenepo tonsene taphatanizwa kuna unango na mwanzache ninga mapindi akusiyana a manungo abodzi.