KITAB NABI YESAYA 65-ൽ നിന്നുള്ള പ്രശസ്ത ബൈബിൾ വചനങ്ങൾ

Sigohlom awaknyan jilakée, ka Ulôn jaweueb; sigohlom lheueh awaknyan meudoá, doá awaknyan ka Ulôn peukabui.

TUHAN meufeureuman, “Ulôn kupeugét langét nyang barô dan bumoe nyang barô. Keujadian-keujadian nyang ka lheueh teujadi yoh masa ilée teupeutuwoe dan hana teuingat le.

Bandum nyang awaknyan peubuet teuma na hase, dan aneuëk-aneuëk awaknyan hana maté meudab-dab. Awaknyan dan keuturonan awaknyan Lôn bri beureukat keu siumu masa.

Ureuëng teuma jipeudong rumoh dan jiduek keudroe lam rumoh nyan; di ureuëng laén hana jiduek di rumoh nyan. Awaknyan jipula bak anggô lam lampôh dan jirasa keudroe ié anggô jih nyan; di ureuëng laén hana ji-jieb ié anggô nyan. Umat Ulôn panyang umu lagée bak kayée, dan jirasa keudroe hase reuôh jihnyan.

Aneuëk-aneuëk manyak hana nyang maté yoh watée ubit, dan ureuëng tuha trok ubak umu nyang leubeh syiek. Ureuëng nyang meu umu trok sireutoh thon teuanggab muda, dan nyang maté sigohlom trok dub umunyan teuanggab nyan na kheueh huköman Lôn.

Asée srigala dan aneuëk bubiri meusajan-sajan jimeurot naleueng; singa jipajoh jeumpueng saban lagée leumô, dan uleue ka hana meubahya le. Bansaboh bukét Lôn nyang suci, hana le nyang rugoe atawa jipeubuet jeuhet.”

Ulôn keudroe meugeumbira sabab Yerusalem, dan gurangsang sabab ureuëng disinan. Nibak banda nyan ka hana le ureuëng mo ba-e, dan hana ureuëng teumawök jilakée tulông.